Mateo 13
13
Muhu tarpuqmanta
(Mr 4.1-9. Lc 8.4-8)
1Chay punchawmi wasimanta Jesús lloqsiruspan lamar qochapa patanpi tiyaykurqa. 2#Lc 5.1-3.Ichaqa achkallaña runakuna asuykuptinmi barcaman qespiykuspan tiyaykurqa, llapa runakunañataqmi qocha patallanpi karqaku. 3Jesusmi tukuy imamanta rikchanachiykunawan yachachispan kaynata nirqa:
Huk runam tarpukuq lloqsirqa. 4Muhuta maqcheptinmi wakiqnin muhu ñanman wichirqa, chaymi urpikuna hamuruspan mikururqaku. 5Wakinñataqmi mana ancha allpapa kasqan rumillaña ranraman wichirqa, hinaspanmi as allpallapi kasqanrayku chaylla wiñaramurqa, 6ichaqa mana sumaq sapichakusqa kasqanraykum inti lloqsiramuspan chakirachirqa. 7Wakin muhuñataqmi kichka-kichka ukuman wichirqa, hinaptinmi kichkakuna wiñaruspa eqoyarachirqa. 8Wakinñataqmi allin allpaman wichisqanrayku wiñaruspan huk muhullamanta pachakta, soqta chunkata hinaspa kimsa chunkata rururqa.
9Haykam uyariqkunaqa kasukuychikyá, nispa.
Rikchanachiykunapa ima ninanmi kasqanmanta
(Mr 4.10-12. Lc 8.9-10)
10Hinaptinmi discipulonkuna Jesusman asuykuspa tapurqaku:
¿Imanasqataq runakunata rikchanachiykunawan yachachinki? nispanku.
11Chaymi payñataq nirqa:
Diosmi qamkunamanqa munaychakuyninpi pakasqa kaqkunata yachachisunkichik, paykunamanmi ichaqa mana reqsichinchu. 12#Mt 25.29; Mr 4.25; Lc 8.18; 19.26.Kapuqniyuqmanqa achkataraqmi qonqaku, chaynapi aswan kapuqniyuqraq kananpaq; mana kapuqniyuqmantam ichaqa aslla kapuqninpas qechusqa kanqa. 13Chayraykum paykunamanqa rikchanachiykunawan rimapayani; paykunaqa qawachkaspankupas manam rikunkuchu, uyarichkaspapas manam entiendenkuchu. 14Chaynatam paykunapi profeta Isaiaspa kayna nisqan cumplikun:
“Uyarichkaspapas manam entiendenqakuchu,
qawachkaspapas manam rikunqakuchu.
15 #
Is 6.9-10. Kay runakunapaqa sonqonkupas rumiyasqam kachkan,
rinrinkupas upayasqam kachkan,
ñawinkupas wichqasqam kachkan.
Mana qawakunankupaqmi ñawinkutapas wichqarunku,
mana uyarinankupaqmi rinrinkutapas taparunku,
chaynapi mana entiendenankupaq nitaq ñoqaman kutirikamunankupaq,
chaynapi ñoqapas mana sanoyachinaypaq”, nispa.
16Qamkunaqa mayna kusisqam kankichik, ñawikichik qawakusqanwan chaynataq rinrikichik uyarikusqanwan. 17#Lc 10.23-24.Cheqaptapunim nikichik, achka profetakunawan allin kawsakuq runakunam qamkunapa rikusqaykichik rikuykuyta munarqaku, ichaqa manam rikurqakuchu; uyarisqaykichiktam uyariykuyta munarqaku, ichaqa manam uyarirqakuchu.
Muhu tarpuqwan rikchanachisqanpa imam ninanmanta
(Mr 4.13-20. Lc 8.11-15)
18Uyariychik, kunanmi muhu tarpuqwan rikchanachisqaypa imam ninanta yachachisqaykichik: 19Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku. 20Rumillaña ranraman wichiqñataqmi rikchakun, palabrata uyariykuspa kusikuywan chaskiqman, 21ichaqa mana sumaqta sapichakusqanraykum mana unaytachu kawsarqa. Paykunam Diospa palabranrayku cheqnisqa qatikachasqa kaspanku chaylla wichirunku. 22Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu. 23Allin allpaman wichiq muhuñataqmi rikchakun palabrata uyarispan entiendeq runaman. Chaymi huk muhullamanta rurun pachakta, soqta chunkata hinaspa kimsa chunkata, nispa.
