SA LEVITNA 7
7
1Kayni ti gatta kuɗ ɗifin ma kay sulukŋa: Kayni mi va ma peldet suwa. 2Faray ma ŋatam kay ɗifinna vi sulukŋa nigi ma ŋatam hay liyn ma ŋat faray ma ŋalam goyn hayna. Nigi ma yamam busuwam goy kat giwin-ma-ɗifinna noŋ kafe. 3Mula kaf nigi ma lum goy ɗifini, giɗera, mul ma tam ruwatna, 4gles ma ma'na, mul ma ŋuyi talamna, ma ŋuyi tam furta, mula ma tam dukka, ma kaam jaram goy goboy tam glesna. 5Mul-ma-ɗifinna ma ŋal kayni kulo kay giwin-ma-ɗifinna, ki ɗifin ma ŋalay vok ir Ma-Vatɗina nala. Kayni mi ɗifin ma kay sulukŋa. 6Sum sa jufayna jar sa li lop ɗifinna kaf as kay ti'e; nisi ma lak tumu hay liy ma peldete. Kay kayni mi va ma peldet suwiya. 7Ɗifin ma kay sulukŋa hiɗi ɗifin ma poora nam ki tuwam nala. Ɗifin namna ma ma'n cani gatta ta kalamta na' ŋray ca. Faray namna ma ŋatamna ɗawni nam vi mul-ma-ɗifinna ma min li poora.
8Mul-ma-ɗifinna marige kaw, la san maram ɗifin ma ŋal-goynawa, nam ma yaw bakŋa vi ɦu ma nam ŋalam goy ɗifinna.
9Sle ma ɗifinna kaf ma cufi kulo kay giwinna, ma cufi kulo kay kaway-ciliyna, lebo hay ŋarakŋa kaf, nam vi mul-ma-ɗifinna ma li lop namna. 10Ɗifinna ma vuli goyna kaf ma hiliɓi hiɗi mula hiɗi ma soy goyna kaf nam vi gurona vi Aaron, nisi noŋ kaf nam visiya.
Gatta kay ɗifinna vi gi-deɓta
11Kayni ti gatta ta tuni kay ɗifinna vi lop ma slugona ma nigi vulum goy tam Ma-Vatɗina: 12La san min li ɗifin ma gi-deɓta, nam ma tapam hiɗi ɗifinna vi lop ma slugona, nam ma gar hambulla ma bay-kufna ma hiliɓi hiɗi mula, hambul ma bay-kufna ma mul yamay kalamna, hiɗi hambulla vi futuwna, ma zalayna, ma hiliɓi hiɗi mula. 13Nam ma tap fun ma-kufna tam hambul namna kay li vulda valamu; hiɗi ɗifinna valamu ma gi-deɓta hiɗi ma lop ma slugona. 14Vulda kuɗ jafa' kaf nigi ma yaw kuɗa' ne' ne', vula' tam Ma-Vatɗina hiɗi ɓigi kulo meɗiya, mul-ma-ɗifinna, ma yam busuwna vi ɦu ma ŋatam kay lop ma slugona, vulda na'ta ma hin valamu. 15Sliwna vi ɦu ma lum ɗifini kay gi-deɓta hiɗi lop ma slugona ma tum hay buur ma lum ɗifinna de', hin dir mara goyo kay jifini loɗi.
16La san min li ɗifin kay va ma nam yi kalamna vunam hobawa, lebo ki ɗifin ma kuɗ minda nala, va ma nam ŋatamna ma tum hay buur namna de', diram ma hin goyna as tum goy grawta. 17Dir sliw ma hin goyna ma ŋalam goyo hay buurta ɦidita. 18Ɗifinna vi lop ma slugo namna la sa tumawa hay buurta ɦidita, ɗifin namna may ŋaa'a loɗi, sa namna ma as ŋaɓam ki ɗifin nala loɗi; kay nam muɗi liwisi. La sa tumawa, nam ma ziy sulukŋa valamu.
