Proverbios 16
16
1Runaqa tukuy imatapas tanteanmanmi,
ichaqa Tayta Dios munaptinmi
ruwasqa kanqa otaq manapas.
2Runapaqqa imaña ruwasqanpas
allinpaqmi rikchakapun,
chaywanpas Tayta Diosmi
runapa imam tanteasqanta juzganqa.
3Ima ruwasqaykitapas
Tayta Diospa makinman churay,
hinaptinqa imaña ruway munasqaykipas
ruwasqam kanqa.
4Tayta Diosqa munasqanman hinam
imakunatapas ruwarqa,
mana allin ruwaq runatapas
mana allin punchawpaqmi ruwarqa.
5Tayta Diosqa millakunmi
hatun tukuq runataqa,
chayna runaqa haykapipas castigasqapunim kanqa.
6Kuyakuywan hinaspa cheqap kaqwanmi
huchataqa pampachana,
runaqa Tayta Diosta kasukuspallam
mana allinmanta sapaqchakunqa.
7Runapa ñannin Tayta Diospa munasqanpaq hina kaptinqa,
Tayta Diosmi chay runataqa enemigonkunawan hawkayaypi kawsachinqa.
8Mana allinkunata ruwaspa apuyaymantaqa
mana engañaspa asllatapas ganakuymi aswan allinqa.
9Runaqa sonqonpim imaynam kawsananta tantean
ichaqa Tayta Diosmi purinan ñantaqa allichan.
10Reyqa Diospa rantinpim riman,
imata juzgaspapas manam pantanchu.
11Tayta Diospam mana suwakuq balanzawan cabal pesoqa,
pesokunaqa paypa ruwasqallanmi.
12Reykunaqa millakunkum
mana allin ruwaykunataqa,
paykunapa munaychakuyninqa sapinchakun
allin ruwaypim.
13Reykunaqa kusikun
imam kaqta rimaqkunawanmi,
paykunaqa kuyan cheqap rimaqkunatam.
14Reypa piñakuyninqa wañuytam apamun,
yachayniyuq runam ichaqa tanichin.
15Reypa kusikuyninpiqa kawsaymi tarikun,
paypa kuyakuyninqa poqoy para hinam.
16Qorimantapas aswan allinqa
yachayta tariymi,
qollqemantapas aswan allinqa
yachayniyuq kaymi.
17Allin ruwaq runaqa mana allinmantam sapaqchakun,
imaynam kawsasqanta qawakuqqa
vidantam waqaychan.
18Hatun tukuypa qepantam waqapakuy hamun,
qari tukuypa qepantañataqmi llakikuy hamun.
19Wakchakunawan uchuychakuymi aswan allin
hatun tukuqkunawan apuyanamantaqa.
20Rimapayasqa uyarikuq runaqa allinmi kanqa,
Tayta Diosman hapipakuq runaqa mayna kusisqam kanqa.
21Yachayniyuq runataqa
“yachayniyuq” nispam sutichanku,
miski simi runaqa yachaytam mirachin.
22Allin tanteakuyqa hatalliqninpaqmi kawsachikuq yaku;
mana yachayniyuqta yachachiyqa,
mana yuyayniyuqpa ruwayninmi.
23Allinta tanteakuq runaqa
yachaywanmi riman,
rimaspanmi yachayta cheqechin.
24Sumaq rimaykunaqa abejapa miskin hinam,
almapaqmi miski, cuerpopaqñataqmi hampi.
25 #
Pr 14.12. Runamanqa ima ñanpas allinpaqmi rikchakapun,
tukupayninmi ichaqa wañuyman apakun.
26Llamkaqtaqa yarqayninmi llamkapakuyman tanqan,
yarqayninmi llamkananpaq hikutan.
27Mana allin runaqa
mana allin ruwayllatam maskan,
siminpas rawrachkaq nina hinam.
28Mana allin runaqa peleollatam hatarichin
cuento qepi runaqa kuyanakuqkunatapas rakinanmi.
29Mana allin runaqa
kuyanakuqmasintapas pantachinmi,
hinaspam mana allin ñanninta pusan.
30Mana allinta ruway munaqqa ñawinwanmi qemchipayan
mana allinta ruwaruspanmi kachupakun.
31Kawsakuyninpi allinta ruwaspa machuyaruq runapaqqa
umanpi soqonkunapas corona hinam.
32Qari-qari kaymantapas aswan allinqa
mana chaylla piñakuruymi;
llaqtakuna venceymantapas aswan allinqa
genionchik controlakuymi.
33Suerteta runa chamqaptinpas,
imayna kanantaqa Diosllam yachan.
Currently Selected:
Proverbios 16: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012