SA LEVITNA 9
9
Ɗifin ma jewna ma Aaron hiɗi gurona valam lumna
1Hay buurta glafandita, Musus yi Aaron hiɗi gurona valamu, hiɗi sa maariyana vi Israyel. 2Nam di tam Aaron ala: Naŋ ma vi goor-put ma joriyo'o kay li ɗifin ma poora, vi ɦu-gamala'a kay li ɗifin ma ŋal-goyna, nam ma' kaf ma li hiɗi moy talamɗi, nigi ma lum ɗifini vok ir Ma-Vatɗina. 3Naŋ ma di tam gurona vi Israyel ala: Nigi ma vi ɦu-ŋeke, kay li ɗifin ma poora hiɗi namu, vigi goor-put kepe, vigi goor ɦu-dimi kep kaw, busata valam kep kepe, moy may talamɗi kaw, kay li ɗifin ma ŋal-goyn hiɗi namu. 4Put-guju kepe hiɗi ɦu-gamala kepe, kay ɗifinna vi lop ma slugona, kay lum goy peldete vok ir Ma-Vatɗina; hiɗi ɗifin ma hiliɓi hiɗi mula. Kay vaydi Ma-Vatɗin ma vul tuwam kirgiya.
5Sle ma Musus di kalamna nisi tuɗum goy vun guɗuk ma fi-tuwna; tokŋa kaf co goboyo, nisi lak goy vok Ma-Vatɗina. 6Musus di'e: Nigi ma li kuɗ slen ma Ma-Vatɗin di kalamna; nala gajijita vi Ma-Vatɗin ma vul tuwa' kirgiya. 7Musus di tam Aaron: Naŋ ma co goboyo tam giwin-ma-ɗifinna, naŋ ma li ɗifinna vaŋ ma poora hiɗi ɗifin ma ŋal-goyna, naŋ ma li poora kaŋ naŋu, kay sumun kafe kaw; naŋ ma li ɗifin kay sumun kafe, naŋ ma li poor kisiya, ki Ma-Vatɗina vul hagat nala.
8Aaron co goboy tam giwin-ma-ɗifin, nam ŋat goor-putna kay ɗifinna ma por tuwamna. 9Gurona vi Aaron maram busuwna, nam jiyob cita-ɓalam gaa hay busuwna, nam set busuw mara kulo tam giwin-ma-ɗifinna, busuw hena nam ɦokom gaa sem giwin-ma-ɗifinna. 10Mul-sliwna, gles ma ma'na hiɗi mul ma kay dukŋa vi ɦu ma poora nam lakam kulo kay giwin-ma-ɗifinna kaf, ŋalam goyo, ki Ma-Vatɗina vul hagata tam Musus nala. 11May sliwna hiɗi bakŋa nam tuɗum goy gine hiɗi guruna, ŋalam goyo. 12Aaron ŋat ɦu ma ŋalam ɗifinna, gurona valam vulum busuwna, nam yamam goy tam tuw giwin-ma-ɗifinna kafe. 13Nisi maram ɗifin ma ŋal-goyna ma iram kaay goy ne'ne'na, hiɗi yamda kaw, nam ŋalam kulo kay giwin-ma-ɗifinna. 14Nam muz ruwatna hiɗi gayn goyo, nam lakam kulo kay giwin-ma-ɗifinna, ŋalam goyo. 15Bugol kayni nam li ɗifin kay sumuna, nam vi ɦu-ŋekŋa kay li ɗifin ma poora kay sumuna, nam ŋatamu, li ɗifin ma poora hiɗi namu ki ɦu ma nam ŋatam jewn nala. 16Nam li ɗifin ma ŋal-goyna, li ɗifinna kuɗ gatta ta colita. 17Nam mar futuwna, hob way-ɓalamu, cukum kulo kay giwin-ma-ɗifinna, ŋalam goyo, kayn di ala ɗifin ma ŋal-goyna ma graw culumta hayɗi. 18Nam ŋat put-gujuna hiɗi ɦu-gamalana, kay li ɗifinna vi lop ma slugon kay sumun hiɗi namu. Gurona vi Aaron maram busuwna, nam yamam goy tam giwin-ma-ɗifinna noŋ kafe. 19Nisi maram mula vi put-gujuna hiɗi ɦu-gamalana, giɗera, mul ma tam ruwatna, glesna ma mana, mul ma kay dukka; 20nisi tun mula kay war-digŋa, nam ŋal mula kulo kay giwin-ma-ɗifinna. 21Aaron sli war-digŋa hiɗi bigiy ma jufna vi ɦuna, nam muɗum galam kulo vok Ma-Vatɗin kaf ki Musus vul hagat nala.
22Aaron yaw ɓalam kulo'o, gi bol kay sumuna. Hay li ma nam li ɗifin ma poora, ɗifin ma ŋal-goyna hiɗi ɗifinna vi lop ma slugon kaf lina, nam jik goy gaa'a.
23Musus hiɗi Aaron cuk hay guɗuk ma fi-tuwna. Hay li ma nisi hotay goy hotna, nisi gi bol kay sumuna. Ki kayn nala gajijita vi Ma-Vatɗina vul tuwa' goy kir sumun kafe. 24Kut kalay goy vi Ma-Vatɗin pa, ɗifin ma ŋal-goyna hiɗi mula ma ka tuni kay giwin-ma-ɗifinna na' ŋalam goy kafe. Sumun kaf wi kayni, nisi kaf firi digi-digi', nisi dab voksi gaa kay nagata.