19Sliw ma jo tam va ma liwisi sa as tumɗi, ma ŋalam goy hay kuta. 20San gigekaw la va ma liwis may talamɗina, nam as ti sliw namna, may la san ɗuw kayni va ma liwis ka talamu may nam ti sliwna ma ir vi Ma-Vatɗina, sa namna ma patam goy jar sumuna valamu. 21San gigekaw ma tun ɓalam tam va ma liwisi, la nam jo sa ma muɗi liwisi lebo muur ma liwisi, la mi va ma liwis ir mige kaw, la nam hot ti sliwna vi ɗifinna vi lop ma slugona ma vuli goy tam Ma-Vatɗina, sa namna ma kaam selem goy jar sumuna valamu.
22Ma-Vatɗina di tam Musus ala: 23Naŋ ma di tam gurona vi Israyel ala: Mul-sliwna vi luwayna, hiɗi mul-sliwna vi fok-dimina hiɗi fok-meen kaf nigi ma tum noŋɗi. 24Mula vi faray ma miti goy valamna hiɗi ma muur jetem goyna nigi as yawam kay li lop mara'a hiɗi namu; may nigi as kay tum noŋɗi. 25Faray ma lum ɗifin tam Ma-Vatɗina hiɗi ɗifin ma ŋal-goyna, sa ma tumawana, ma patam selem goy jar sumuna valamu. 26Nigi ma ti busuwn noŋɗi, ti busuw laynɗi, ti busuw muurɗi kaw hay liyn kaf ma nigi lak hayam ɗawni. 27La sa ti busuwnawa, la malam mi busuw mige kaw, ma kaam selem goy jar sumuna valamu.
28Ma-Vatɗina di tam Musus ala: 29Naŋ ma di tam gurona vi Israyel ala: Sa ma min li ɗifinna vi lop ma slugona tam Ma-Vatɗina, nam ma mar vulda valamu tam Ma-Vatɗina, vulda ta nam yawa'ay kuɗ ɗifinna vi lop ma slugona valamu. 30Ɗifin ma min ŋalam hay kuta nam kay tuwam ma maram vok ir Ma-Vatɗina; nam ma mar mul-sliwna hiɗi war-digŋa, war-digŋa ma vum kulo'o kay muɗum galam kaf vok ir Ma-Vatɗina. 31Mul-ma-ɗifinna ma ŋal mul-sliwna kulo kay giwin-ma-ɗifinna, war-dig namna ma hin vi Aaron hiɗi gurona valamu. 32Faray ma nigi li ɗifinna vi lop ma slugon hiɗi namna kaf, nigi ma vulum bigiyam ta jufta mi mul-ma-ɗifinna, nigi as geɗem kulo'o jew a vulsita. 33Jar gurona vi Aaron, namu ma li ɗifinna vi lop ma slugona hiɗi busuwna hiɗi mul-sliwn ɗawni, bigiy ta jufta na' valamu. 34Kay ɗifinna vi lop ma slugona, ma gurona vi Israyel lum hiɗi war-digŋa, ma nisi geɗem kulona hiɗi bigiyta ta va'a kulot kaw, nan yawamu, vulum mi mul-ma-ɗifinna Aaron hiɗi gurona valamu. Kayni ti gatta ta hini dok-dok kay gurona vi Israyel ma li kuɗa'a. 35Galla namna ma yawam goy kuɗ ɗifin ma lum tam Ma-Vatɗin lakŋi, nam vi Aaron hiɗi gurona valamu, tun caw tam buur ma hok mul kisiya kay nisi ma li lopna van hay liyn ma peldetna pa. 36Kayni mi ma Ma-Vatɗina vul hagata tam gurona vi Israyel kay vulum tisiya, tun caw hay buur ma mul ɦoki kisin pa; gatta kayni ma hin dok-dok jar jafna visiya. 37Kayni ti gatta ta vuliya kay ɗifin ma ŋal-goyna, kay ɗifin ma poora, kay ɗifin ma kay sulukŋa, kay vulda-goyta hay lopna, kay ɗifinna vi lop ma slugona kaw. 38Ma-Vatɗina ɗo slen kayni mi Musus kulo kay hiɗiyta Sinay, kayni hay buur ma nam mal hagata tam gurona vi Israyel kay mar vulda visi tam Ma-Vatɗina hay fulda vi Sinay.
