SA LEVITNA 8
8
Vulda-goyta vi Aaron hiɗi gurona valamu
1Ma-Vatɗina di tam Musus ala: 2Aaron hiɗi gurona valamu naŋ ma yawsiya, yawaŋ sligara, slaŋ mul ma ɦok kamna, vaŋ put ma poora, yawaŋ fok-gamala ma ma'na hiɗi tikisit ta fun-bay-kufn hayta; 3naŋ ma yi sumun kaf kay nisi ma tok goy vun guɗuk ma fi-tuwna. 4Musus li slen ma Ma-Vatɗin dum kalamna kafe; sumun tok tuwsi goy vun guɗuk ma fi-tuwna.
5Musus di tam tokŋa: Humgi va ma Ma-Vatɗin vul hagat kay lumu: 6Musus mar Aaron hiɗi gurona valam kulo talamu, nam muzsi goy hiɗi niyna. 7Nam cuk sligar-tuwn tam Aaron, junum kantin furamu, cukum sligar fiyok talamu, cuk sligar-ŋoŋ talamu, sligar-ŋoŋ namna nam jun kantin kalamu. 8Nam gi birim-ŋoŋ digamu, nam ci Urim hiɗi Tumim tam birim-ŋoŋ namna. 9Nam tunum jakawat kalamu, or ma beɗayna nam tunum kulo voka'a, velevelta ta peldetta, ki Ma-Vatɗina vul hagata tam Musus nala.
10Musus sli mul ma ɦok-kamna, nam ɦokom kay liyn ma peldetna hiɗi slen ma talamna kaf, nam lum goy peldete. 11Nam yam mula sem siɗiya kay giwin-ma-ɗifinna, nam ɦok mul kalamu, hiɗi jak ma talamna kaf, doway-firina hiɗi diram ma gaana kaw, kay lum goy peldete. 12Nam ɦok mula kay yam Aaron, kay lum goy peldete. 13Musus mar gurona vi Aaron talam kaw; nam cuk sligar-tuwn tisiya, jun kantin fursiya, tunsi poki kisiya, ki Ma-Vatɗina vul hagata tam Musus nala.
14Nam mar put ma poora talamu, Aaron hiɗi gurona valam tun ɓisi kay put namna. 15Musus ŋat putna, yaw kuɗ busuwna, cita-ɓalam ma ŋuruɓi hiɗi busuwna nam korom kulo tam miyokŋa vi giwin-ma-ɗifinna kaf, giwin-ma-ɗifinna nam lum goy peldete; busuwna nam yamam gaa sem giwin-ma-ɗifinna, lum goy peldete kay li poor hayamu. 16Mul ma tam ruwatna nam yawam kafe, mul ma kay dukŋa, gles ma ma'na hiɗi mul ma kalamna kaw, nam ŋalam kaf kulo kay giwin-ma-ɗifinna. 17May putn kay tuwamu hiɗi bakamu, sliwamu hiɗi suɗoyom kaf nam ŋalam goyo, goy gine hiɗi guruna, ki Ma-Vatɗina vul hagata tam Musus nala.
18ɦu-gamala ma ŋalam goy ɗifinna nam maram goboyo, Aaron hiɗi gurona valamu tun ɓisi kay ɦu namna. 19Musus ŋat ɦu namna, nam yam busuwn goy tam tuw giwin-ma-ɗifinna noŋ kafe. 20Nam ka ir ɦun goyo; yamna nam ŋalamu, sliwam ma kaay goyna hiɗi mula nam ŋalam goy kafe. 21Ruwatna hiɗi gayna nam muzum goy hiɗi niyna, ɦu-gamalana nam burum kulo kay giwin-ma-ɗifinna ŋalam goy noŋ kaf; kayni mi ɗifin ma ŋal-goyna, ɗifin ma ŋalay kay kuta, hista valam ŋaa'a ŋolo kir Ma-Vatɗina, ki Ma-Vatɗin vul hagat tam Musus nala.
