KAL-GOYTA 14
14
Nisi haw niy-lum ma slawna kulo'o
1Ma-Vatɗina di tam Musus: 2Naŋ ma di tam gurona vi Israyel ala nisi ma hot bugolsiya; kay nisi ma tun goy vok Pi-Hahirot, jar Migdol hiɗi niy-lum ma ŋolla, ɗiger vok Baal-Cefon; nigi ma tun goy vok liyn namna, goboy hiɗi niy-lum ma-ŋolla. 3Farawn ɗawn ma di ala gurona vi Israyel viyi goyo hay fulda; nam ma di ala fulda ŋuygiyawa. 4Nan ma so'ot dik Farawn, nam ma jaŋay kuɗgiya, may gajijita van ma ɗek tuwa' goy tam Farawn hiɗi sa sojena valamu, sum sa Egipten ma wi ala nanu mi Ma-Vatɗina. Gurona vi Israyel li ki kayni nala may.
5Labara co tam mul ma Egipten ala sum sa Israyella pirawa. Nala Farawn hiɗi sa sunda valamu muɗ varta visiya. Nisi di'e: Nay lum nala kayn mi mige? Wulin nay hin sum sa Israyel kal kayni, ma lay lopn ɗawn si sarige? 6Farawn gan keke-ma-duura valamu, nam yaw sumuna valam kuɗumu. 7Nam vilek keke-ma-duur goy kis-karkiya, yaw keke-ma-duur hay Egipte kaf; sum sa duura ay hiɗi keken kuɗsi kafe. 8Ma-Vatɗin so'ot dik Farawn mul ma Egiptena, nam jaŋ kuɗ gurona vi Israyella, kay gurona vi Israyel kal goy kayni hiɗi ɓisi kulo kay'. 9Sum sa Egipten jaŋ kuɗsiya; nisi hiɗi kulumayna visi kaf, keke-ma-duura vi Farawn, sa ɓe kay kulumna hiɗi sojena valam noŋ kaf, nisi co kuɗsiya, fisi molay gaa goboy hiɗi niy-lum ma ŋolla, hay galla vi Pi-Hahirot, ɗiger vok Baal-Cefon.
10Hay li ma gurona vi Israyel poŋ irsi kulo na kayni, Farawn hiɗi sum sa Egipten kaf ka tuɗay bugolsiya. Gurona vi Israyel tun caw li nar ŋolo, nisi tun caw tiy tam Ma-Vatɗina 11Nisi di tam Musus: Liyn ma pi sumuna may hay Egipteɗi su? Lebo naŋ marma mit goy ful tan kayn kay mige? Naŋ kalma'ay goy hay Egipte noŋ kayn kay mige? 12Hay li ma nay ay hay Egipte tuwa, numa daŋ ala naŋ hinma li lop mi sa Egipten muma'a ɗisu? A numa mit hay fulda kayn kayn marya numa li gorvo mi sum sa Egipten muma'a ɗisu? 13Musus hot dit tam sa Israyella: Ligi nar noŋɗi, lakgi hay liyna vigiya, ɗuwgiya nanige Ma-Vatɗin ma butgi goyo hay fatta vaydita; kay sum sa Egipten sa nigi wisi vayd lakŋi, vok ɗaw kaw nigi ma wisi loɗi. 14Ma-Vatɗin ma dur hay baŋalgiya, nigi hayɗin lakgi ŋal kiliŋ.
15Ma-Vatɗina di tam Musus: Sumun kayni ka ciriya kay mige? Naŋ ma disi ala nisi ma pat tuɗa. 16Slaŋ zugulda vaŋ kulo'o, meɗaŋ ɓaŋ goy kay niy-lum ma ŋolla, naŋ ma ɓetem gaa ma' nam ma so goyo jew a gurona vi Israyel ma jik jaramu. 17Nanu, nan min so'ot dik sum sa Egiptena kay nisi ma kalay kuɗgi goloŋ hay niyna, ki kayn nala nan ma ɗek gajijita van goy tam Farawn hiɗi sojena valam noŋ kaf, keke-ma-duura valamu hiɗi sum sa ɓey kay kulumayna kaf. 18Hay li ma nan ɗek gajijita vanawa goy tam Farawn hiɗi keke-ma-duura valamu, hiɗi sa ɓey kay kulumayna ni, sum sa Egiptena ma wi ala nan mi Ma-Vatɗina.