Currently Selected:
SA LEVITNA 7: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 7
7
1Kayni ti gatta kuɗ ɗifin ma kay sulukŋa: Kayni mi va ma peldet suwa. 2Faray ma ŋatam kay ɗifinna vi sulukŋa nigi ma ŋatam hay liyn ma ŋat faray ma ŋalam goyn hayna. Nigi ma yamam busuwam goy kat giwin-ma-ɗifinna noŋ kafe. 3Mula kaf nigi ma lum goy ɗifini, giɗera, mul ma tam ruwatna, 4gles ma ma'na, mul ma ŋuyi talamna, ma ŋuyi tam furta, mula ma tam dukka, ma kaam jaram goy goboy tam glesna. 5Mul-ma-ɗifinna ma ŋal kayni kulo kay giwin-ma-ɗifinna, ki ɗifin ma ŋalay vok ir Ma-Vatɗina nala. Kayni mi ɗifin ma kay sulukŋa. 6Sum sa jufayna jar sa li lop ɗifinna kaf as kay ti'e; nisi ma lak tumu hay liy ma peldete. Kay kayni mi va ma peldet suwiya. 7Ɗifin ma kay sulukŋa hiɗi ɗifin ma poora nam ki tuwam nala. Ɗifin namna ma ma'n cani gatta ta kalamta na' ŋray ca. Faray namna ma ŋatamna ɗawni nam vi mul-ma-ɗifinna ma min li poora.
8Mul-ma-ɗifinna marige kaw, la san maram ɗifin ma ŋal-goynawa, nam ma yaw bakŋa vi ɦu ma nam ŋalam goy ɗifinna.
9Sle ma ɗifinna kaf ma cufi kulo kay giwinna, ma cufi kulo kay kaway-ciliyna, lebo hay ŋarakŋa kaf, nam vi mul-ma-ɗifinna ma li lop namna. 10Ɗifinna ma vuli goyna kaf ma hiliɓi hiɗi mula hiɗi ma soy goyna kaf nam vi gurona vi Aaron, nisi noŋ kaf nam visiya.
Gatta kay ɗifinna vi gi-deɓta
11Kayni ti gatta ta tuni kay ɗifinna vi lop ma slugona ma nigi vulum goy tam Ma-Vatɗina: 12La san min li ɗifin ma gi-deɓta, nam ma tapam hiɗi ɗifinna vi lop ma slugona, nam ma gar hambulla ma bay-kufna ma hiliɓi hiɗi mula, hambul ma bay-kufna ma mul yamay kalamna, hiɗi hambulla vi futuwna, ma zalayna, ma hiliɓi hiɗi mula. 13Nam ma tap fun ma-kufna tam hambul namna kay li vulda valamu; hiɗi ɗifinna valamu ma gi-deɓta hiɗi ma lop ma slugona. 14Vulda kuɗ jafa' kaf nigi ma yaw kuɗa' ne' ne', vula' tam Ma-Vatɗina hiɗi ɓigi kulo meɗiya, mul-ma-ɗifinna, ma yam busuwna vi ɦu ma ŋatam kay lop ma slugona, vulda na'ta ma hin valamu. 15Sliwna vi ɦu ma lum ɗifini kay gi-deɓta hiɗi lop ma slugona ma tum hay buur ma lum ɗifinna de', hin dir mara goyo kay jifini loɗi.
16La san min li ɗifin kay va ma nam yi kalamna vunam hobawa, lebo ki ɗifin ma kuɗ minda nala, va ma nam ŋatamna ma tum hay buur namna de', diram ma hin goyna as tum goy grawta. 17Dir sliw ma hin goyna ma ŋalam goyo hay buurta ɦidita. 18Ɗifinna vi lop ma slugo namna la sa tumawa hay buurta ɦidita, ɗifin namna may ŋaa'a loɗi, sa namna ma as ŋaɓam ki ɗifin nala loɗi; kay nam muɗi liwisi. La sa tumawa, nam ma ziy sulukŋa valamu.