22Nam mar ɦu-gamala hena, ɦu-gamala ma vul san goy ɗifin hiɗi namna, Aaron hiɗi gurona valamu tun ɓisi kay ɦu namna. 23Musus ŋat ɦu-gamala namna, sli busuw mara ne', jom hay hum Aaron ta jufta, hay cita-ɓalam ŋolda ta jufta, hay cita-selem ŋolda ta jufta kaw. 24Nam mar gurona vi Aaron talam goboyo, tun busuwn hay zeŋ-humsi ma gal jufn kaf, hay cita-ɓisi ta ŋolda ta jufta kaf, hay cita-sesi ta ŋolda ta jufta kaf kaw, nam yam busuwn goy tam tuw giwin-ma-ɗifinna noŋ kaf. 25Nam yaw mula hiɗi giɗera, mul ma tam ruwatna noŋ kafe, mul ma kay dukŋa, gles ma ma'na hiɗi mul ma talamna, hiɗi bigiy ta jufta;
26nam sli tikisita ta fun-bay-kufn haya'ta, ta tuni goy vok ir Ma-Vatɗina, nam sli hambul ma bay-kufna, hambul ma hiliɓi hiɗi mula kaw, hiɗi hambul ma ɦawana kaw, nam lakam kay mula hiɗi bigiy-ɦuna ma jufna. 27Slen kayni kaf nam vulum hay ɓam Aaron hiɗi gurona valamu, nisi muɗum galam kulo vok ir Ma-Vatɗin kaf. 28Bugol kayni Musus hot yawam hay ɓisiya, nam ŋalam kulo'o kay giwin-ma-ɗifinna, kulo kay va ma ŋal-ɗifinna: Kayni muɗi mi ɗifin ma vul san goyna, ma ŋalay hay kuta, hista valam ŋaa'a ŋolo kir Ma-Vatɗina.
29Musus sli war-digŋa vi ɦuna ma vul san goy hiɗi namna, nam muɗum galam kaf kulo vok ir Ma-Vatɗina, kayni mi galla vi Musus, ki Ma-Vatɗina vul hagat talam nala.
30Musus sli mul ma set-tuwna hiɗi busuwna ma ka kulo kay giwin-ma-ɗifinna; nam yamam goy kay Aaron hiɗi sligara valamu, kay gurona vi Aaron hiɗi sligara visi kaw. Nam gi Aaron ɗifini, sligara valamu, gurona valamu, sligara visiya hiɗi nisi kaw.
31Musus di tam Aaron hiɗi gurona valam ala: Nigi ma zal sliwna kalaf hay guɗuk ma fi-tuwna, kayni mi liyn ma nigi ma ti hayna, hiɗi fun ma ka kalaf hay tikisit ta vul san goy hiɗi na'ta, ki nan vul hagat nala ala Aaron hiɗi gurona valamu ma tumu. 32Dir funa hiɗi dir sliwna ma hin goyna nigi ma ŋalam goy hay kuta. 33Ir buur siɗiya, nigi ma kalay goyo hay vun guɗuk ma fi-tuwn noŋɗi, say buura vigi ma vulgi goyna vat tuwa, kay buur ma siɗiyan lakŋi, kay vulgi goy mi Ma-Vatɗin hayamu. 34Va ma li vaydin kayni, Ma-Vatɗina vul hagata kay lumu ki poora vigi nala. 35Ki kayn nala nigi ma lak kalaf hay guɗuk ma fi-tuwna ir buur siɗiya, henjeta hiɗi falayta; nigi ma li kuɗ gatta vi Ma-Vatɗina kaw, kay nigi ma mitɗi, kay kayni ti dita ta vuli tanu. 36Slen ma Ma-Vatɗina dum mi Mususna Aaron hiɗi gurona valam li kuɗum kaf.
