2 TESALONIKŊA 2
2
Kay hotta vi Yesu
1Ɓosiyonna, numa siɗawgiya kay mata vi Bum-Sumuna vaya Yesu Kristu hiɗi dakka vay talamu, 2hin tuwgi ge' gosoy hay varta ta ŋaata vigiɗi, li nar kay dit ma ŋusiyanɗi hay yoboyna lebo hay ɗerwel ma sum sara ɗomay tuma'a, ki buurta vi Bum-Sumuna ka coy wulini-wulini nalaɗi. 3Hin sa ɗutgi goyo hiɗi yal mara noŋɗi; kay hotta-goyta tam lawayn ma waana ma ma jewe, sa ma liwisna ma ɗek tuwam goy haraŋi, goora vi ba-goyta. 4Ma gawta ma sli yam tuwam kulo kay semda ma yum ala Lawna kafna hiɗi slen ma sa ma girifimna, ma tuɗ ta-ta mus hay tempella vi Lawna, di goy kay tuwam kaw ala nam mi Lawna. 5Humgi may gigi ala, hay li ma nan ay hiɗi nigiya, nan digi kay kayni ɗisu?
6Wulini kaw nigi wi va ma telemna goy ŋaa'a, a nam ɗek tuwam goy haraŋ hay liyna valamu. 7Kay wulini kayni, ŋayayta vi joota ka li lopo, may nam ma li goy puɗak ɗawn hay li ma nam ma telemna ram liynawa. 8Bugol kayni sa ma liwisna ma vul tuwam goy haraŋi, nam ma Bum-Sumuna (Yesu) ma ɓulakam goy hiɗi sukŋa vi vunamu, nam ma kirapam goyo kuɗ wileta vi mata valamu. 9Mata vi sa ma liwisna ma li ɗawn kuɗ gaŋeraŋa vi Satan, hiɗi ɗekka, hiɗi slen ma muɗ san ɦuyumna, hiɗi gul-yalda ma sinna kuɗ jafamu jafamu, 10hiɗi ɗutta vi bay-ɗigerta kaf kay nisi sa ka ba-goyna, kay nisi bay fi minda vi gasita tuwa kay nisi fi suɗ goyo. 11Kuɗ kayni, Lawna gi gaŋeraŋa vi viyta-goyta kisiya, kay nisi vi kuɗ sinda, 12a nisi sa vi kuɗ gasitaɗi, may haysi firi kay bay-ɗigerta, nisi ma fi kitata.
Colda donota vi sa Tesalonikŋa
1 Pet 1:2-9
13Kuma numa kayni, ɓosiyon sa Bum-Sumun mingi ŋolla, numa' as gi deɓ mi Lawna dok-dok kigiya, kay Lawna vilekgi goyo hay tun cawti pa kay su'da, hay lita goy peldetta vi Ŋusta, hay vida ta hay gasita kaw. 14Tam kayni lo, nam yigiyawa hay labara ma firina vuma'a, kay nigi ma fi gajijita vi Bum-Sumuna vaya Yesu Kristu.
15Kay na'ta kayni, ɓosiyonna, lakgi dono'o, vigi hatta ma numa' vulgitin kayn ŋaa'a, kay numa' laway tigiya hiɗi vunma'a, lebo hay ɗerwel kaw.
16Bum-Sumuna vaya Yesu Kristu kay tuwamu, hiɗi Lawna Buya, nam ma minayawa, ma vulay teŋ-irta ta vatɗita hiɗi cubta-sle'ta ŋaata kuɗ slugota valamu, 17nam ma vulgi teŋ-irta hay dikgiya, lakgi dono hay lopna hiɗi yoboyna ma ŋaana kafe.
Currently Selected:
2 TESALONIKŊA 2: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001