Mateo 12
12
Samana punchawpi imam ruwasqankumanta
(Mr 2.23-28. Lc 6.1-5)
1 #
Dt 23.25. Jesusmi tarpusqa chakrapa chawpinta samana punchawpi richkarqa. Discipulonkunañataqmi yarqarachikuspanku trigopa espiganta rachuspa mikuyta qallaykurqaku. 2Chayta qawaspankum llapa fariseokunañataq Jesusta nirqaku:
Discipuloykikunaqa samana punchawpi mana ruwanatam ruwachkanku, nispanku.
3Jesusñataqmi nirqa:
¿Manachum leerqankichik Davidwan puriqmasinkuna yarqaymanta kaspanku imam ruwasqanta? 4#1 S 21.1-6.#Lv 24.9.Diospa wasinman yaykuruspankum Diospaq sapaqchasqa tantakunata mikururqaku, chay tantakunaqa manam paykunapa mikunanchu karqa aswanqa sacerdotekunallapam. 5#Nm 28.9-10.¿Manachum Moisespa leyninpipas leerqankichik templopi sacerdotekuna sabadopi llamkachkaspapas mana huchallikusqankuta? 6Cheqaptapunim nikichik, kaypiqa templomantapas aswan hatun kaqmi kachkan. 7#Mt 9.13.#Os 6.6.¿Manachu qamkuna yacharqankichik: “Ñoqaqa llakipayakuq kanaykichiktam munani, manam animalkuna wañuchipuwanaykichiktachu”, nispa nisqanta? Chayta yachaspaykichikqa manachá llapa mana huchayuqkunata juzgawaqchikchu. 8Chaynaqa, yachaychikyá, runapa Churinqa samana punchawpapas Señorninmi, nispan.
Onqoqta samana punchawpi Jesuspa sanoyachisqanmanta
(Mr 3.1-6. Lc 6.6-11)
9Jesusmi chaymanta pasakuspan sinagogaman yaykururqa. 10Chaypim kachkarqa chakisqa makiyuq runa, hinaptinmi Jesusta imawanpas wichirachiyta maskaspanku kaynata tapurqaku:
¿Allinchu kanman samana punchawpi huk onqoq runa sanoyachisqa kaynin? nispanku.
11 #
Lc 14.5. Chaymi Jesús nirqa:
¿Mayqannikichiktaq ovejaykichik uchkuman wichiykuptin, samana punchawpi mana hurqowaqchikchu? 12¡Runakunaqa ovejamantapas aswan valorniyuqmi! Chaynaqa, leyqa permitinmi samana punchawpi allin kaqkuna ruwaytaqa, nispan.
13Hinaspam chay runata nirqa:
Makikita haywariy, nispa.
Haywariykuptinmi sanoyarurqa, hinaspam huknin makin hinaña rikurirurqa. 14Fariseokunañataqmi lloqsiruspanku Jesusta wañuchinankupaq tanteanakurqaku.
Jesusqa Diospa serviqnin kasqanmanta
15Jesusmi chayta yacharuspan chaymanta pasakurqa, hinaptinmi achkallaña runakuna qatikurqaku. Payñataqmi onqoqkunata sanoyachispan, 16paymanta ama pimanpas willakunankupaq kamachirqa.
17Chaynataqa kamachirqa profeta Isaiaspa kayna nisqan cumplikunanpaqmi:
18“Paymi serviqniyqa, paytam akllakurqani,
payqa kuyasqaymi, payraykum kusisqa kachkani.
Espirituytam payman huntaykusaq,
Diosta mana reqsiq nacionkunamanmi allin kawsakuymanta willakunqa.
19Manam peleanqachu nitaqmi qaparinqachu,
callekunapi qayakuptinpas manam pipas uyarinqachu.
20Raqrasqa soqosllatapas manam pakinqachu,
wañunayachkaq mecherotapas manam wañuchinqachu,
allin kawsakuyta hatarichinankama.
21 #
Is 42.1-4. Llapa nacionkunapas paypa sutinpi hapipakuspam suyanqaku”.
