Proverbios 23
23
-6-
1Kamachikuqwan mikuspaykiqa
sumaqta qawakuykuy
pipa qayllanpi kasqaykita.
2Llumpayta yarqasuptikiqa,
cuchillotapasyá kunkaykiman churakuy.
3Maynaña miski mikuynintapas
ama munapayaychu,
chay mikuyqa pantayman apakuqmi.
-7-
4Ama apuyayllata maskaychu,
aswanqa chaypi yuyarayayta saqey.
5Allinta qawariptikiqa
mana kaqllam rikurirun;
raprayuqpas kanman hinam
ankapa pawakusqanta hina pawarun.
-8-
6Maqlla runawanqa ama mikuychu,
maynaña miski mikuynintapas
ama munapayaychu.
7Chayna runaqa
sonqonman hinam imatapas nisunki.
“Mikuykuy, tomaykuy” nisuspaykipas
hawa sonqollam nisuchkanki.
8Mikusqaykitapas chayllam kutirachinki,
miskillaña rimasqaykipas yanqapaqmi kanqa.
-9-
9Mana yachayniyuq runataqa
ama rimapayaychu,
payqa maynaña sumaq rimasqaykitapas
asikuspam wischupakunqa.
-10-
10Ñawpaqmantaraq churasqa linderotaqa
ama asuchiychu,
mana tayta-mamayuqpa herenciantapas
ama hapikuruychu.
11Paykunata nanachikuqqa Atiyniyuq Diosmi,
contraykipi hatarispam paykunataqa valechinqa.
-11-
12Sonqoykipiyá yachayta waqaychay,
yachachikuyta sumaqta uyariy.
-12-
13Warma corregiytaqa ama manchakuychu,
azoteruptikiqa manam wañurunqachu;
14azotespaqa
almantam wañunanmanta libranki.
-13-
15Churilláy, yachayniyuq kaptikiqa
ñoqapas sonqoypim anchata kusikusaq;
16yachaywan rimasqaykita uyarispaymi
ukuypi kusikusaq.
-14-
17Huchallikuq runataqa amayá envidiakuychu,
aswanyá Tayta Diosta tukuy tiempo kasukuy;
18hinaspaqa qepa punchawkunapim
kusisqa kawsakunki.
-15-
19Churilláy, allinta uyariy,
yachayniyuqyá kay;
allin ñanpiyá sonqoykita takyachiy.
20Machakuqkunawanqa ama hukllawakuychu,
mikuysapakunawanqa ama kuskanchakuychu.
21Machakuqkunawan mikuysapakunaqa
wakchayaypim mana imayuq tukunqaku,
qellakunaqa pachanmantapas usunqakum.
-16-
22Taytaykipa nisusqaykita uyariy,
mamaykimantapas payayaruptinqa ama penqakuychu.
23Cheqap kaqtawan yachayta rantiy,
yachachikuytawan yuyayniyuq kayta rantiy,
hinaspa ama rantikuychu.
24Allin kawsakuq warmapa taytanqa
anchatam kusikunqa,
yachayniyuq warmapa taytanqa
churinmantam alabakunqa.
25Qamraykuyá tayta-mamayki kusikuchun,
qamraykuyá wachakusuqniki kusikuchun.
-17-
26Churilláy, sonqoykitayá qoykuway
ñawikipas ñanniykunatayá qawachun.
27Chuchumika warmiqa
uku-uku pozo hinam
qosanta engañaq warmiqa
mana yaykuy atina uchku hinam.
28Payqa suwa hinam wateqan,
achka qarikunatam wichichin.
-18-
29¿Pipaqtaq ñakariyqa?
¿Pipaqtaq nanayqa?
¿Pipaqtaq piñanakuyqa?
¿Pipaqtaq quejanakuyqa?
¿Pipaqtaq yanqamanta maqanakuyqa?
¿Pipaqtaq ñawi qoyuyachinakuyqa?
30Chaykunaqa
machakuyman qokuruqkunapaqmi,
rikchaqmana tragota maskaqkunapaqmi.
31Amayá qawaychu
poqosqa vinopa pukayasqantaqa,
nitaq copapi kancharisqantapas,
vinoqa llampullatam simiman yaykuykun;
32ichaqa maqta uru hinam kachukun,
venenoyuq maqta uru hinam nanayta apamun.
33Ñawikikunapas mana kaqkunatam rikunqa,
tukuy imata tanteaspam
muspaypi hina rimankipas.
34Lamar qochapa chawpinpi
puñuchkaq hinam tarikurunki,
barcopa kaspinpa puntanpi
puñuchkaq hinam rikurirunki.
35Hinaspam ninki:
“Maqaruwaptinkupas manam nanawanchu,
azotewasqankutapas manam musyakurqanichu;
rikchariruspaymi huktawan trago maskaq pasasaq”, nispa.
Currently Selected:
Proverbios 23: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012