Trigomantawan vallikumanta
24Jesusmi huk rikchanachiytawan rimarispan nirqa:
Diospa munaychakuyninqa rikchakun chakranpi allin muhuta tarpuq runamanmi. 25Ichaqa puñunankukamam, enemigo hamuruspan vallikuta trigopa chawpinpi tarpuruspan pasakurqa. 26Trigo wiñaruspan ruruyta qallaykuptinmi vallikupas rikurirurqa. 27Hinaptinmi llamkaqkunañataq patronninman willamurqaku:
Señorllayku, allin muhuta chakraykipi tarpuchkaptikiqa ¿maymantamá kay vallikuqa wiñaramun? nispanku.
28Chaymi payñataq nirqa:
Enemigoymi kaytaqa ruwarun, nispan.
Hinaptinmi llamkapuqninkunañataq nirqaku:
¿Munankichu rispayku chay vallikuta qoraramunaykuta? nispanku.
29Chaymi payñataq nirqa:
Ama, yanqañataq trigotawan kuskata chutaramuwaqchik. 30Kuskanyá rutunakama wiñachun, chaypiñam rutuqkunata kamachisaq vallikuta puntata ruturuspa gavilla-gavillata wataruspa kañaykunankupaq hinaspa trigotañataq taqeyman waqaychanankupaq, nispan.
Mostaza muhuwan rikchanachisqanmanta
(Mr 4.30-32. Lc 13.18-19)
31Jesusmi huk rikchanachiytawan nirqa:
Diospa munaychakuyninqa rikchakun huk runapa tarpusqan mostaza muhumanmi. 32#13.32 Israel lawpi mostazaqa hatun sachakunam, manam yuyuchu.Mostazaqa llapallan muhumantapas uchuychallam, wiñaruspam ichaqa wakin qorakunatapas masyaruspan sachayarun, hinaptinmi urpikunapas kallmankunapi qesachakunku, nispan.
Levadurawan rikchanachisqanmanta
(Lc 13.20-21)
33Jesusmi huk rikchanachiytawan nirqa:
Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.
Jesusqa rikchanachiykunawan yachachisqanmanta
(Mr 4.33-34)
34Jesusmi tukuy kaykunata runakunaman rikchanachiykunawan yachachirqa, mana rikchanachispaqa manam imatapas yachachirqachu. 35#Sal 78.2.Chaynapi profetapa kayna nisqan cumplikunanpaq:
Rikchanachiykunawanmi rimarisaq,
kay pachata Dios unanchasqanmantapuni
pakasqa kaqkunatam rimasaq, nispa.
Vallikuman rikchanachisqanpa imam ninanmanta
36Jesusmi runakunata aviaruspan wasiman yaykurqa, hinaptinmi discipulonkuna asuykuspanku nirqaku:
Vallikuman rikchanachispa rimarisqaykipa imam ninatayá yachaykachiwayku, nispanku.
37Chaymi payñataq nirqa:
Chay allin muhu tarpuqqa runapa Churinmi. 38Chakrañataqmi kay pacha, allin muhum Diospa munaychakuyninpa churinkuna, vallikuñataqmi supaypa churinkuna. 39Chay valliku tarpuq enemigoqa diablom, cosecham kay pachapa puchukaynin, cosechaqkunañataqmi angelkuna. 40Chaynaqa, imaynam vallikuta huñuruspa ninapi kañarunku, chaynam kay pachapa puchukayninpas kanqa. 41Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku, 42hinaspam rawrachkaq hornoman wischuykunqaku. Chaypim qaparkachaspanku kirunkutapas kirichichinqaku. 43Chuya kaqkunam ichaqa inti hinaraq Taytankupa munaychakuyninpi kancharinqaku. Haykam uyariqkunaqa kasukuychikyá.
Pakawan rikchanachisqanmanta
44Diospa munaychakuyninqa chakrapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.
Perlasta maskaq negocianteman rikchanachisqanmanta
45Diospa munaychakuyninqa sumaq perlaskuna maskaq negociantemanmi rikchakun. 46Paymi sumaq perlasta tarirurqa, hinaspam tukuy kapuqninta rantikaramuspan chay perlasta rantirurqa.
