Mateo 11
11
Bautizaq Juanpa tapuchimusqanmanta
(Lc 7.18-35)
1Jesusmi chunka iskayniyuq discipulonkunaman yachachiyta tukuruspan, huklaw llaqtakunapiña yachachimunanpaq rirqa.
2Juanñataqmi carcelpi kachkaspa Cristopa ruwasqankunata yacharurqa, hinaspam discipulonkunamanta iskayta kacharqa, 3Jesusta kaynata tapumunankupaq:
¿Qamchu kachkanki Diosmanta hamuq, icha huktachu suyasaqku? nispa.
4Chaymi Jesusñataq nirqa:
Kutispaykichik imam qawasqaykichikmantawan uyarisqaykichikmanta Juanman willamuychik. 5#Is 35.5-6.#Is 61.1.Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkankuña, wañusqakunam kawsarinku, wakchakunapas evangeliotam uyarichkanku, nispaykichik. 6¡Mayna kusisqam ñoqamanta mana iskayrayaqkunaqa! nispan.
7Paykuna pasakuptinmi, runakunaman Juanmanta willaspan Jesús nirqa:
¿Ima qawaqtaq purunta rirqankichik? ¿Wayrapa kuyuchisqan soqosta qawaqchu? 8¿Pi qawaqtaq rirqankichik? ¿Allin pachawan pachasqa runata qawaqchu? Yachankichikmi, allin pachawan churakuqqa reykunapa wasinpim kachkanku. 9Chaynaqa, ¿pi qawaqtaq rirqankichik? ¿Profetata qawaqchu? Arí, cheqaptapunim nikichik, payqa manam profeta hinallachu. 10#Mal 3.1.Juanmantam Qellqa kaynata nin:
“Ñoqam willakuqniyta ñawpaqnikita kachasaq,
paymi rinayki ñanta allichanqa”, nispa.
11Cheqaptapunim nikichik, warmimanta nacemuq runakunamantaqa manam hukllapas Bautizaq Juan hinaqa kanchu. Chaywanpas Diospa munaychakuyninpi kaqkunamanta hukkaqnin taksan kaqmi Juanmantapas aswan hatunqa.
12Bautizaq Juanpa hamusqanmantapunim Diospa munaychakuyninta chinkachiypi richkanku, allin kallpawanraqmi chinkachiyta munanku. 13#Lc 16.16.Profetakunawan kamachikuykunam Juan hamunankama willakurqaku. 14#Mal 4.5; Mt 17.10-13; Mr 9.11-13.Qamkuna creeyta munaptikichikqa, Juanmi chay suyasqaykichik Eliasqa. 15Haykan rinriyuqkunaqa uyariychikyá.
16¿Pimantaq tupachiyman kunan tiempo miraykunata? Paykunaqa plazakunapi pukllakuq warmakunamanmi rikchakunku, paykunaqa warmamasinkunatam kaynata qayaykachanku: 17“Qenata tocaptiykupas manam tusurqankichikchu, aya takita takiptiykupas manam waqarqankichikchu”, nispanku. 18Juanmi hamurqa, payqa manam mikurqachu nitaqmi tomarqachu, hinaptinmi nirqankichik: “Payqa demonioyuqmi”, nispaykichik. 19Runapa Churin hamuspa mikuptin tomaptinñataqmi ninkichik: “Kay runaqa mikuysapa hinaspa vinolla upyakuqmi, impuesto cobraqkunapa hinaspa huchasapakunapa amistadninmi”, nispaykichik. Diospa yachayninqa ruwasqankunapim qawachikun, nispa.
Jesuspa ñakasqan llaqtakunamanta
(Lc 10.13-15)
20Maypim achkallaña milagrokuna ruwasqan llaqtakunatam Jesús qaqcharqa, Diosman mana kutirikusqankumantam kaynata nirqa:
21 #
Is 23.1-18; Ez 26.1—28.26; Jl 3.4-8; Am 1.9-10; Zac 9.2-4. ¡Ay, Corazín llaqta, imaynaraq kanki!
¡Ay, Betsaida llaqta, imaynaraq kanki!
Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa. 22Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik. 23#Is 14.13-15.#Gn 19.24-28.Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa. 24#Mt 10.15; Lc 10.12.Chayraykum juicio punchawpiqa Sodoma chaynataq Gomorra llaqtakunamantapas aswan castigasqa kanki, nispan.
Jesusllapi tarikuq samaymanta
(Lc 10.21-22)
25Chay tiempopim, Taytanta mañakuspan Jesús nirqa:
Hanaq pachapipas kay pachapipas munaychakuq Taytalláy,
yachayniyuqkunamantawan yuyayniyuqkunamanta pakaykuspaykim,
wawakunaman kaykunata reqsichirqanki,
chayraykum yupaychayki.
26Arí, Taytalláy,
chaynatam munarqanki.
27 #
Jn 3.35. #
Jn 10.15. Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam. 28Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik. 29#Jer 6.16.Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik. 30Yugoyqa manam llasanchu, qepiypas sampallataqmi, nispa.
