JEREMIAS 43
43
1Jeremiasek oharpen guztiok adierazi zizkion herriari, Jaunaren, bere Jainkoaren, aginduz. Hitzaldia bukatzean, 2Hoxaiasen seme Azariasek, Kareahen seme Johananek eta hango beste gizonek, harropuztuta, esan zioten: «Gezurra diozu! Jaunak, gure Jainkoak, ez dizu esan gu Egiptora bizitzera ez joateko.#Azarias… 42,1. 3Neriasen seme Barukek zirikatu zaitu gure kontra: babiloniarren esku jarri nahi gaitu, hil edo Babiloniara gatibu eraman gaitzaten».#Baruk 32,12+.
4Hala, ez Kareahen seme Johananek, ez gudalburuek, ez beste inork, ez zioten Jaunari aditu, eta ez ziren gelditu Juda lurraldean.#ez zioten Jaunari aditu 42,13-14+. 5Ostera, Kareahen seme Johananek eta gudalburuek bildu egin zituzten Judan bizirik gelditutako guztiak, hau da, inguruko herrietara ihes egin eta ondoren Judara itzuli zirenak:#inguruko herrietatik itzuliak 40,11-12. 6gizonak, emakumeak, haurrak, erregearen alabak eta Nebuzaradan guardiaburuak Ahikamen seme eta Xafanen biloba Gedaliasi utzitako denak; baita Jeremias profeta eta Neriasen seme Baruk ere.#Gedaliasi utzitakoak 39,13-14. 7Eta, Jaunaren esanari jaramonik egin gabe, Egiptora joan eta Tafnes#43,7 Tafnes: Ik. 2,16 oh. hiriraino iritsi ziren.#Egiptora joan 2 Erg 25,26.
Jeremiasek Nabukodonosor Egipton sartuko dela iragarri
8Tafnesen zegoela, honela hitz egin zion Jaunak Jeremiasi: 9«Hartu harritzar batzuk eta sartu faraoiaren Tafnesko jauregi aurrean dagoen buztinezko zoruan; egin hori judatarren aurrean, 10eta eman mezu hau: “Honela dio Jaun ahalguztidunak, Israelen Jainkoak: Babiloniako errege Nabukodonosor neure zerbitzaria ekarraraziko dut, eta Jeremiasek lurrean sartu dituen harri horien gainean ezarriko ditut haren tronua eta gaineko oihal-estaldura.#Nabukodonosor neure zerbitzaria 25,9+. 11Etortzean, garaitu egingo du Egipto#43,11 garaitu egingo du Egipto: Honela gertatu zen, hain zuzen, 568/567 urtealdian, Amasis Egiptoko faraoi zela. eta nor berari dagokionera eramango: heriotzarako dena heriotzara, erbesterako dena erbestera, ezpatarako dena ezpatara.#Egiptori eraso 46,13; Ez 29,19-20. heriotzarako dena 15,2+. 12Su emango die#43,12 Su emango die: Antzinako itzulpenen arabera; hebreerazkoak Su emango diot (Jaunak, alegia) dio. Egiptoko jainkoen jauretxeei eta erre egingo ditu edo berekin eramango jainko-irudiak. Garbitu egingo du Egipto, artzainak bere zamar-larrua zorriak akabatzeko garbitzen duen bezala, eta garaile aterako da handik.#Egiptoko jainko-irudiak 46,25; Ez 30,13. 13Heliopolisko#43,13 Heliopolisko: Grekozko itzulpenaren arabera; hebreerazkoak Egipton dagoen Eguzki-etxeko dio. Heliopolis Egiptoko On hiriaren grekozko izena zen; bertan jainko Eguzkiaren tenplu handi bat zegoen. zutarriak hautsi eta Egiptoko jainkoen jauretxeak erre egingo ditu”».
Currently Selected:
JEREMIAS 43: EAB
Highlight
Copy
Compare
Share
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