Challwana mallawan rikchanachisqanmanta
47Diospa munaychakuyninqa rikchakun, lamar qochaman wischuykuptinku tukuy rikchaq challwakunata hapimuq mallamanmi. 48Mallaman challwakuna huntaruptinmi, challwaqkunañataq lamar qochapa patanman aysanku, chaypim tiyaykuspa challwata akllanku, hinaspam allinninta canastaman churanku, mana allinnintañataqmi wischunku. 49Chaynam kanqa kay pachapa puchukayninpipas, angelkunam hamuspanku chuya runakunamanta mana allin runakunata rakinqa, 50hinaspankum rawrachkaq hornoman wischuykunqaku. Chaypim qaparkachaspanku kirunkutapas kirichichinqaku, nispan.
Uyariqninkunata Jesús tapusqanmanta
51Chaymantam discipulonkunata Jesús tapurqa:
¿Yaqachu kaykunata entienderunkichik? nispan.
Hinaptinmi paykuna nirqaku:
Arí, Señor, nispanku.
52Jesusñataqmi nirqa:
Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.
Jesusta llaqtanpi mana chaskisqankumanta
(Mr 6.1-6. Lc 4.16-30)
53Jesusmi kay rikchanachiykunata rimaruspan chaymanta pasakuspan 54Nazaret llaqtanman chayarurqa, hinaspam sinagogapi yachachiyta qallaykurqa. Runakunañataqmi admirakuspa nirqaku:
¿Maymantataq kay yachaykunata hurqoramun? ¿Imaynatataq kay milagrokunata ruwan? 55¿Manachum kay runaqa carpinteropa churin hinaspa Mariapa wawan? ¿Manachum wawqenkunapas Jacobo, José, Simón hinaspa Judas? 56¿Manachum paninkunapas ñoqanchikwan kachkanku? ¿Maymantamá tukuy kaykunataqa hurqoramun? nispanku.
57 #
Jn 4.44. Jesusñataqmi paypi mana creesqankurayku nirqa:
Profetaqa huklaw llaqtakunapim allin chaskisqa, llaqtanpiwan wasinpim ichaqa mana allin chaskisqachu, nispan.
58Chaymi mana paypi creesqankurayku, llaqtanpiqa as milagrokunallata ruwarqa.
Currently Selected:
Mateo 13: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Mateo 13
13
Muhu tarpuqmanta
(Mr 4.1-9. Lc 8.4-8)
1Chay punchawmi wasimanta Jesús lloqsiruspan lamar qochapa patanpi tiyaykurqa. 2#Lc 5.1-3.Ichaqa achkallaña runakuna asuykuptinmi barcaman qespiykuspan tiyaykurqa, llapa runakunañataqmi qocha patallanpi karqaku. 3Jesusmi tukuy imamanta rikchanachiykunawan yachachispan kaynata nirqa:
Huk runam tarpukuq lloqsirqa. 4Muhuta maqcheptinmi wakiqnin muhu ñanman wichirqa, chaymi urpikuna hamuruspan mikururqaku. 5Wakinñataqmi mana ancha allpapa kasqan rumillaña ranraman wichirqa, hinaspanmi as allpallapi kasqanrayku chaylla wiñaramurqa, 6ichaqa mana sumaq sapichakusqa kasqanraykum inti lloqsiramuspan chakirachirqa. 7Wakin muhuñataqmi kichka-kichka ukuman wichirqa, hinaptinmi kichkakuna wiñaruspa eqoyarachirqa. 8Wakinñataqmi allin allpaman wichisqanrayku wiñaruspan huk muhullamanta pachakta, soqta chunkata hinaspa kimsa chunkata rururqa.
9Haykam uyariqkunaqa kasukuychikyá, nispa.
Rikchanachiykunapa ima ninanmi kasqanmanta
(Mr 4.10-12. Lc 8.9-10)
10Hinaptinmi discipulonkuna Jesusman asuykuspa tapurqaku:
¿Imanasqataq runakunata rikchanachiykunawan yachachinki? nispanku.