Currently Selected:
Mateo 11: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Mateo 11
11
Bautizaq Juanpa tapuchimusqanmanta
(Lc 7.18-35)
1Jesusmi chunka iskayniyuq discipulonkunaman yachachiyta tukuruspan, huklaw llaqtakunapiña yachachimunanpaq rirqa.
2Juanñataqmi carcelpi kachkaspa Cristopa ruwasqankunata yacharurqa, hinaspam discipulonkunamanta iskayta kacharqa, 3Jesusta kaynata tapumunankupaq:
¿Qamchu kachkanki Diosmanta hamuq, icha huktachu suyasaqku? nispa.
4Chaymi Jesusñataq nirqa:
Kutispaykichik imam qawasqaykichikmantawan uyarisqaykichikmanta Juanman willamuychik. 5#Is 35.5-6.#Is 61.1.Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkankuña, wañusqakunam kawsarinku, wakchakunapas evangeliotam uyarichkanku, nispaykichik. 6¡Mayna kusisqam ñoqamanta mana iskayrayaqkunaqa! nispan.
7Paykuna pasakuptinmi, runakunaman Juanmanta willaspan Jesús nirqa:
¿Ima qawaqtaq purunta rirqankichik? ¿Wayrapa kuyuchisqan soqosta qawaqchu? 8¿Pi qawaqtaq rirqankichik? ¿Allin pachawan pachasqa runata qawaqchu? Yachankichikmi, allin pachawan churakuqqa reykunapa wasinpim kachkanku. 9Chaynaqa, ¿pi qawaqtaq rirqankichik? ¿Profetata qawaqchu? Arí, cheqaptapunim nikichik, payqa manam profeta hinallachu. 10#Mal 3.1.Juanmantam Qellqa kaynata nin:
“Ñoqam willakuqniyta ñawpaqnikita kachasaq,
paymi rinayki ñanta allichanqa”, nispa.
11Cheqaptapunim nikichik, warmimanta nacemuq runakunamantaqa manam hukllapas Bautizaq Juan hinaqa kanchu. Chaywanpas Diospa munaychakuyninpi kaqkunamanta hukkaqnin taksan kaqmi Juanmantapas aswan hatunqa.
12Bautizaq Juanpa hamusqanmantapunim Diospa munaychakuyninta chinkachiypi richkanku, allin kallpawanraqmi chinkachiyta munanku. 13#Lc 16.16.Profetakunawan kamachikuykunam Juan hamunankama willakurqaku. 14#Mal 4.5; Mt 17.10-13; Mr 9.11-13.Qamkuna creeyta munaptikichikqa, Juanmi chay suyasqaykichik Eliasqa. 15Haykan rinriyuqkunaqa uyariychikyá.
16¿Pimantaq tupachiyman kunan tiempo miraykunata? Paykunaqa plazakunapi pukllakuq warmakunamanmi rikchakunku, paykunaqa warmamasinkunatam kaynata qayaykachanku: 17“Qenata tocaptiykupas manam tusurqankichikchu, aya takita takiptiykupas manam waqarqankichikchu”, nispanku. 18Juanmi hamurqa, payqa manam mikurqachu nitaqmi tomarqachu, hinaptinmi nirqankichik: “Payqa demonioyuqmi”, nispaykichik. 19Runapa Churin hamuspa mikuptin tomaptinñataqmi ninkichik: “Kay runaqa mikuysapa hinaspa vinolla upyakuqmi, impuesto cobraqkunapa hinaspa huchasapakunapa amistadninmi”, nispaykichik. Diospa yachayninqa ruwasqankunapim qawachikun, nispa.
Jesuspa ñakasqan llaqtakunamanta
(Lc 10.13-15)
20Maypim achkallaña milagrokuna ruwasqan llaqtakunatam Jesús qaqcharqa, Diosman mana kutirikusqankumantam kaynata nirqa:
21 #
Is 23.1-18; Ez 26.1—28.26; Jl 3.4-8; Am 1.9-10; Zac 9.2-4. ¡Ay, Corazín llaqta, imaynaraq kanki!
¡Ay, Betsaida llaqta, imaynaraq kanki!
Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa. 22Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik. 23#Is 14.13-15.#Gn 19.24-28.Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa. 24#Mt 10.15; Lc 10.12.Chayraykum juicio punchawpiqa Sodoma chaynataq Gomorra llaqtakunamantapas aswan castigasqa kanki, nispan.
Jesusllapi tarikuq samaymanta
(Lc 10.21-22)
25Chay tiempopim, Taytanta mañakuspan Jesús nirqa:
Hanaq pachapipas kay pachapipas munaychakuq Taytalláy,
yachayniyuqkunamantawan yuyayniyuqkunamanta pakaykuspaykim,
wawakunaman kaykunata reqsichirqanki,
chayraykum yupaychayki.
26Arí, Taytalláy,
chaynatam munarqanki.
27 #
Jn 3.35. #
Jn 10.15. Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam. 28Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik. 29#Jer 6.16.Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik. 30Yugoyqa manam llasanchu, qepiypas sampallataqmi, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012