Currently Selected:
SA LEVITNA 8: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 8
8
Vulda-goyta vi Aaron hiɗi gurona valamu
1Ma-Vatɗina di tam Musus ala: 2Aaron hiɗi gurona valamu naŋ ma yawsiya, yawaŋ sligara, slaŋ mul ma ɦok kamna, vaŋ put ma poora, yawaŋ fok-gamala ma ma'na hiɗi tikisit ta fun-bay-kufn hayta; 3naŋ ma yi sumun kaf kay nisi ma tok goy vun guɗuk ma fi-tuwna. 4Musus li slen ma Ma-Vatɗin dum kalamna kafe; sumun tok tuwsi goy vun guɗuk ma fi-tuwna.
5Musus di tam tokŋa: Humgi va ma Ma-Vatɗin vul hagat kay lumu: 6Musus mar Aaron hiɗi gurona valam kulo talamu, nam muzsi goy hiɗi niyna. 7Nam cuk sligar-tuwn tam Aaron, junum kantin furamu, cukum sligar fiyok talamu, cuk sligar-ŋoŋ talamu, sligar-ŋoŋ namna nam jun kantin kalamu. 8Nam gi birim-ŋoŋ digamu, nam ci Urim hiɗi Tumim tam birim-ŋoŋ namna. 9Nam tunum jakawat kalamu, or ma beɗayna nam tunum kulo voka'a, velevelta ta peldetta, ki Ma-Vatɗina vul hagata tam Musus nala.
10Musus sli mul ma ɦok-kamna, nam ɦokom kay liyn ma peldetna hiɗi slen ma talamna kaf, nam lum goy peldete. 11Nam yam mula sem siɗiya kay giwin-ma-ɗifinna, nam ɦok mul kalamu, hiɗi jak ma talamna kaf, doway-firina hiɗi diram ma gaana kaw, kay lum goy peldete. 12Nam ɦok mula kay yam Aaron, kay lum goy peldete. 13Musus mar gurona vi Aaron talam kaw; nam cuk sligar-tuwn tisiya, jun kantin fursiya, tunsi poki kisiya, ki Ma-Vatɗina vul hagata tam Musus nala.
14Nam mar put ma poora talamu, Aaron hiɗi gurona valam tun ɓisi kay put namna. 15Musus ŋat putna, yaw kuɗ busuwna, cita-ɓalam ma ŋuruɓi hiɗi busuwna nam korom kulo tam miyokŋa vi giwin-ma-ɗifinna kaf, giwin-ma-ɗifinna nam lum goy peldete; busuwna nam yamam gaa sem giwin-ma-ɗifinna, lum goy peldete kay li poor hayamu. 16Mul ma tam ruwatna nam yawam kafe, mul ma kay dukŋa, gles ma ma'na hiɗi mul ma kalamna kaw, nam ŋalam kaf kulo kay giwin-ma-ɗifinna. 17May putn kay tuwamu hiɗi bakamu, sliwamu hiɗi suɗoyom kaf nam ŋalam goyo, goy gine hiɗi guruna, ki Ma-Vatɗina vul hagata tam Musus nala.
18ɦu-gamala ma ŋalam goy ɗifinna nam maram goboyo, Aaron hiɗi gurona valamu tun ɓisi kay ɦu namna. 19Musus ŋat ɦu namna, nam yam busuwn goy tam tuw giwin-ma-ɗifinna noŋ kafe. 20Nam ka ir ɦun goyo; yamna nam ŋalamu, sliwam ma kaay goyna hiɗi mula nam ŋalam goy kafe. 21Ruwatna hiɗi gayna nam muzum goy hiɗi niyna, ɦu-gamalana nam burum kulo kay giwin-ma-ɗifinna ŋalam goy noŋ kaf; kayni mi ɗifin ma ŋal-goyna, ɗifin ma ŋalay kay kuta, hista valam ŋaa'a ŋolo kir Ma-Vatɗina, ki Ma-Vatɗin vul hagat tam Musus nala.
