Proverbios 24
24
-19-
1Mana allin runakunamantaqa
ama envidiakuychu,
amataq paykunawanqa hukllawakuychu.
2Sonqonkupipas paykunaqa
runa wañuchiyllatam tanteanku,
paykunaqa mana allinkuna ruwayllamantam rimankupas.
-20-
3Wasitaqa yachaywanmi hatarichina,
allinta tantearispam cimientonta churana.
4Yachaywanmi cuartonkunatapas
sumaq kaqkunawan
chaynataq valorniyuq kaqkunawan huntachina.
-21-
5Yachayniyuq runaqa atiyniyuqmi,
yachayniyuq runaqa ancha kallpayuqmi.
6Guerramanqa allinta tantearispam yaykuna,
vencenapaqqa achkawanmi consejachikuna.
-22-
7Mana yachayniyuqpaqa
yachaypas mana haypay atinam,
chayraykum juezpa qayllanpipas
mana ima rimaytapas atinchu.
-23-
8Mana allinllata ruway munaqtaqa,
“mana allinllata tanteaq” nispam sutichanku.
9Mana yachayniyuq runaqa
huchallapim yuyaymanan,
burlakuq runataqa lliwmi cheqninku.
-24-
10Sasachakuy punchawpi hukmanyaruspaqa
pisi kallpayuqmi rikurirunki.
-25-
11Wañuypaq sentenciasqa kaqkunata libray,
wañuypa patanpi kaqkunata salvay.
12“Ñoqaqa manam yacharqanichu” niptikipas
juzgasuqnikiqa yacharunqam,
imaynam kawsasqaykita qawasuqnikiqa reqsirunqam,
sapakamaman ruwayninman hina pagaqmi musyarunqa.
-26-
13Churilláy, abejapa miskintaqa
allin kasqanraykuyá mikukuy,
miskillaña kasqantayá malliykuy.
14Yachaywan, yachayniyuq kaypas
chayna miskim kanqa;
chaykunata tariruspaykiqa
allinmi kawsakunki,
ima suyasqaykipas manam yanqapaqchu kanqa.
-27-
15Allin ruwaq runapa contranpiqa
amayá ima mana allintapas tanteaychu,
wasinmantapas amayá imantapas suwakuychu.
16Allin ruwaq runaqa
qanchis kutikamaña wichispapas
qanchis kutikamam hatarinqa;
mana allin runakunam ichaqa
sasachakuyman wichinqaku.
-28-
17Enemigoyki sasachakuypi tarikuptinqa
amayá asipayaychu,
urmaruptinpas amayá sonqoykipiqa kusikuychu.
18Yanqañataq chay ruwasqaykita qawaspa
Tayta Dios piñakurunman,
hinaspa enemigoykimanta piñakuyninta asurachinman.
-29-
19Mana allin runakunapaqqa
ama piñakuychu,
mana allin ruwaqkunamantaqa
ama envidiakuychu.
20Mana allin runaqa
mana allinpim tukunqa,
mana allin runaqa mechero hinam wañurunqa.
-30-
21Churilláy, Tayta Diosta hatunchay,
reytapas kasukuytaq;
mana kasukuqkunawanqa ama hukllawakuychu.
22Paykunamanqa sasachakuymi qonqayta chayarunqa,
manam pipas yachanchu Tayta Diospas chaynataq reypas
castigarunantaqa.
Yachayniyuqkunapa wakin rimasqankumanta
23Kaykunapas yachayniyuqkunapa rimarisqankunam:
Juzgadopi hukkaqllanman sayapakuruyqa manam allinchu.
24Huchayuq runata
“mana huchayuqmi kanki” niq jueztaqa,
llaqtakunam ñakanqaku,
nacionkunam cheqninqaku.
25Hucha ruwaqta castigaqkunam ichaqa
kusisqa kaspa bendecisqa kanqaku.
26Allinta contestakuq runapa rimayninqa
simipi muchaykuy hinam.
27Hawapi ruwanaykikunataraq ruwamuy,
chakra llamkanaykitaraq llamkamuy,
chaymantaña wasikitaqa ruway.
28Runamasikipa contranpiqa
ama yanqamantaqa testigakuychu,
amataq llullakunatapas paymantaqa rimaychu;
29amayá niychu:
“Imaynam ruwawasqanta hinallam paytapas ruwasaq,
ruwawasqanman hinam kutichipusaq”, nispaqa.
30Qella runapa chakran chawpintam pasarqani,
mana yuyayniyuqpa uvas chakrantam pasarqani,
31hinaspaymi rikururqani chay chakrapiqa
kichkakunallaña wiñarusqanta,
cerconkunapas tuñisqa kasqanta.
32Chayta qawaspaymi yuyaymanarqani,
rikuruspaymi kayta yacharurqani:
33Puñunaykikamam,
puñuywan aysachikunaykikamam,
makikita oqllapakuykuspa puñunaykikamam,
34 #
Pr 6.10-11. yanqa purikuq qella runa hina
wakchayay chayaramusunki,
armasqa suwa hinam
wakchayay hayparamusunki.
Currently Selected:
Proverbios 24: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012