Proverbios 29
29
1Huk runa qaqchasqa kachkaspan
mana kasukuspanqa,
mana pipa ama nisqanmi
qonqaymanta chinkachisqa kanqa.
2Allin ruwaq runakuna munaychakuptinqa
llaqtam kusikun,
millay runa munaychakuptinmi ichaqa
llaqta ñakarin.
3Yachayniyuq runaqa
taytantam kusichin,
chuchumikaman qokuruq runam ichaqa
kapuqnintapas yanqacharun.
4Allinta munaychakuq reyqa
llaqtatam takyachin,
impuestollata mañakuqmi ichaqa
llaqtata chinkachin.
5Runamasinta alabaq tukuq runaqa
runamasinpa ñawpaqninpim
trampata churachkan.
6Millay runapa wichichiqninqa
kikinpa huchallanmi,
allin ruwaq runam ichaqa
hawka hinaspa kusisqa kawsakunqa.
7Allin ruwaq runaqa
wakchakunatam nanachikun,
mana allin runatam ichaqa
mana imapas qokunchu.
8Chaqwa hatarichiq runakunaqa
llaqtatam sasachakuyman apanku,
yachayniyuqkunam ichaqa
runakunapa piñakuyninta tanichinku.
9Mana yachayniyuq runawan
yachayniyuq runa churanakuyta qallaykuspanqa,
asispanpas otaq piñakuspanpas
manam ima arreglomanpas chayanqachu.
10Runamasin wañuchiq runakunaqa
allin ruwaq runakunatam wañuchiypi rinku.
11Mana yachayniyuq runaqa
piñakuynintam kachaykun,
yachayniyuq runam ichaqa
piñakuyninta tanichin.
12Sichum huk kamachikuq llulla rimaykunata kasuptinqa,
yanapaqninkunapas millay runakunam kanqaku.
13Wakchamanpas, ñakarichikuqmanpas,
hina Tayta Diosllam kawsakuytaqa qorqa.
14Wakchakunata cheqap kaqwan
kamachikuq reypa trononqa
wiñaypaqmi takyanqa.
15Qaqchakuywan azoteqa
yachaytam qokun,
munaysapa warmam ichaqa
mamanta penqayman churan.
16Millay runakuna achka kaptinqa
huchapas llumpaymi,
allin ruwaq runakunam ichaqa
chay runakunapa wichisqanta rikunqaku.
17Churikita corregispaykiqa
hawka kawsakuytawan
kusikuytam tarinki.
18Diospa rimariynin mana kaptinqa
llaqtapas huchamanmi qokurun,
kamachikuyta kasukuqkunam ichaqa
ancha kusisqa kanqaku.
19Esclavotaqa manam simillawanqa correginachu,
payqa uyarichkaspapas manam kasukunchu.
20¿Rikurqankichu mana tantearispa rimaq runata?
Chayna runamantaqa
mana yachayniyuq runaraqmi allinqa.
21Taksa kasqanmanta esclavonta mana imanaqqa
qepa punchawmi sasachakuypi tarikunqa.
22Chaylla piñakuruq runaqa
piñanakuyllatam hatarichin,
chaylla rabiakuruq runaqa
chaylla-chayllam huchaman wichin.
23Hatun tukuq runaqa
uchuychasqam kanqa,
uchuychakuq runam ichaqa
hatunchasqa kanqa.
24Suwaman sayapakuq runaqa
kikintapunipas cheqnikunmi,
ñakachkaptinkupas manam willakunchu.
25Runapa manchakuyninqa
trampa hina wichichiqninmi,
Diospi hapipakuq runam ichaqa
hawka kawsakunqa.
26Kamachikuqpa yanapakuynintaqa
achkaqmi maskanku,
chaywanpas Diosllam justiciataqa ruwan.
27Allin ruwaq runakunaqa,
mana allin runakunataqa cheqninkum;
mana allin runakunañataqmi
allin ruwaq runakunata millakunku.
Currently Selected:
Proverbios 29: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012