ŊAƁTA 30
30
1Slen ma Ma-Vatɗina dum mi Musus kafna nam dum mi gurona vi Israyel.
Gatta kay sle ma yi kaŋu
2Musus di tam sa ŋulona kuɗ jafna vi Israyel ala: Humgi va ma Ma-Vatɗin dumna. 3Hay li ma san yi va kalamu kay vul va tam Ma-Vatɗina, lebo yi va kalamu kay tel tuwam kay va'a, nam as cal vun dita valam goyɗi, may dita ta kalay goy hay vunamta nam ma li kuɗa' kafe.
4La cata, hay li ma na' ka waya vo hay ziyna vi bu' tuwa, la na' yi vaawa ka' vok Ma-Vatɗina, 5la bu' humi kay va ma na' yum ka' vok Ma-Vatɗina, la bu' may da' vaɗi, va ma na' yum ka'na ma li hay liyamu; 6may hay buur ma bu' hum kaynawa, la hayam min law na'taɗi, sle ma na' yum ka' kafna as liɗi; nala Ma-Vatɗin ma vula' gida, kay bu'a hayam min law na'taɗi.
7Hay li ma goot-cat sla'awa goyo, may la na' yi va ka' jewe, lebo na' hin tuwa' juni tam yoboy ma fut goy vuna'a, 8la jufa' hum labarawa, may la nam may da' vaɗi, sle ma na' yum ka'na as li'e; 9may hay li ma jufa' hum labar kayni, dikam may firiɗi, sle ma na' yum ka'na nam as kusumu, Ma-Vatɗin ma vula' gida kay dita ta futay goy vuna'ta may. 10La cata duhulta lebo cata giy goyta yi va ka'a, va namna hobom vunam ti na' kay tuwa'a. 11Hay li ma cat ka hay ziyna vi jufa'a, may na' yi vaawa ka'a, 12la jufa' hum kaynawa, la nam may da' vaɗi, dikam may ɓulakɗi lay, sle ma na' yum ka'na na' as li kuɗumu. 13May hay li ma jufa' hum kayni, la nam kusumawa, sle ma na' yum ka' kafna gasita valam mayɗi, kay jufa' kusumawa; nala Ma-Vatɗin ma vula' gida.
14la cat yi va ka' lebo tel tuwa' kay va'a, jufa'a gaŋeraŋa valam ka kay tel lawt na'ta lebo hina' li'e. 15La hay buurta vok lo vok lo nam may da' vaɗi, kayn di ala nam ka hina' hagata kay hob vun sle ma na' yum ka'na; kay hay buur ma nam hum kayni pa nam min da' vaɗi. 16May la nam kus kayni goy bugol buur ma nam humna, nam muɗi joo kay tel ma nam kus va ma cat yum ka'na, nala nam ma ziy sulukŋa vi cata valamu.
17Kayni mi gat ma Ma-Vatɗina vulum mi Musus kay goot-cat ta ka vo vi bu' tuwa hiɗi ta sliy goy kuɗ jufa'ta.
Currently Selected:
ŊAƁTA 30: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
