KAL-GOYTA 13
13
Gatta kay Paskata hiɗi guro sa vuɗi jewna
1Ma-Vatɗina law tam Musus nam dumu: 2Gurona vaŋ sa vuɗi jewna naŋ ma vulsi goy man kafe. Kayn di ala guro sa vuɗi jewna jar sa Israyella, sumun lay farayn lay; kay nisi ir vanu.
3Musus di tam sa Israyella: Humgi ma gigi kay buur na'ta ta nigi kalay goy hay Egipte pata, hay ziyn ma ligi gorvona; kay Ma-Vatɗin kalgiyay goy kayni hiɗi gaŋeraŋa valamu. Nigi ma ti fu ma hiɗi kufna loɗi. 4Vaydi nigi kal goyo hay tilla vi feɗna. 5Hay li ma Ma-Vatɗin kalgiyay hay nagata vi sum sa Kanaaniyana, vi sum sa Hetiyena, sa Amoriyana, sum sa Heviyena hiɗi sum sa Yebusiyena, nagat ta nam yi va kalam mi sumaygi ala nam min vulgita, nagata ta miira hiɗi yumda ka jaŋ goy haya, ɗawni nigi ma li girifta tam Ma-Vatɗina hay til namna zawni. 6Nigi ma ti fun-bay-kufna ir buurta siɗiya; hay buurta siɗiyat ɗawni, nigi ma li yuldeta kay subur sem Lawna. 7Hay buur ma siɗiyan lakŋi nigi ma ti fun-bay-kufna; fun ma hiɗi kufna sa as wum hay ziyna vigi noŋɗi, hay nagata vigi noŋ kaf, sa ma wi kufn noŋɗi.
8Nigi ma di tam gurona vigiya: Kay humma ma guma kay va ma Ma-Vatɗin lum tuma'na hay li ma numa kalay goy hay nagat Egipte pa. 9Na' ma li ki ɗekka nala hay ɓigiya, ki gi-humda nala kaw hay vokgiya; kay vun-ma-gatna vi Ma-Vatɗina ma li dok-dok hay vungiya; kay Ma-Vatɗin kalgiyay goy hay nagat Egipte pa kayn hiɗi gaŋeraŋa valamu. 10Gatta na'ta ta kay yuldeta kayni hay busat kaf, liyn ma buura va' coowana, nigi ma la' dok-doko.
11Nagata vi sum sa Kanaaniyana, ta Ma-Vatɗin yi va kalam vun sumaygi lay, vungi nigi lay ala nam min vulgita kayni, hay li ma nigi coowa haya'a, hay li ma nam vulgitawana, 12guro sa vuɗi jewn kaf nigi ma vulsi goy mi Ma-Vatɗina, la mi farayna ma vuɗi jewna kaw, ma jufayn kaf vi Ma-Vatɗina. 13Kurona ma vuɗi jewn kaf nigi ma muɗum hiɗi goor ɦu-dimiya. La nigi min muɗumɗi, nigi ma munum taɓaram goyo. Sumun kaw sa vuɗi hay ziyna vigi jewna nigi ma gussiya. 14Hay fattiɗeŋ ma gurona vigi jobgiyawa ala kayn min ɗek mige ni, nigi ma hot dit ala: Hay li ma numa ay ti gorvota hay nagata Egipte kayni, Ma-Vatɗina butma' ay goyo hiɗi gaŋeraŋa valamu; 15hay li ma Farawn so'ot dikamu kay hinma kal goyɗi, Ma-Vatɗina ci gurona vi Egipte sa vuɗi jewn goyo, tun caway tam guro sa vuɗi jewn pa ta-ta tam faray ma vuɗi jewna. Kuɗ na'ta kayni gurona vuma sa jufayna sa vuɗi jewna numa ka vulsi goy ɗifini tam Ma-Vatɗina. Guro nisina numa hot gussiya kaw. 16Kayni ma li ti ɗekka ta moki hay ɓigiya, ma liys gaɓi kulo hay vokgiya kaw, kay Ma-Vatɗina kalma'ay goy hay nagat Egipte pa kayn hiɗi gaŋeraŋa valamu.
HAY EGIPTE PA TA-TA HAY SINAY
Nisi ɦaw niy-lum ma slawn kulo'o
17Hay li ma Farawn hin sum sa Israyel kal goy kayni, hagata ta jik hay nagata vi sum sa Filistin ti ta goboyta, may Lawn min tunsi irsi haya'ɗi, kay Lawn di'e: La nisi jikawa hay hagat na'ta, irsi wi duur ɗawni, nisi ma hora, hot bugolsi hay Egipte. 18May Lawn ŋuysi goy hay hagat ta fulda, gal niy-lum ma slawna. Gurona vi Israyel kal goy hay nagat Egipte kayn tuwsi kotay hiɗi sle ma duura.
19Musus yaw zok Yosef kalamu; kay Yosef halaf gurona vi Israyel, nam disi ala: Lawn humam ma gum kigiya, nigi ma yawan zokanis goy hay nagat tani.
20Nisi fokis hay Sukkot pa, kalay hay Etam, goy hay sin-fulda. 21Ma-Vatɗina ka tuni voksiya, falayta ɗugulla ka buri kulo kisiya kay ɗeksi hagata, henjeta kut ka hay ɗugulla kay fo liyn goy kisi haraŋi, kay nisi ma tuɗ falayta hiɗi henjeta kaw. 22Ɗugul ma ka buri kulo kay gurona vi Israyel hay falayta hiɗi kuta ta ka moki kulo kisi hay hay ɗugulla hay henjeta kaw may vi tuwam goy noŋɗi.
