Mateo 18
18
Pim punta kaq kasqanmanta
(Mr 9.33-37. Lc 9.46-48)
1 #
Lc 22.24. Chaypa qepallantam discipulonkuna Jesusman asuykuspa tapurqaku:
¿Pitaq Diospa munaychakuyninpi mayorqa? nispanku.
2Jesusñataqmi huk warmata qayaykuspan chawpinkupi sayaykachispan 3#Mr 10.15; Lc 18.17.nirqa:
Sichum warmakuna hina mana kaspaykichikqa, cheqaptapunim Diospa munaychakuyninmanqa mana yaykunkichikchu. 4Diospa munaychakuyninpiqa pipas kay warma hina uchuychakuqmi mayorqa. 5Pipas ñoqapa sutiypi kay warmata hina kuyakuywan chaskiqqa ñoqatam chaskiwan, nispa.
Pitapas huchallichiqqa sinchi castigasqa kananmanta
(Mr 9.42-48. Lc 17.1-2)
6Ñoqapi iñiq taksakunamanta mayqellantapas huchallichiqtaqa, allinchá kanman molino rumita kunkanman wataruspanku lamar qochaman wischuykuyninkuqa. 7¡Mayna llakikuypaqmi runata kay pachapi imapas huchallichiq kaqkunaqa! Chaykunaqa kanqapunim, ichaqa ¡imaynaraq kanqa runamasinta huchaman tanqaq runaqa!
8 #
Mt 5.30. Chaynaqa, sichum makikipas otaq chakikipas huchaman apasuptikiqa qoruruspayá qanmanta wischuruy, allinqa kanman huknin makiyuqllañapas otaq qoru chakiyuqllañapas wiñaypaq kawsakuynikim, iskaynin makintin otaq iskaynin chakintin wiñaypaq rawrachkaq ninaman wischusqa kanaykimantaqa. 9#Mt 5.29.Sichum ñawiki huchallichisuptikiqa, hurqoruspa qanmanta karuman wischuruy, allinqa kanman huknin ñawiyuqllañapas wiñaypaq kawsakuynikim, iskay ñawintin wiñaypaq infiernoman wischusqa kanaykimantaqa.
Chinkasqa ovejawan rikchanachisqanmanta
(Lc 15.3-7)
10Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku. 11#Lc 19.10.#18.11 Kay textoqa ñawpaq manuscritokunapiqa manam kanchu, ichaqa wakiqkunam ninku Lucaspa qellqasqanmanta churamusqankuta. (Lc 19.10)[Runapa Churinqa chinkasqakunata salvaqmi hamurqa]
12¿Imaynataq rikchakapusunkichik? ¿Manachum huk runapa pachak ovejankunamanta huknin chinkaruptin, isqon chunka isqonniyuqta orqopi saqeykuspan chinkaruqta maskamun? 13Cheqaptapunim nikichik, tariruspanñataqmi chay isqon chunka isqonniyuq mana chullaruq ovejakunamantapas mastaraq kusikun. 14Chaynam hanaq pachapi kaq Taytaykichikpas mana munanchu kay taksakunamanta hukllanpas chinkanantaqa.
Imaynam pampachanamanta
(Lc 17.3)
15 #
Lc 17.3. Sichum runamasiki contraykipi huchallikuruptinqa, rispayki sapallanpi rimapayaykamuy. Pantasqanta reqsikuptinqa paywanmi allinyanakurunki. 16#Dt 17.6; 19.15.Mana kasusuptikiqa hukta otaq iskay testigota pusay, chaynapi iskay otaq kimsa testigopa qayllanpi rimapayanaykipaq. 17Paykunatapas mana kasuptinqa huñunakuypiyá llapallanman niy, paykunatapas mana kasuptinqa Diosta mana reqsiqpaq otaq impuesto cobraqpaqñayá hapiychik.
18 #
Mt 16.19; Jn 20.23. Cheqaptapunim nikichik, kay pachapi watasqaykichikqa hanaq pachapipas watasqataqmi kanqa, kay pachapi paskasqaykichikpas hanaq pachapipas paskasqataqmi kanqa.
19Nikichiktaqmi, sichum kay pachapi iskayllapas huk sonqolla imatapas mañakuptikichikqa, hanaq pachapi Taytaymi qamkunapaq ruwanqa. 20Maypipas iskayllapas otaq kimsallapas ñoqapa sutiypi huñunakuptinkuqa, paykunapa chawpinpim ñoqapas kachkani, nispan.
21Hinaptinmi Pedroñataq Jesusman asuykuspan nirqa:
Señorlláy ¿hayka kutikamataq contraypi wawqey huchallikuptin pampachasaq? ¿Qanchis kutikamachu? nispa.
22 #
Lc 17.3-4. Jesusñataqmi nirqa:
Manam qanchiskamallachu, aswanqa qanchis chunka kutitam qanchistakama, nispa.
Mana pampachay munaq sirvientemanta
23Chayraykum Diospa munaychakuyninqa rikchakun serviqninkunata cuenta mañaq reyman. 24Cuenta mañayta qallaykuptinmi waranqanpi-waranqanpi debeqnin runata pusamurqaku. 25Mana pagayta atiptinmi, reyñataq kamachikurqa, chay debeqninta, warmintinta, churinkunatawan hinaspa tukuy imankunatawan kuskata esclavopaq rantikamunankupaq, chaynapi debesqanta pagananpaq. 26Hinaptinmi chay serviqninqa reypa ñawpaqninpi qonqorakuykuspa ruegakurqa: “Señorlláy, tumpatawanyá suyaykuway, lliwtachiki pagapullasqayki”, nispa. 27Chaymi reyqa llakipayarispan debesqanta pampachaykurqa, hinaspam kachaykurqa.
28Chay sirvienteñataqmi lloqsiruspan pachaklla debeqnin sirvientemasinwan tuparurqa, hinaspam kunkamanta hapiruspan nirqa: “Debewasqaykita pagapuway”, nispan. 29Hinaptinmi sirvientemasinqa ñawpaqninpi qonqorakuykuspan ruegakurqa: “Ama hina kaspayá suyaykullaway, lliwtam pagapullasqayki”, nispan. 30Paymi ichaqa mana munaspan paganankama carcelman wichqarachirqa. 31Chayta rikuruspanku sirvientemasinkuna llumpayta llakikururqaku, hinaspankum imam pasakusqanmanta reyman willaykamurqaku. 32Chaymi reyqa qayarachimuspan nirqa: ¡Mana allin runa! Ruegawaptikim lliw debewasqaykita pampacharqayki. 33¿Manachu qampas sirvientemasikita llakipayariykuwaq karqa? nispan. 34Hinaspam reyqa llumpayta piñakuruspan kamachikurqa lliw debesqanta pagapunankama castiganankupaq.
35Chaynatam hanaq pachapi kaq Taytaypas qamkunawan ruwanqa, runamasikichikta tukuy sonqoykichikwan mana pampachaptikichikqa, nispan.
Currently Selected:
Mateo 18: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012