Proverbios 8
8
Yachaypa qayakuyninmanta
1Yachayqa simin huntatam qayaykachakun,
yuyayniyuq kaypas qapariynintam uyarichikun.
2Lliw qawanankupaqmi
ñanpa patankunapi, calle chawpikunapi sayan,
3 #
Pr 1.20-21. llaqtaman yaykuna punkukunapim qayakun,
wasipa punkukunapim kaynata qaparin:
4¡Runakuna, qamkunatam qayachkaykichik!
¡Runakuna, qamkunatam rimapayachkaykichik!
5Pisi yuyayniyuq jovenkuna,
yuyayniyuq kayta yachaychik;
mana tanteoyuqkuna,
allin tanteakuq kayta yachaychik.
6Uyariychik, sumaq kaqkunatam rimasaq,
allin yachachikuytam rimasaq.
7Simiyqa cheqap kaqkunallata rimaqmi,
mana allin kaqkuna rimaytaqa millakunim.
8Ñoqaqa allin kaqkunallamantam rimani,
simiypiqa manam imayrikuqllapas llullakuyqa kanchu.
9Rimasqaykunapas entiendeqpaqqa allinmi,
cheqap hinaspa mana kutipay atinam.
10Qollqemantapas mastaqa,
yachachikuyniytayá chaskiy;
akllasqa qorimantapas mastaqa
yachayniyuq kaytayá maskay, nispa.
11Yachayqa alhajakunamantapas mastam valen,
yachaymanqa ima kuyayllapaqña kaqkunapas manam haypanmanchu.
12Ñoqa yachayqa,
allin tanteakuywan kuskam yachani,
yachayniyuq kaytawan allin yachachikuytam hatallini.
13Tayta Diosta kasukuyqa
mana allin ruwayta cheqniymi.
Ñoqaqa hatun tukuq runatawan hatunchakuytaqa cheqninim,
mana allin kawsaytawan llullalla rimaytaqa cheqninim.
14Allin yachachikuytawan allin tanteakuytam hatallini,
yachaypas atiypas ñoqapam.
15Ñoqa yanapaptiymi reykunapas munaychakunku,
ñoqaraykum kamachikuqkunapas justiciata ruwanku.
16Ñoqaraykum reykunapas munaychakunku,
ñoqaraykum juezkunapas alli arreglota ruwanku.
17Ñoqaqa kuyawaqniykunatam kuyani,
maskawaqniykunaqa tariwanmi.
18Apuyaywan reqsisqa kaypas,
kapuqniyuq kaywan allin ruwaypas,
ñoqawanmi kachkan.
19Ñoqapa qosqayqa akllasqa qorimantapas aswan allinmi;
ñoqapa hatallisqayqa qollqemantapas aswan allinmi.
20Allin ñannintam ñoqaqa pusani,
allin kawsaynintam ñoqaqa purichini.
21Kuyaqniykunamanqa allin herenciatam qoni,
wasintapas qori-qollqewanmi huntachini.
22 #
Ap 3.14. Tayta Diosmi qallariymantapuni hatalliwarqaña,
imatapas manaraq ruwachkaspanmi hatalliwarqaña.
23Qallariymantapuni, kay pachapas manaraq kachkaptinraqmi,
wiña-wiñaymantam karqaniña.
24Lamar qochakunapas manaraq kachkaptinmi,
pukyukunawan mayukunapas manaraq kachkaptinmi,
ñoqaqa paqarirqaniña.
25Orqokunapas moqokunapas manaraq kachkaptinmi,
unanchasqa karqani.
26Kay pachatapas nitaq tukuy imakunatapas manaraq unanchachkaptinmi,
kay pachapa polvonkunapas manaraq kachkaptinmi,
ñoqaqa paqarirqaniña.
27Cielokunata unanchaptinpas,
lamar qochapa muyuriqninta ruwaptinpas,
chaypim karqani.
28Cielokunata altokunapi takyachiptinpas,
lamar qochapa yakunkunata takyachiptinpas,
chaypim karqani.
29Lamar qochapa linderonkunata churaptinpas,
kay pachapa cimientonkunata churaptinpas,
chaypim karqani.
30Dioswan kuskam chaykunata takyachirqani,
sapa punchawmi paypa kusikuynin karqani,
tukuy tiempom ñoqapas paywan kusikurqani.
31Paypa unanchasqankunawanmi kusikurqani,
runakunaraykum anchata kusikurqani.
32Chaynaqa, warmakuna uyariwaychik:
¡Mayna kusisqam yachachisqayman hina kawsakuqkunaqa!
33Yachachikuyniytayá uyariychik,
yuyayniyuqyá kaychik,
yachaytaqa amayá wischupakuychikchu.
34Mayna kusisqam kanqa uyariwaqniy runaqa,
wasiy punkukunapi sapa punchaw rikchan-rikchanlla maskawaqniy runaqa.
35Pipas tariwaqniykunaqa,
kawsaytawan Diospa kuyakuynintam haypanqa.
36Ñoqamanta karunchakuruq runam ichaqa
kikillan wañuyman churakurun,
pipas cheqniwaqniykunaqa
wañuytam kuyanku.
Currently Selected:
Proverbios 8: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012