11Chaymi payñataq nirqa:
Diosmi qamkunamanqa munaychakuyninpi pakasqa kaqkunata yachachisunkichik, paykunamanmi ichaqa mana reqsichinchu. 12#Mt 25.29; Mr 4.25; Lc 8.18; 19.26.Kapuqniyuqmanqa achkataraqmi qonqaku, chaynapi aswan kapuqniyuqraq kananpaq; mana kapuqniyuqmantam ichaqa aslla kapuqninpas qechusqa kanqa. 13Chayraykum paykunamanqa rikchanachiykunawan rimapayani; paykunaqa qawachkaspankupas manam rikunkuchu, uyarichkaspapas manam entiendenkuchu. 14Chaynatam paykunapi profeta Isaiaspa kayna nisqan cumplikun:
“Uyarichkaspapas manam entiendenqakuchu,
qawachkaspapas manam rikunqakuchu.
15 #
Is 6.9-10. Kay runakunapaqa sonqonkupas rumiyasqam kachkan,
rinrinkupas upayasqam kachkan,
ñawinkupas wichqasqam kachkan.
Mana qawakunankupaqmi ñawinkutapas wichqarunku,
mana uyarinankupaqmi rinrinkutapas taparunku,
chaynapi mana entiendenankupaq nitaq ñoqaman kutirikamunankupaq,
chaynapi ñoqapas mana sanoyachinaypaq”, nispa.
16Qamkunaqa mayna kusisqam kankichik, ñawikichik qawakusqanwan chaynataq rinrikichik uyarikusqanwan. 17#Lc 10.23-24.Cheqaptapunim nikichik, achka profetakunawan allin kawsakuq runakunam qamkunapa rikusqaykichik rikuykuyta munarqaku, ichaqa manam rikurqakuchu; uyarisqaykichiktam uyariykuyta munarqaku, ichaqa manam uyarirqakuchu.
Muhu tarpuqwan rikchanachisqanpa imam ninanmanta
(Mr 4.13-20. Lc 8.11-15)
18Uyariychik, kunanmi muhu tarpuqwan rikchanachisqaypa imam ninanta yachachisqaykichik: 19Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku. 20Rumillaña ranraman wichiqñataqmi rikchakun, palabrata uyariykuspa kusikuywan chaskiqman, 21ichaqa mana sumaqta sapichakusqanraykum mana unaytachu kawsarqa. Paykunam Diospa palabranrayku cheqnisqa qatikachasqa kaspanku chaylla wichirunku. 22Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu. 23Allin allpaman wichiq muhuñataqmi rikchakun palabrata uyarispan entiendeq runaman. Chaymi huk muhullamanta rurun pachakta, soqta chunkata hinaspa kimsa chunkata, nispa.
Trigomantawan vallikumanta
24Jesusmi huk rikchanachiytawan rimarispan nirqa:
Diospa munaychakuyninqa rikchakun chakranpi allin muhuta tarpuq runamanmi. 25Ichaqa puñunankukamam, enemigo hamuruspan vallikuta trigopa chawpinpi tarpuruspan pasakurqa. 26Trigo wiñaruspan ruruyta qallaykuptinmi vallikupas rikurirurqa. 27Hinaptinmi llamkaqkunañataq patronninman willamurqaku:
Señorllayku, allin muhuta chakraykipi tarpuchkaptikiqa ¿maymantamá kay vallikuqa wiñaramun? nispanku.
28Chaymi payñataq nirqa:
Enemigoymi kaytaqa ruwarun, nispan.
Hinaptinmi llamkapuqninkunañataq nirqaku:
¿Munankichu rispayku chay vallikuta qoraramunaykuta? nispanku.
29Chaymi payñataq nirqa:
Ama, yanqañataq trigotawan kuskata chutaramuwaqchik. 30Kuskanyá rutunakama wiñachun, chaypiñam rutuqkunata kamachisaq vallikuta puntata ruturuspa gavilla-gavillata wataruspa kañaykunankupaq hinaspa trigotañataq taqeyman waqaychanankupaq, nispan.
Mostaza muhuwan rikchanachisqanmanta
(Mr 4.30-32. Lc 13.18-19)
31Jesusmi huk rikchanachiytawan nirqa:
Diospa munaychakuyninqa rikchakun huk runapa tarpusqan mostaza muhumanmi. 32#13.32 Israel lawpi mostazaqa hatun sachakunam, manam yuyuchu.Mostazaqa llapallan muhumantapas uchuychallam, wiñaruspam ichaqa wakin qorakunatapas masyaruspan sachayarun, hinaptinmi urpikunapas kallmankunapi qesachakunku, nispan.
Levadurawan rikchanachisqanmanta
(Lc 13.20-21)
33Jesusmi huk rikchanachiytawan nirqa:
Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.
