Mateo 19
19
Casado kachkaspa rakinakuymanta
(Mr 10.1-12. Lc 16.18)
1Jesusmi kaykunata niruspan Galileamanta Jordán mayupa inti qespimunan lawninpi kaq Judea lawman pasakurqa. 2Achkallaña runakunam Jesusta qatirqaku, chaypitaqmi onqoqkunatapas sanoyachirqa.
3Wakin fariseokunam Jesusman asuykuspa, imawanpas wichirachiyta munaspanku tapurqaku:
¿Yaqachu pipas casado kachkaspa imallamantapas warminmanta rakikurunman? nispanku.
4 #
Gn 1.27; 5.2. Chaymi Jesusñataq nirqa:
¿Manachu Qellqapi leerqankichik, qallariyninpi unanchaqninkuqa qaritawan warmita ruwasqanta? 5#Gn 2.24.Hinaspanmi nirqa: “Chayraykum qariqa tayta-mamanmanta rakikuspan warminman hukllawakunqa, chaynapi iskayninku huk runa hinallaña kanqaku”, nispan. 6Chaynaqa, manam iskayñachu kanqaku, aswanqa hukllañam. Chayraykum runaqa mana rakinmanchu Diospa kuskanchasqantaqa, nispa.
7 #
Dt 24.1-4; Mt 5.31. Fariseokunañataqmi tapurqaku:
Hinaptinqa ¿imanasqataq Moisesqa kamachikurqa rakinakusqanmanta papelta ruwaykuspa warminmanta rakikunanpaqqa? nispanku.
8Chaymi Jesusñataq nirqa:
Rumi sonqo kasqaykichikraykum Moisesqa permitisurqankichik warmikichikmanta rakikunaykichiktaqa, chaywanpas qallariyninpiqa manam chaynachu karqa. 9#Mt 5.32; 1 Co 7.10-11.Ñoqam ichaqa nikichik, huk qariwan mana waqllikuruchkaptin warminmanta rakikuspan hukwan casarakuqqa, waqllikuy huchapim kachkan, nispan.
10Hinaptinmi discipulonkuna nirqaku:
Sichum casado runapaq warminwan chayna kanan kaptinqa mana casarakuymi aswan allinqa, nispanku.
11Jesusñataqmi nirqa:
Manam lliwchu kaytaqa entiendenku, aswanqa chayta entiendenankupaq Diospa yachay qosqan kaqkunallam. 12Arí, kanmi nacesqanmantapuni mana casarakunanpaq kaqkuna, kantaqmi runapa capasqankunapas chaynataq Diosta servinankurayku mana casarakuy munaqkunapas. Pipas kayta entiendeqqa entiendechunyá, nispa.
Wawakunata Jesús bendecisqanmanta
(Mr 10.13-16. Lc 18.15-17)
13Jesusmanmi wawakunata pusamurqaku, chaynapi paykunaman makinta churaykuspa Diosta mañapunanpaq. Discipulokunañataqmi wawa pusamuqkunata qaqcharqaku. 14Hinaptinmi Jesusñataq nirqa:
Ama harkaychikchu wawakuna ñoqaman hamunantaqa, kay wawakuna hina kaqkunapaqmi Diospa munaychakuyninqa, nispa.
15Chaynata niruspanmi wawakunapa hawanman makinta churaykurqa, hinaspam chaymanta pasakurqa.
Apu jovenpa Jesuswan rimasqanmanta
(Mr 10.17-31. Lc 18.18-30)
16Huk runam Jesusman asuykuspan tapurqa:
Allin yachachikuq ¿ima allin kaqtataq ruwayman wiñay kawsayta haypanaypaq? nispa.
17Jesusñataqmi nirqa:
¿Imanasqataq allin niwanki? Allinqa chullallam, payqa Diosmi. Wiñay kawsayta munaspaykiqa Diospa kamachikuyninkunata kasukuy, nispa.
18 #
Ex 20.13; Dt 5.17. #
Ex 20.14; Dt 5.18. #
Ex 20.15; Dt 5.19. #
Ex 20.16; Dt 5.20. Hinaptinmi chay runañataq nirqa:
¿Mayqan kamachikuykunata? nispa.
Jesusñataqmi nirqa:
“Amam pitapas wañuchinkichu, amam hukwanqa waqllikunkichu, amam suwakunkichu, amam runamasikipa contranpi llullakunataqa rimankichu, 19#Ex 20.12; Dt 5.16.#Lv 19.18.tayta-mamaykitam respetanki, runamasikitam kikikita hina kuyanki”, nispa.
20Hinaptinmi chay joven nirqa:
Tukuy chaykunataqa ñam cumpliruniña. ¿Imatawanraqtaq ruwayman? nispan.
21Chaymi Jesusñataq nirqa:
Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.
22Jovenñataqmi chayta uyariykuspan, apu kasqanrayku llakisqallaña kutikurqa.
23Hinaptinmi discipulonkunata Jesús nirqa:
Cheqaptapunim nikichik, apuqa mayna sasatam Diospa munaychakuyninman yaykunqa. 24Apu runa Diospa munaychakuyninman yaykunanmantaqa camelloraqcha yaqapas agujapa rinrinta usturunman, nispa.
25Chayta uyariykuspankum discipulonkuna aswanraq admiraykuspa nirqaku:
¿Hinaptinqa pitaq salvakuyta atinman? nispanku.
26Jesusñataqmi paykunata qawarispan nirqa:
Runakunapaqqa kayqa mana ruway atinanmi, Diospaqmi ichaqa atinallan, nispa.
27Hinaptinmi Pedro nirqa:
Ñoqaykuqa tukuy imata saqespam qatichkaykiku, chaynaqa ¿imatataq chaskisaqku? nispa.
28 #
Mt 25.31. #
Lc 22.30. Chaymi Jesusñataq nirqa:
Cheqaptapunim nikichik, tukuy imapas musoqyachisqa kanan tiempo chayaramuptinmi kancharichkaq trononpi runapa Churin tiyaykunqa, hinaptinmi qamkunapas chunka iskayniyuq tronokunapi tiyaykuspa Israel ayllukunata juzgankichik. 29Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqarayku saqeqqa, pachak kuti mastam chaskinqa, chaskinqataqmi wiñay kawsaytapas. 30#Mt 20.16; Lc 13.30.Ichaqa puntapi kaqkunam qepapi kanqaku, qepapi kaqkunañataqmi puntapi kanqaku, nispa.
Currently Selected:
Mateo 19: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