Jesuspa contranpi rimasqankumanta
(Mr 3.20-30. Lc 11.14-23, 12.10)
22Chaymantam demoniopa huntasqan mana rimaq ñawsa runata Jesusman aparamurqaku. Chaymi sanoyarachiptin qawarikururqa hinaspam rimarqaña. 23Llapa runakunañataqmi admirakuspa nirqaku:
¿Kaychu kanman Davidpa churin? nispanku.
24 #
Mt 9.34; 10.25. Fariseokunañataqmi chayta uyariruspanku nirqaku:
Kay runaqa demoniokunataqa qarqon demoniokuna kamachiq Beelzebupa atiyninwanmi, nispanku.
25Imaynam yuyaymanasqankuta yacharuspanmi Jesús nirqa:
Ima nacionpas kikinpura rakinasqa kaspaqa purmachisqam kanqa, llaqtapas otaq ayllupas rakinasqa kaspaqa manam takyanqachu. 26Sichum kikillanta Satanás qarqokuptinqa ¿imaynataq munaychakuynin takyanman? 27Qamkunam ninkichik Beelzebupa atiyninwan demoniokuna qarqosqayta; chaynaqa ¿pipa atiyninwantaq qatiqnikichikkunaqa demoniokunata qarqonku? Chayraykum paykuna juzgaqnikichik kanqa. 28Sichum Diospa Espiritunwan demoniokunata qarqoptiyqa, cheqaptapunim Diospa munaychakuynin qamkunaman chayaramusunkichik.
29¿Imaynataq kallpasapa runapa wasinman suwananpaq pipas yaykurunman puntata payta mana chaqnaruchkaspaqa? Chaqnaruspallam imantapas suwarunmanqa.
30 #
Mr 9.40. Pipas mana favorniypi kaspaqa contraypim kachkan, cosechapi ñoqawan mana huñuqqa usuchinmi.
31Chayraykum nikichik: Diosqa pampachanqam runakunapa tukuy rikchaq huchankutawan kamiqninkunatapas, Chuya Espirituta kamiqkunatam ichaqa mana haykapipas pampachanqachu. 32#Lc 12.10.Pipas runapa Churinpa contraypi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa, kay tiempopipas nitaq hamuq tiempopipas.
Sachataqa rurunpi reqsinamanta
(Lc 6.43-45)
33 #
Mt 7.20; Lc 6.44. Allin sachaqa allinkunallatam rurun, mana allin sachañataqmi mana allinkunallata rurun, sachataqa ruruyninpim reqsinchik. 34#Mt 3.7; 23.33; Lc 3.7.#Mt 15.18; Lc 6.45.¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman. 35Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman. 36Nikichikmi, juicio punchawpim tukuy mana allinkuna rimasqaykichikmanta llapallaykichik cuentata qonkichik. 37Rimasqaykiman hinam pampachasqapas otaq condenasqapas kankichik, nispa.
Milagrota ruwananpaq fariseokunapa mañakusqanmanta
(Mr 8.12; Lc 11.29-32)
38 #
Mt 16.1; Mr 8.11; Lc 11.16. Fariseokunamanta hinaspa Diospa leynin yachachiqkunamantam wakiqninku Jesusta nirqaku:
Yachachikuq, milagro ruwasqaykitam qawayta munaniku, chaynapi Diosmanta hamusqaykita yachanaykupaq, nispanku.
39 #
Mt 16.4; Mr 8.12. Jesusñataqmi nirqa:
Kay mana kasukuq hinaspa huchasapa runakunam milagro ruwanayta munachkanku, ichaqa manam ima milagropas ruwasqachu kanqa. Qawaspaqa-qawankichik profeta Jonasta imam pasasqallantam. 40#Jon 1.17.Imaynam Jonás kimsa punchaw kimsa tutan hatun challwapa wiksanpi karqa, chaynam runapa Churinpas kimsa punchaw kimsa tutan allpapa ukunpi kanqa. 41#Jon 3.5.Nínive llaqtapi runakunam kay runakunawan kuska juicio punchawpi kawsarimunqaku, hinaspam kay runakunata acusanqaku. Paykunaqa Jonaspa willakusqanwanmi huchankumanta wanakururqaku, kaypiqa Jonasmantapas aswan allin willakuqmi kachkan. 42#1 R 10.1-10; 2 Cr 9.1-12.Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.