Jesusqa rikchanachiykunawan yachachisqanmanta
(Mr 4.33-34)
34Jesusmi tukuy kaykunata runakunaman rikchanachiykunawan yachachirqa, mana rikchanachispaqa manam imatapas yachachirqachu. 35#Sal 78.2.Chaynapi profetapa kayna nisqan cumplikunanpaq:
Rikchanachiykunawanmi rimarisaq,
kay pachata Dios unanchasqanmantapuni
pakasqa kaqkunatam rimasaq, nispa.
Vallikuman rikchanachisqanpa imam ninanmanta
36Jesusmi runakunata aviaruspan wasiman yaykurqa, hinaptinmi discipulonkuna asuykuspanku nirqaku:
Vallikuman rikchanachispa rimarisqaykipa imam ninatayá yachaykachiwayku, nispanku.
37Chaymi payñataq nirqa:
Chay allin muhu tarpuqqa runapa Churinmi. 38Chakrañataqmi kay pacha, allin muhum Diospa munaychakuyninpa churinkuna, vallikuñataqmi supaypa churinkuna. 39Chay valliku tarpuq enemigoqa diablom, cosecham kay pachapa puchukaynin, cosechaqkunañataqmi angelkuna. 40Chaynaqa, imaynam vallikuta huñuruspa ninapi kañarunku, chaynam kay pachapa puchukayninpas kanqa. 41Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku, 42hinaspam rawrachkaq hornoman wischuykunqaku. Chaypim qaparkachaspanku kirunkutapas kirichichinqaku. 43Chuya kaqkunam ichaqa inti hinaraq Taytankupa munaychakuyninpi kancharinqaku. Haykam uyariqkunaqa kasukuychikyá.
Pakawan rikchanachisqanmanta
44Diospa munaychakuyninqa chakrapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.
Perlasta maskaq negocianteman rikchanachisqanmanta
45Diospa munaychakuyninqa sumaq perlaskuna maskaq negociantemanmi rikchakun. 46Paymi sumaq perlasta tarirurqa, hinaspam tukuy kapuqninta rantikaramuspan chay perlasta rantirurqa.
Challwana mallawan rikchanachisqanmanta
47Diospa munaychakuyninqa rikchakun, lamar qochaman wischuykuptinku tukuy rikchaq challwakunata hapimuq mallamanmi. 48Mallaman challwakuna huntaruptinmi, challwaqkunañataq lamar qochapa patanman aysanku, chaypim tiyaykuspa challwata akllanku, hinaspam allinninta canastaman churanku, mana allinnintañataqmi wischunku. 49Chaynam kanqa kay pachapa puchukayninpipas, angelkunam hamuspanku chuya runakunamanta mana allin runakunata rakinqa, 50hinaspankum rawrachkaq hornoman wischuykunqaku. Chaypim qaparkachaspanku kirunkutapas kirichichinqaku, nispan.
Uyariqninkunata Jesús tapusqanmanta
51Chaymantam discipulonkunata Jesús tapurqa:
¿Yaqachu kaykunata entienderunkichik? nispan.
Hinaptinmi paykuna nirqaku:
Arí, Señor, nispanku.
52Jesusñataqmi nirqa:
Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.
Jesusta llaqtanpi mana chaskisqankumanta
(Mr 6.1-6. Lc 4.16-30)
53Jesusmi kay rikchanachiykunata rimaruspan chaymanta pasakuspan 54Nazaret llaqtanman chayarurqa, hinaspam sinagogapi yachachiyta qallaykurqa. Runakunañataqmi admirakuspa nirqaku:
¿Maymantataq kay yachaykunata hurqoramun? ¿Imaynatataq kay milagrokunata ruwan? 55¿Manachum kay runaqa carpinteropa churin hinaspa Mariapa wawan? ¿Manachum wawqenkunapas Jacobo, José, Simón hinaspa Judas? 56¿Manachum paninkunapas ñoqanchikwan kachkanku? ¿Maymantamá tukuy kaykunataqa hurqoramun? nispanku.
57 #
Jn 4.44. Jesusñataqmi paypi mana creesqankurayku nirqa:
Profetaqa huklaw llaqtakunapim allin chaskisqa, llaqtanpiwan wasinpim ichaqa mana allin chaskisqachu, nispan.
58Chaymi mana paypi creesqankurayku, llaqtanpiqa as milagrokunallata ruwarqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012