19Sunda-wuralawna ma ka tuni vok sa Israyella kaliya, nam tun goy bugolsiya; ɗugul ma buri voksina hot goy bugolsiya kaw. 20Ɗugul namna kal jar vokŋa vi sa Egiptena hiɗi vokŋa vi sa Israyella, ɗugul namna galam hen jufunu, galam hena ka vul haraŋa hay henjeta. Hay henjet noŋ tos vok ma ma'n may heb tam tuwamɗi.
21Musus meɗ ɓalam goyo kay niy-lumna, Ma-Vatɗina hin simeɗ ma ŋolla ma may kuɗuw pana bur biw talal', nam hot niy-lum ma ŋolla goy bugolomu, yam-nagat hini goy soya, niyn mun goy ja'a. 22Gurona vi Israyel kal jar niyn ma goy ɓetayna, vun-niyn ka jakay kulo katsi ki gulmunna nala, hay galsi ma jufna hiɗi galsi ma gulla kaw. 23Sum sa Egipten jaŋ kuɗsiya; kulumayna vi Farawn, keke-ma-duura valamu hiɗi sa ɓe kay kulumayna kaf kalays kuɗsi goloŋ jar niy-lumna. 24Hay li ma liyn tun caw fo goy kayni, kulo jar ɗugul ma burina hiɗi kuta ta mokayt pa, Ma-Vatɗin ɗuw gaa kay vokŋa vi sa Egiptena, nam mer vokŋa vi sa Egipten goyo. 25Nam pat sem keke-ma-duura visi goyo, muɗsi tuɗ lop ŋolo. Wulin sa Egipten di'e: Munay vok sum sa Israyel jaŋi, kay Ma-Vatɗina gi diramawa kuɗsiya kay duraya.
26Ma-Vatɗina di tam Musus: Meɗaŋ ɓaŋ goy kay niy-lumna, niyn ma hotay kuluɓ kay sum sa Egiptena, kay kulumayna visiya hiɗi sum sa ɓey kalamna. 27Musus meɗ ɓalam goy kay niy-lumna; hay graw culumta niy-lumna tun caw hotay hiɗi donomu, hay li ma sum sa Egipten wum kayni, nisi tun caw mun jaŋi, may Ma-Vatɗina hin sum sa Egipten ɗub gaa'a jar niy-lum ma ŋolla. 28Niyn hotaya, nam ɗub keke-ma-duura kaf, sa ɓe kay kulumayna hiɗi sojena vi Farawn noŋ kaf, nisi kaf sa jik goloŋ bugol gurona vi Israyella; sa kep kaw may suɗ goyɗi. 29May gurona vi Israyel ka tuɗ jar niyna ma ka ɓetay goyna, vun-niyn ka jakay kulo katsi ki gulmunna nala, hay galsi ma jufna hiɗi galsi ma gulla kaw. 30Hay buur namna kayni, Ma-Vatɗina but sum sa Israyella goy hay ɓam sum sa Egiptena, sum sa Israyella fi sum sa Egipten kulo deŋel niy-lumn miti waŋ' waŋ'. 31Hay na'ta sum sa Israyel wi gaŋeraŋa vi Lawna ma nam ɗekem goy tam sum sa Egiptena. Nala nisi tun caw li nar kuɗ Lawna, nisi vi kuɗ Lawna, nisi vi kuɗ dita vi Musus ma sunda valamu kaw.