Runaman demonio kutiykusqanmanta
(Lc 11.24-26)
43Runamanta mana allin espíritu lloqsiruspaqa, maypi samaykuyta maskaspam chaki allpakunapi purin, mana tarispanñataqmi kaynata yuyaymanan: 44“Maymi lloqsimusqay wasiymanyá kutisaq”, nispan. Kutiruspanñataqmi chunnichkaqta, sumaq allichasqata chaynataq sumaq pichasqata tariykun. 45Hinaspanmi chayman kutirispan paymantapas aswan mana allin qanchis espiritukunataraq pusaramun hinaspam yaykuykuspa chaypi yachakun. Chaynapim chay runaqa ñawpaq kasqanmantapas aswan mana allinña rikurirun. Chaynam pasanqa kay mana allin miraykunatapas.
Mamanwan wawqenkuna Jesusta maskasqankumanta
(Mr 3.31-35. Lc 8.19-21)
46Runakunata Jesús rimapayachkaptinmi, mamanwan wawqenkuna chayaramurqaku, hinaspam Jesuswan rimayta munaspanku hawallapi suyarqaku. 47Chaymi Jesusman hukkaqnin willarqa:
Mamaykiwan wawqekikunam qanwan rimayta munaspa hawapi sayachkanku, nispa.
48Hinaptinmi Jesusñataq chay willaqninta nirqa:
¿Pitaq mamaywan wawqeykunaqa? nispa.
49Hinaspam discipulonkunata qawarispan nirqa:
Paykunam mamaywan wawqeykunaqa. 50Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.
Currently Selected:
Mateo 12: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Mateo 12
12
Samana punchawpi imam ruwasqankumanta
(Mr 2.23-28. Lc 6.1-5)
1 #
Dt 23.25. Jesusmi tarpusqa chakrapa chawpinta samana punchawpi richkarqa. Discipulonkunañataqmi yarqarachikuspanku trigopa espiganta rachuspa mikuyta qallaykurqaku. 2Chayta qawaspankum llapa fariseokunañataq Jesusta nirqaku:
Discipuloykikunaqa samana punchawpi mana ruwanatam ruwachkanku, nispanku.
3Jesusñataqmi nirqa:
¿Manachum leerqankichik Davidwan puriqmasinkuna yarqaymanta kaspanku imam ruwasqanta? 4#1 S 21.1-6.#Lv 24.9.Diospa wasinman yaykuruspankum Diospaq sapaqchasqa tantakunata mikururqaku, chay tantakunaqa manam paykunapa mikunanchu karqa aswanqa sacerdotekunallapam. 5#Nm 28.9-10.¿Manachum Moisespa leyninpipas leerqankichik templopi sacerdotekuna sabadopi llamkachkaspapas mana huchallikusqankuta? 6Cheqaptapunim nikichik, kaypiqa templomantapas aswan hatun kaqmi kachkan. 7#Mt 9.13.#Os 6.6.¿Manachu qamkuna yacharqankichik: “Ñoqaqa llakipayakuq kanaykichiktam munani, manam animalkuna wañuchipuwanaykichiktachu”, nispa nisqanta? Chayta yachaspaykichikqa manachá llapa mana huchayuqkunata juzgawaqchikchu. 8Chaynaqa, yachaychikyá, runapa Churinqa samana punchawpapas Señorninmi, nispan.