Currently Selected:
KAL-GOYTA 13: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 13
13
Gatta kay Paskata hiɗi guro sa vuɗi jewna
1Ma-Vatɗina law tam Musus nam dumu: 2Gurona vaŋ sa vuɗi jewna naŋ ma vulsi goy man kafe. Kayn di ala guro sa vuɗi jewna jar sa Israyella, sumun lay farayn lay; kay nisi ir vanu.
3Musus di tam sa Israyella: Humgi ma gigi kay buur na'ta ta nigi kalay goy hay Egipte pata, hay ziyn ma ligi gorvona; kay Ma-Vatɗin kalgiyay goy kayni hiɗi gaŋeraŋa valamu. Nigi ma ti fu ma hiɗi kufna loɗi. 4Vaydi nigi kal goyo hay tilla vi feɗna. 5Hay li ma Ma-Vatɗin kalgiyay hay nagata vi sum sa Kanaaniyana, vi sum sa Hetiyena, sa Amoriyana, sum sa Heviyena hiɗi sum sa Yebusiyena, nagat ta nam yi va kalam mi sumaygi ala nam min vulgita, nagata ta miira hiɗi yumda ka jaŋ goy haya, ɗawni nigi ma li girifta tam Ma-Vatɗina hay til namna zawni. 6Nigi ma ti fun-bay-kufna ir buurta siɗiya; hay buurta siɗiyat ɗawni, nigi ma li yuldeta kay subur sem Lawna. 7Hay buur ma siɗiyan lakŋi nigi ma ti fun-bay-kufna; fun ma hiɗi kufna sa as wum hay ziyna vigi noŋɗi, hay nagata vigi noŋ kaf, sa ma wi kufn noŋɗi.
8Nigi ma di tam gurona vigiya: Kay humma ma guma kay va ma Ma-Vatɗin lum tuma'na hay li ma numa kalay goy hay nagat Egipte pa. 9Na' ma li ki ɗekka nala hay ɓigiya, ki gi-humda nala kaw hay vokgiya; kay vun-ma-gatna vi Ma-Vatɗina ma li dok-dok hay vungiya; kay Ma-Vatɗin kalgiyay goy hay nagat Egipte pa kayn hiɗi gaŋeraŋa valamu. 10Gatta na'ta ta kay yuldeta kayni hay busat kaf, liyn ma buura va' coowana, nigi ma la' dok-doko.
11Nagata vi sum sa Kanaaniyana, ta Ma-Vatɗin yi va kalam vun sumaygi lay, vungi nigi lay ala nam min vulgita kayni, hay li ma nigi coowa haya'a, hay li ma nam vulgitawana, 12guro sa vuɗi jewn kaf nigi ma vulsi goy mi Ma-Vatɗina, la mi farayna ma vuɗi jewna kaw, ma jufayn kaf vi Ma-Vatɗina. 13Kurona ma vuɗi jewn kaf nigi ma muɗum hiɗi goor ɦu-dimiya. La nigi min muɗumɗi, nigi ma munum taɓaram goyo. Sumun kaw sa vuɗi hay ziyna vigi jewna nigi ma gussiya. 14Hay fattiɗeŋ ma gurona vigi jobgiyawa ala kayn min ɗek mige ni, nigi ma hot dit ala: Hay li ma numa ay ti gorvota hay nagata Egipte kayni, Ma-Vatɗina butma' ay goyo hiɗi gaŋeraŋa valamu; 15hay li ma Farawn so'ot dikamu kay hinma kal goyɗi, Ma-Vatɗina ci gurona vi Egipte sa vuɗi jewn goyo, tun caway tam guro sa vuɗi jewn pa ta-ta tam faray ma vuɗi jewna. Kuɗ na'ta kayni gurona vuma sa jufayna sa vuɗi jewna numa ka vulsi goy ɗifini tam Ma-Vatɗina. Guro nisina numa hot gussiya kaw. 16Kayni ma li ti ɗekka ta moki hay ɓigiya, ma liys gaɓi kulo hay vokgiya kaw, kay Ma-Vatɗina kalma'ay goy hay nagat Egipte pa kayn hiɗi gaŋeraŋa valamu.
HAY EGIPTE PA TA-TA HAY SINAY
Nisi ɦaw niy-lum ma slawn kulo'o
17Hay li ma Farawn hin sum sa Israyel kal goy kayni, hagata ta jik hay nagata vi sum sa Filistin ti ta goboyta, may Lawn min tunsi irsi haya'ɗi, kay Lawn di'e: La nisi jikawa hay hagat na'ta, irsi wi duur ɗawni, nisi ma hora, hot bugolsi hay Egipte. 18May Lawn ŋuysi goy hay hagat ta fulda, gal niy-lum ma slawna. Gurona vi Israyel kal goy hay nagat Egipte kayn tuwsi kotay hiɗi sle ma duura.
19Musus yaw zok Yosef kalamu; kay Yosef halaf gurona vi Israyel, nam disi ala: Lawn humam ma gum kigiya, nigi ma yawan zokanis goy hay nagat tani.
20Nisi fokis hay Sukkot pa, kalay hay Etam, goy hay sin-fulda. 21Ma-Vatɗina ka tuni voksiya, falayta ɗugulla ka buri kulo kisiya kay ɗeksi hagata, henjeta kut ka hay ɗugulla kay fo liyn goy kisi haraŋi, kay nisi ma tuɗ falayta hiɗi henjeta kaw. 22Ɗugul ma ka buri kulo kay gurona vi Israyel hay falayta hiɗi kuta ta ka moki kulo kisi hay hay ɗugulla hay henjeta kaw may vi tuwam goy noŋɗi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001