Currently Selected:
KAL-GOYTA 14: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 14
14
Nisi haw niy-lum ma slawna kulo'o
1Ma-Vatɗina di tam Musus: 2Naŋ ma di tam gurona vi Israyel ala nisi ma hot bugolsiya; kay nisi ma tun goy vok Pi-Hahirot, jar Migdol hiɗi niy-lum ma ŋolla, ɗiger vok Baal-Cefon; nigi ma tun goy vok liyn namna, goboy hiɗi niy-lum ma-ŋolla. 3Farawn ɗawn ma di ala gurona vi Israyel viyi goyo hay fulda; nam ma di ala fulda ŋuygiyawa. 4Nan ma so'ot dik Farawn, nam ma jaŋay kuɗgiya, may gajijita van ma ɗek tuwa' goy tam Farawn hiɗi sa sojena valamu, sum sa Egipten ma wi ala nanu mi Ma-Vatɗina. Gurona vi Israyel li ki kayni nala may.
5Labara co tam mul ma Egipten ala sum sa Israyella pirawa. Nala Farawn hiɗi sa sunda valamu muɗ varta visiya. Nisi di'e: Nay lum nala kayn mi mige? Wulin nay hin sum sa Israyel kal kayni, ma lay lopn ɗawn si sarige? 6Farawn gan keke-ma-duura valamu, nam yaw sumuna valam kuɗumu. 7Nam vilek keke-ma-duur goy kis-karkiya, yaw keke-ma-duur hay Egipte kaf; sum sa duura ay hiɗi keken kuɗsi kafe. 8Ma-Vatɗin so'ot dik Farawn mul ma Egiptena, nam jaŋ kuɗ gurona vi Israyella, kay gurona vi Israyel kal goy kayni hiɗi ɓisi kulo kay'. 9Sum sa Egipten jaŋ kuɗsiya; nisi hiɗi kulumayna visi kaf, keke-ma-duura vi Farawn, sa ɓe kay kulumna hiɗi sojena valam noŋ kaf, nisi co kuɗsiya, fisi molay gaa goboy hiɗi niy-lum ma ŋolla, hay galla vi Pi-Hahirot, ɗiger vok Baal-Cefon.
10Hay li ma gurona vi Israyel poŋ irsi kulo na kayni, Farawn hiɗi sum sa Egipten kaf ka tuɗay bugolsiya. Gurona vi Israyel tun caw li nar ŋolo, nisi tun caw tiy tam Ma-Vatɗina 11Nisi di tam Musus: Liyn ma pi sumuna may hay Egipteɗi su? Lebo naŋ marma mit goy ful tan kayn kay mige? Naŋ kalma'ay goy hay Egipte noŋ kayn kay mige? 12Hay li ma nay ay hay Egipte tuwa, numa daŋ ala naŋ hinma li lop mi sa Egipten muma'a ɗisu? A numa mit hay fulda kayn kayn marya numa li gorvo mi sum sa Egipten muma'a ɗisu? 13Musus hot dit tam sa Israyella: Ligi nar noŋɗi, lakgi hay liyna vigiya, ɗuwgiya nanige Ma-Vatɗin ma butgi goyo hay fatta vaydita; kay sum sa Egipten sa nigi wisi vayd lakŋi, vok ɗaw kaw nigi ma wisi loɗi. 14Ma-Vatɗin ma dur hay baŋalgiya, nigi hayɗin lakgi ŋal kiliŋ.