19Sliw ma jo tam va ma liwisi sa as tumɗi, ma ŋalam goy hay kuta. 20San gigekaw la va ma liwis may talamɗina, nam as ti sliw namna, may la san ɗuw kayni va ma liwis ka talamu may nam ti sliwna ma ir vi Ma-Vatɗina, sa namna ma patam goy jar sumuna valamu. 21San gigekaw ma tun ɓalam tam va ma liwisi, la nam jo sa ma muɗi liwisi lebo muur ma liwisi, la mi va ma liwis ir mige kaw, la nam hot ti sliwna vi ɗifinna vi lop ma slugona ma vuli goy tam Ma-Vatɗina, sa namna ma kaam selem goy jar sumuna valamu.
22Ma-Vatɗina di tam Musus ala: 23Naŋ ma di tam gurona vi Israyel ala: Mul-sliwna vi luwayna, hiɗi mul-sliwna vi fok-dimina hiɗi fok-meen kaf nigi ma tum noŋɗi. 24Mula vi faray ma miti goy valamna hiɗi ma muur jetem goyna nigi as yawam kay li lop mara'a hiɗi namu; may nigi as kay tum noŋɗi. 25Faray ma lum ɗifin tam Ma-Vatɗina hiɗi ɗifin ma ŋal-goyna, sa ma tumawana, ma patam selem goy jar sumuna valamu. 26Nigi ma ti busuwn noŋɗi, ti busuw laynɗi, ti busuw muurɗi kaw hay liyn kaf ma nigi lak hayam ɗawni. 27La sa ti busuwnawa, la malam mi busuw mige kaw, ma kaam selem goy jar sumuna valamu.
28Ma-Vatɗina di tam Musus ala: 29Naŋ ma di tam gurona vi Israyel ala: Sa ma min li ɗifinna vi lop ma slugona tam Ma-Vatɗina, nam ma mar vulda valamu tam Ma-Vatɗina, vulda ta nam yawa'ay kuɗ ɗifinna vi lop ma slugona valamu. 30Ɗifin ma min ŋalam hay kuta nam kay tuwam ma maram vok ir Ma-Vatɗina; nam ma mar mul-sliwna hiɗi war-digŋa, war-digŋa ma vum kulo'o kay muɗum galam kaf vok ir Ma-Vatɗina. 31Mul-ma-ɗifinna ma ŋal mul-sliwna kulo kay giwin-ma-ɗifinna, war-dig namna ma hin vi Aaron hiɗi gurona valamu. 32Faray ma nigi li ɗifinna vi lop ma slugon hiɗi namna kaf, nigi ma vulum bigiyam ta jufta mi mul-ma-ɗifinna, nigi as geɗem kulo'o jew a vulsita. 33Jar gurona vi Aaron, namu ma li ɗifinna vi lop ma slugona hiɗi busuwna hiɗi mul-sliwn ɗawni, bigiy ta jufta na' valamu. 34Kay ɗifinna vi lop ma slugona, ma gurona vi Israyel lum hiɗi war-digŋa, ma nisi geɗem kulona hiɗi bigiyta ta va'a kulot kaw, nan yawamu, vulum mi mul-ma-ɗifinna Aaron hiɗi gurona valamu. Kayni ti gatta ta hini dok-dok kay gurona vi Israyel ma li kuɗa'a. 35Galla namna ma yawam goy kuɗ ɗifin ma lum tam Ma-Vatɗin lakŋi, nam vi Aaron hiɗi gurona valamu, tun caw tam buur ma hok mul kisiya kay nisi ma li lopna van hay liyn ma peldetna pa. 36Kayni mi ma Ma-Vatɗina vul hagata tam gurona vi Israyel kay vulum tisiya, tun caw hay buur ma mul ɦoki kisin pa; gatta kayni ma hin dok-dok jar jafna visiya. 37Kayni ti gatta ta vuliya kay ɗifin ma ŋal-goyna, kay ɗifin ma poora, kay ɗifin ma kay sulukŋa, kay vulda-goyta hay lopna, kay ɗifinna vi lop ma slugona kaw. 38Ma-Vatɗina ɗo slen kayni mi Musus kulo kay hiɗiyta Sinay, kayni hay buur ma nam mal hagata tam gurona vi Israyel kay mar vulda visi tam Ma-Vatɗina hay fulda vi Sinay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001