22Nam mar ɦu-gamala hena, ɦu-gamala ma vul san goy ɗifin hiɗi namna, Aaron hiɗi gurona valamu tun ɓisi kay ɦu namna. 23Musus ŋat ɦu-gamala namna, sli busuw mara ne', jom hay hum Aaron ta jufta, hay cita-ɓalam ŋolda ta jufta, hay cita-selem ŋolda ta jufta kaw. 24Nam mar gurona vi Aaron talam goboyo, tun busuwn hay zeŋ-humsi ma gal jufn kaf, hay cita-ɓisi ta ŋolda ta jufta kaf, hay cita-sesi ta ŋolda ta jufta kaf kaw, nam yam busuwn goy tam tuw giwin-ma-ɗifinna noŋ kaf. 25Nam yaw mula hiɗi giɗera, mul ma tam ruwatna noŋ kafe, mul ma kay dukŋa, gles ma ma'na hiɗi mul ma talamna, hiɗi bigiy ta jufta;
26nam sli tikisita ta fun-bay-kufn haya'ta, ta tuni goy vok ir Ma-Vatɗina, nam sli hambul ma bay-kufna, hambul ma hiliɓi hiɗi mula kaw, hiɗi hambul ma ɦawana kaw, nam lakam kay mula hiɗi bigiy-ɦuna ma jufna. 27Slen kayni kaf nam vulum hay ɓam Aaron hiɗi gurona valamu, nisi muɗum galam kulo vok ir Ma-Vatɗin kaf. 28Bugol kayni Musus hot yawam hay ɓisiya, nam ŋalam kulo'o kay giwin-ma-ɗifinna, kulo kay va ma ŋal-ɗifinna: Kayni muɗi mi ɗifin ma vul san goyna, ma ŋalay hay kuta, hista valam ŋaa'a ŋolo kir Ma-Vatɗina.
29Musus sli war-digŋa vi ɦuna ma vul san goy hiɗi namna, nam muɗum galam kaf kulo vok ir Ma-Vatɗina, kayni mi galla vi Musus, ki Ma-Vatɗina vul hagat talam nala.
30Musus sli mul ma set-tuwna hiɗi busuwna ma ka kulo kay giwin-ma-ɗifinna; nam yamam goy kay Aaron hiɗi sligara valamu, kay gurona vi Aaron hiɗi sligara visi kaw. Nam gi Aaron ɗifini, sligara valamu, gurona valamu, sligara visiya hiɗi nisi kaw.
31Musus di tam Aaron hiɗi gurona valam ala: Nigi ma zal sliwna kalaf hay guɗuk ma fi-tuwna, kayni mi liyn ma nigi ma ti hayna, hiɗi fun ma ka kalaf hay tikisit ta vul san goy hiɗi na'ta, ki nan vul hagat nala ala Aaron hiɗi gurona valamu ma tumu. 32Dir funa hiɗi dir sliwna ma hin goyna nigi ma ŋalam goy hay kuta. 33Ir buur siɗiya, nigi ma kalay goyo hay vun guɗuk ma fi-tuwn noŋɗi, say buura vigi ma vulgi goyna vat tuwa, kay buur ma siɗiyan lakŋi, kay vulgi goy mi Ma-Vatɗin hayamu. 34Va ma li vaydin kayni, Ma-Vatɗina vul hagata kay lumu ki poora vigi nala. 35Ki kayn nala nigi ma lak kalaf hay guɗuk ma fi-tuwna ir buur siɗiya, henjeta hiɗi falayta; nigi ma li kuɗ gatta vi Ma-Vatɗina kaw, kay nigi ma mitɗi, kay kayni ti dita ta vuli tanu. 36Slen ma Ma-Vatɗina dum mi Mususna Aaron hiɗi gurona valam li kuɗum kaf.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001