15Ma-Vatɗina di tam Musus: Sumun kayni ka ciriya kay mige? Naŋ ma disi ala nisi ma pat tuɗa. 16Slaŋ zugulda vaŋ kulo'o, meɗaŋ ɓaŋ goy kay niy-lum ma ŋolla, naŋ ma ɓetem gaa ma' nam ma so goyo jew a gurona vi Israyel ma jik jaramu. 17Nanu, nan min so'ot dik sum sa Egiptena kay nisi ma kalay kuɗgi goloŋ hay niyna, ki kayn nala nan ma ɗek gajijita van goy tam Farawn hiɗi sojena valam noŋ kaf, keke-ma-duura valamu hiɗi sum sa ɓey kay kulumayna kaf. 18Hay li ma nan ɗek gajijita vanawa goy tam Farawn hiɗi keke-ma-duura valamu, hiɗi sa ɓey kay kulumayna ni, sum sa Egiptena ma wi ala nan mi Ma-Vatɗina.
19Sunda-wuralawna ma ka tuni vok sa Israyella kaliya, nam tun goy bugolsiya; ɗugul ma buri voksina hot goy bugolsiya kaw. 20Ɗugul namna kal jar vokŋa vi sa Egiptena hiɗi vokŋa vi sa Israyella, ɗugul namna galam hen jufunu, galam hena ka vul haraŋa hay henjeta. Hay henjet noŋ tos vok ma ma'n may heb tam tuwamɗi.
21Musus meɗ ɓalam goyo kay niy-lumna, Ma-Vatɗina hin simeɗ ma ŋolla ma may kuɗuw pana bur biw talal', nam hot niy-lum ma ŋolla goy bugolomu, yam-nagat hini goy soya, niyn mun goy ja'a. 22Gurona vi Israyel kal jar niyn ma goy ɓetayna, vun-niyn ka jakay kulo katsi ki gulmunna nala, hay galsi ma jufna hiɗi galsi ma gulla kaw. 23Sum sa Egipten jaŋ kuɗsiya; kulumayna vi Farawn, keke-ma-duura valamu hiɗi sa ɓe kay kulumayna kaf kalays kuɗsi goloŋ jar niy-lumna. 24Hay li ma liyn tun caw fo goy kayni, kulo jar ɗugul ma burina hiɗi kuta ta mokayt pa, Ma-Vatɗin ɗuw gaa kay vokŋa vi sa Egiptena, nam mer vokŋa vi sa Egipten goyo. 25Nam pat sem keke-ma-duura visi goyo, muɗsi tuɗ lop ŋolo. Wulin sa Egipten di'e: Munay vok sum sa Israyel jaŋi, kay Ma-Vatɗina gi diramawa kuɗsiya kay duraya.
26Ma-Vatɗina di tam Musus: Meɗaŋ ɓaŋ goy kay niy-lumna, niyn ma hotay kuluɓ kay sum sa Egiptena, kay kulumayna visiya hiɗi sum sa ɓey kalamna. 27Musus meɗ ɓalam goy kay niy-lumna; hay graw culumta niy-lumna tun caw hotay hiɗi donomu, hay li ma sum sa Egipten wum kayni, nisi tun caw mun jaŋi, may Ma-Vatɗina hin sum sa Egipten ɗub gaa'a jar niy-lum ma ŋolla. 28Niyn hotaya, nam ɗub keke-ma-duura kaf, sa ɓe kay kulumayna hiɗi sojena vi Farawn noŋ kaf, nisi kaf sa jik goloŋ bugol gurona vi Israyella; sa kep kaw may suɗ goyɗi. 29May gurona vi Israyel ka tuɗ jar niyna ma ka ɓetay goyna, vun-niyn ka jakay kulo katsi ki gulmunna nala, hay galsi ma jufna hiɗi galsi ma gulla kaw. 30Hay buur namna kayni, Ma-Vatɗina but sum sa Israyella goy hay ɓam sum sa Egiptena, sum sa Israyella fi sum sa Egipten kulo deŋel niy-lumn miti waŋ' waŋ'. 31Hay na'ta sum sa Israyel wi gaŋeraŋa vi Lawna ma nam ɗekem goy tam sum sa Egiptena. Nala nisi tun caw li nar kuɗ Lawna, nisi vi kuɗ Lawna, nisi vi kuɗ dita vi Musus ma sunda valamu kaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001