Onqoqta samana punchawpi Jesuspa sanoyachisqanmanta
(Mr 3.1-6. Lc 6.6-11)
9Jesusmi chaymanta pasakuspan sinagogaman yaykururqa. 10Chaypim kachkarqa chakisqa makiyuq runa, hinaptinmi Jesusta imawanpas wichirachiyta maskaspanku kaynata tapurqaku:
¿Allinchu kanman samana punchawpi huk onqoq runa sanoyachisqa kaynin? nispanku.
11 #
Lc 14.5. Chaymi Jesús nirqa:
¿Mayqannikichiktaq ovejaykichik uchkuman wichiykuptin, samana punchawpi mana hurqowaqchikchu? 12¡Runakunaqa ovejamantapas aswan valorniyuqmi! Chaynaqa, leyqa permitinmi samana punchawpi allin kaqkuna ruwaytaqa, nispan.
13Hinaspam chay runata nirqa:
Makikita haywariy, nispa.
Haywariykuptinmi sanoyarurqa, hinaspam huknin makin hinaña rikurirurqa. 14Fariseokunañataqmi lloqsiruspanku Jesusta wañuchinankupaq tanteanakurqaku.
Jesusqa Diospa serviqnin kasqanmanta
15Jesusmi chayta yacharuspan chaymanta pasakurqa, hinaptinmi achkallaña runakuna qatikurqaku. Payñataqmi onqoqkunata sanoyachispan, 16paymanta ama pimanpas willakunankupaq kamachirqa.
17Chaynataqa kamachirqa profeta Isaiaspa kayna nisqan cumplikunanpaqmi:
18“Paymi serviqniyqa, paytam akllakurqani,
payqa kuyasqaymi, payraykum kusisqa kachkani.
Espirituytam payman huntaykusaq,
Diosta mana reqsiq nacionkunamanmi allin kawsakuymanta willakunqa.
19Manam peleanqachu nitaqmi qaparinqachu,
callekunapi qayakuptinpas manam pipas uyarinqachu.
20Raqrasqa soqosllatapas manam pakinqachu,
wañunayachkaq mecherotapas manam wañuchinqachu,
allin kawsakuyta hatarichinankama.
21 #
Is 42.1-4. Llapa nacionkunapas paypa sutinpi hapipakuspam suyanqaku”.
Jesuspa contranpi rimasqankumanta
(Mr 3.20-30. Lc 11.14-23, 12.10)
22Chaymantam demoniopa huntasqan mana rimaq ñawsa runata Jesusman aparamurqaku. Chaymi sanoyarachiptin qawarikururqa hinaspam rimarqaña. 23Llapa runakunañataqmi admirakuspa nirqaku:
¿Kaychu kanman Davidpa churin? nispanku.
24 #
Mt 9.34; 10.25. Fariseokunañataqmi chayta uyariruspanku nirqaku:
Kay runaqa demoniokunataqa qarqon demoniokuna kamachiq Beelzebupa atiyninwanmi, nispanku.
25Imaynam yuyaymanasqankuta yacharuspanmi Jesús nirqa:
Ima nacionpas kikinpura rakinasqa kaspaqa purmachisqam kanqa, llaqtapas otaq ayllupas rakinasqa kaspaqa manam takyanqachu. 26Sichum kikillanta Satanás qarqokuptinqa ¿imaynataq munaychakuynin takyanman? 27Qamkunam ninkichik Beelzebupa atiyninwan demoniokuna qarqosqayta; chaynaqa ¿pipa atiyninwantaq qatiqnikichikkunaqa demoniokunata qarqonku? Chayraykum paykuna juzgaqnikichik kanqa. 28Sichum Diospa Espiritunwan demoniokunata qarqoptiyqa, cheqaptapunim Diospa munaychakuynin qamkunaman chayaramusunkichik.
29¿Imaynataq kallpasapa runapa wasinman suwananpaq pipas yaykurunman puntata payta mana chaqnaruchkaspaqa? Chaqnaruspallam imantapas suwarunmanqa.
30 #
Mr 9.40. Pipas mana favorniypi kaspaqa contraypim kachkan, cosechapi ñoqawan mana huñuqqa usuchinmi.
