Proverbios 9
9
Yachaymantawan mana yachayniyuq kaymanta
1Yachaymi wasinta hatarichin,
qanchis pilarninkunatam labrarachin,
2animalkunata wañuchispam convidota ruwarachin,
allinnin vinota alistaruspam mesanta mastarachin.
3Criadankunatam kamachin,
llaqtapa alton orqomanta kaynata qayakunankupaq:
4“Mana yachayniyuqkuna asuykamuychik”, nimunankupaq.
Mana allin tanteakuqkunatapas kaynata nimuychik:
5“Hamuspa convido ruwachisqayta mikuychik,
vino alistasqayta upyaychik.
6Pisi yuyayniyuq kaynikichikta saqespaqa kawsankichikmi,
yachayniyuq runakuna hina kawsaychik”, nispa.
7Hatun tukuq runata corregispaykiqa
insultasqam kanki,
mana allin ruwaq runata qaqchaspaykiqa
uchuychasqam kanki.
8Mana kasukuq runaqa qaqchaptikipas cheqnirusunkim,
yachayniyuq runam ichaqa qaqchaykuptikipas kuyasunki.
9Yachayniyuq runata yachachiptikiqa
aswan yachayniyuqraqmi kanqa,
allin kawsakuq runata yachachiptikiqa
aswan yachayniyuqraqmi kanqa.
10 #
Job 28.28; Sal 111.10; Pr 1.7. Diosta kasuyqa
yachaypa qallariyninmi;
Chuya Diosta reqsiyñataqmi
yachayniyuq kay.
11Yachaymi nin:
Unay punchawkunam kawsakunki,
wataykikunapas yapasqam kanqa, nispa.
12Yachayniyuq kaynikiqa kikillaykipaqyá kachun,
mana kasukuq kaspaykiqa
kikillaykim ñakariyta tarinki.
13Mana yachayniyuq warmiqa
piñanakuylla hatarichiqmi,
mana yuyayniyuqmi,
imatapas llutanpi ruwaqmi.
14Payqa wasinpa punkunpi tiyaykuspanmi,
llaqtapa alton moqokunapi tiyaykuspanmi,
15ñannin pasakuqkunata,
hawka purikuqkunata qayan:
16“Mana yachayniyuqkuna hamuychik”, nispa.
Mana yuyayniyuqkunatam kaynata nin:
17“Suwasqa yakuqa miskillañam;
pakakuspalla tanta mikuyqa miskillañam”, nispa.
18Chay runakunam ichaqa mana yachankuchu
chaypiqa wañuy tarikusqanta,
chay warmipa convidasqankunaqa
wañuyman apakuq kasqanta.
Currently Selected:
Proverbios 9: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012