Currently Selected:
SA LEVITNA 9: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 9
9
Ɗifin ma jewna ma Aaron hiɗi gurona valam lumna
1Hay buurta glafandita, Musus yi Aaron hiɗi gurona valamu, hiɗi sa maariyana vi Israyel. 2Nam di tam Aaron ala: Naŋ ma vi goor-put ma joriyo'o kay li ɗifin ma poora, vi ɦu-gamala'a kay li ɗifin ma ŋal-goyna, nam ma' kaf ma li hiɗi moy talamɗi, nigi ma lum ɗifini vok ir Ma-Vatɗina. 3Naŋ ma di tam gurona vi Israyel ala: Nigi ma vi ɦu-ŋeke, kay li ɗifin ma poora hiɗi namu, vigi goor-put kepe, vigi goor ɦu-dimi kep kaw, busata valam kep kepe, moy may talamɗi kaw, kay li ɗifin ma ŋal-goyn hiɗi namu. 4Put-guju kepe hiɗi ɦu-gamala kepe, kay ɗifinna vi lop ma slugona, kay lum goy peldete vok ir Ma-Vatɗina; hiɗi ɗifin ma hiliɓi hiɗi mula. Kay vaydi Ma-Vatɗin ma vul tuwam kirgiya.
5Sle ma Musus di kalamna nisi tuɗum goy vun guɗuk ma fi-tuwna; tokŋa kaf co goboyo, nisi lak goy vok Ma-Vatɗina. 6Musus di'e: Nigi ma li kuɗ slen ma Ma-Vatɗin di kalamna; nala gajijita vi Ma-Vatɗin ma vul tuwa' kirgiya. 7Musus di tam Aaron: Naŋ ma co goboyo tam giwin-ma-ɗifinna, naŋ ma li ɗifinna vaŋ ma poora hiɗi ɗifin ma ŋal-goyna, naŋ ma li poora kaŋ naŋu, kay sumun kafe kaw; naŋ ma li ɗifin kay sumun kafe, naŋ ma li poor kisiya, ki Ma-Vatɗina vul hagat nala.
8Aaron co goboy tam giwin-ma-ɗifin, nam ŋat goor-putna kay ɗifinna ma por tuwamna. 9Gurona vi Aaron maram busuwna, nam jiyob cita-ɓalam gaa hay busuwna, nam set busuw mara kulo tam giwin-ma-ɗifinna, busuw hena nam ɦokom gaa sem giwin-ma-ɗifinna. 10Mul-sliwna, gles ma ma'na hiɗi mul ma kay dukŋa vi ɦu ma poora nam lakam kulo kay giwin-ma-ɗifinna kaf, ŋalam goyo, ki Ma-Vatɗina vul hagata tam Musus nala. 11May sliwna hiɗi bakŋa nam tuɗum goy gine hiɗi guruna, ŋalam goyo. 12Aaron ŋat ɦu ma ŋalam ɗifinna, gurona valam vulum busuwna, nam yamam goy tam tuw giwin-ma-ɗifinna kafe. 13Nisi maram ɗifin ma ŋal-goyna ma iram kaay goy ne'ne'na, hiɗi yamda kaw, nam ŋalam kulo kay giwin-ma-ɗifinna. 14Nam muz ruwatna hiɗi gayn goyo, nam lakam kulo kay giwin-ma-ɗifinna, ŋalam goyo. 15Bugol kayni nam li ɗifin kay sumuna, nam vi ɦu-ŋekŋa kay li ɗifin ma poora kay sumuna, nam ŋatamu, li ɗifin ma poora hiɗi namu ki ɦu ma nam ŋatam jewn nala. 16Nam li ɗifin ma ŋal-goyna, li ɗifinna kuɗ gatta ta colita. 17Nam mar futuwna, hob way-ɓalamu, cukum kulo kay giwin-ma-ɗifinna, ŋalam goyo, kayn di ala ɗifin ma ŋal-goyna ma graw culumta hayɗi. 18Nam ŋat put-gujuna hiɗi ɦu-gamalana, kay li ɗifinna vi lop ma slugon kay sumun hiɗi namu. Gurona vi Aaron maram busuwna, nam yamam goy tam giwin-ma-ɗifinna noŋ kafe. 19Nisi maram mula vi put-gujuna hiɗi ɦu-gamalana, giɗera, mul ma tam ruwatna, glesna ma mana, mul ma kay dukka; 20nisi tun mula kay war-digŋa, nam ŋal mula kulo kay giwin-ma-ɗifinna. 21Aaron sli war-digŋa hiɗi bigiy ma jufna vi ɦuna, nam muɗum galam kulo vok Ma-Vatɗin kaf ki Musus vul hagat nala.
22Aaron yaw ɓalam kulo'o, gi bol kay sumuna. Hay li ma nam li ɗifin ma poora, ɗifin ma ŋal-goyna hiɗi ɗifinna vi lop ma slugon kaf lina, nam jik goy gaa'a.
23Musus hiɗi Aaron cuk hay guɗuk ma fi-tuwna. Hay li ma nisi hotay goy hotna, nisi gi bol kay sumuna. Ki kayn nala gajijita vi Ma-Vatɗina vul tuwa' goy kir sumun kafe. 24Kut kalay goy vi Ma-Vatɗin pa, ɗifin ma ŋal-goyna hiɗi mula ma ka tuni kay giwin-ma-ɗifinna na' ŋalam goy kafe. Sumun kaf wi kayni, nisi kaf firi digi-digi', nisi dab voksi gaa kay nagata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001