31Chayraykum nikichik: Diosqa pampachanqam runakunapa tukuy rikchaq huchankutawan kamiqninkunatapas, Chuya Espirituta kamiqkunatam ichaqa mana haykapipas pampachanqachu. 32#Lc 12.10.Pipas runapa Churinpa contraypi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa, kay tiempopipas nitaq hamuq tiempopipas.
Sachataqa rurunpi reqsinamanta
(Lc 6.43-45)
33 #
Mt 7.20; Lc 6.44. Allin sachaqa allinkunallatam rurun, mana allin sachañataqmi mana allinkunallata rurun, sachataqa ruruyninpim reqsinchik. 34#Mt 3.7; 23.33; Lc 3.7.#Mt 15.18; Lc 6.45.¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman. 35Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman. 36Nikichikmi, juicio punchawpim tukuy mana allinkuna rimasqaykichikmanta llapallaykichik cuentata qonkichik. 37Rimasqaykiman hinam pampachasqapas otaq condenasqapas kankichik, nispa.
Milagrota ruwananpaq fariseokunapa mañakusqanmanta
(Mr 8.12; Lc 11.29-32)
38 #
Mt 16.1; Mr 8.11; Lc 11.16. Fariseokunamanta hinaspa Diospa leynin yachachiqkunamantam wakiqninku Jesusta nirqaku:
Yachachikuq, milagro ruwasqaykitam qawayta munaniku, chaynapi Diosmanta hamusqaykita yachanaykupaq, nispanku.
39 #
Mt 16.4; Mr 8.12. Jesusñataqmi nirqa:
Kay mana kasukuq hinaspa huchasapa runakunam milagro ruwanayta munachkanku, ichaqa manam ima milagropas ruwasqachu kanqa. Qawaspaqa-qawankichik profeta Jonasta imam pasasqallantam. 40#Jon 1.17.Imaynam Jonás kimsa punchaw kimsa tutan hatun challwapa wiksanpi karqa, chaynam runapa Churinpas kimsa punchaw kimsa tutan allpapa ukunpi kanqa. 41#Jon 3.5.Nínive llaqtapi runakunam kay runakunawan kuska juicio punchawpi kawsarimunqaku, hinaspam kay runakunata acusanqaku. Paykunaqa Jonaspa willakusqanwanmi huchankumanta wanakururqaku, kaypiqa Jonasmantapas aswan allin willakuqmi kachkan. 42#1 R 10.1-10; 2 Cr 9.1-12.Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.
Runaman demonio kutiykusqanmanta
(Lc 11.24-26)
43Runamanta mana allin espíritu lloqsiruspaqa, maypi samaykuyta maskaspam chaki allpakunapi purin, mana tarispanñataqmi kaynata yuyaymanan: 44“Maymi lloqsimusqay wasiymanyá kutisaq”, nispan. Kutiruspanñataqmi chunnichkaqta, sumaq allichasqata chaynataq sumaq pichasqata tariykun. 45Hinaspanmi chayman kutirispan paymantapas aswan mana allin qanchis espiritukunataraq pusaramun hinaspam yaykuykuspa chaypi yachakun. Chaynapim chay runaqa ñawpaq kasqanmantapas aswan mana allinña rikurirun. Chaynam pasanqa kay mana allin miraykunatapas.
Mamanwan wawqenkuna Jesusta maskasqankumanta
(Mr 3.31-35. Lc 8.19-21)
46Runakunata Jesús rimapayachkaptinmi, mamanwan wawqenkuna chayaramurqaku, hinaspam Jesuswan rimayta munaspanku hawallapi suyarqaku. 47Chaymi Jesusman hukkaqnin willarqa:
Mamaykiwan wawqekikunam qanwan rimayta munaspa hawapi sayachkanku, nispa.
48Hinaptinmi Jesusñataq chay willaqninta nirqa:
¿Pitaq mamaywan wawqeykunaqa? nispa.
49Hinaspam discipulonkunata qawarispan nirqa:
Paykunam mamaywan wawqeykunaqa. 50Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012