Levítico 7
7
Culparayku ofrendakunamanta
1Culparayku ofrendakunaqa ñoqallapaqña sapaqchasqam kanqa, kaymi culparayku ofrendamanta kamachikuy: 2Culparayku ofrecewasqanku animaltaqa wañuchinqaku maymi animal kañanapim, yawarnintañataqmi altarpa waqtankunaman challanqaku. 3Ñoqamanmi ofrecewanqaku animalpa wirallaña chupanta, llika wiranta, 4iskaynin rurunninkunata, rurunninkunapi wirankunata, laplanpa hawanpi wirankunata hinaspa kichpanninpi wirantapas. Chay wirankunataqa rurunninkunatawan kuskatam hurqonqa. 5Sacerdoteñataqmi tukuy chaykunata altarpi kañanqa, chayqa culparayku ñoqapaq kañasqa ofrendam. 6Chay ofrendataqa sacerdotekunallam mikunqaku chaypaq sapaqchasqanku sitiopi. Chayqa ñoqallapaqña sapaqchasqa ofrendam.
7Culpamanta ofrendakunaqa huchamanta ofrenda hinam, yachachikuyniypas hina chayllam iskayninpaq. Hucha pampachanapaq ofrecewasqanku animalpa aychanqa chay ofrecewaqniy sacerdotepaqmi kanqa. 8Pipapas animalmanta kañana ofrendanta sacerdote ofreceptinqa chay animalpa qaranqa chay sacerdotepaqmi kanqa. 9Kawsaykunamanta hornopi yanusqa ofrendawan mankapi otaq sartenpi teqtechisqa ofrendaqa ofreceq sacerdotepaqmi kanqa. 10Wakin kawsaykunamanta llapallan ofrendaqa Aaronpa mirayninkunapaqmi kanqa, sapakamapaqmi chay hinalla kanqa, aceitewan chapusqa kaspa otaq mana aceiteyuq kaspapas.
Dioswan allinlla kasqankumanta ofrendakuna
11Ñoqawan allinlla kasqaykichikmanta ofrecewanaykichik ofrendamanta yachachikuykunam kaykuna: 12Graciasta qowananpaq pipapas ofrendan kaptinqa aceitewan chapusqa mana levadurayuq tortillakunatam ofrecewanqa, ofrecewanqataqmi aceitewan tallisqa mana levadurayuq galletakunatawan aceitewan chapusqa fino harinamanta tantakunatapas. 13Ñoqawan allinlla kasqanmanta graciasta qospa tantakunata ofrecespaqa, levadurayuq tantakunata yapaykuspam ofrecewanqa. 14Sapa ofrendakunamantam wakiqninta rakispan pagachkaq hina ñoqa Tayta Diosman ofrecewanqa. Chayqa ñoqawan allinlla kasqanmanta animalpa yawarnin challaq sacerdotepaqmi kanqa.
15Graciasta qowaspa ñoqawan allinlla kasqankumanta ofrenda animalpa aychantaqa chay punchawllam mikunqaku, paqarinnintin punchawpaqqa amam puchunqakuchu. 16Sichum pipapas prometekusqan cumplinanpaq ofrenda kanqa otaq voluntadninmanta ofrendan hinaptinqa chay punchawmi mikunqa, puchuruptinñataqmi paqarinnintin punchaw mikunqa. 17Chay aychamanta mincha punchawkama puchuruqmi ichaqa kañasqa kanqa. 18Ñoqawan allinlla kasqanmanta ofrenda aychata mincha punchawpi pipas mikuruptinqa, chay ofrendam mana valeq millakuypaqña kanqa, chay aycha mikuruqñataqmi huchayuq kanqa.
19Imapas millakuypaq kaqman tupaq aychataqa amam mikunkichikchu, chayna aychaqa kañasqam kanqa.
Chay aychataqa haykam chuyanchasqa kaqkunallam mikunqaku.
20Ñoqawan allinlla kasqanmanta ñoqa Tayta Diospaq wañuchisqa animalpa aychanta, pipas huchayuq kachkaspan mikuruq runaqa llaqtanmanta chinkachisqam kanqa.
21Pipas millakuypaq kaqta llapcharuqqa: Runapa cuerponmanta lloqsiq kaptinpas, mana mikuna animalta kaspapas otaq ima millakuypaq kaqta llapcharuchkaspa ñoqawan allinlla kasqanmanta wañuchisqa animalpa aychanta mikuruqqa llaqtanmanta chinkachisqam kanqa.
Wiratawan yawarta mana mikunamanta
22-23Israelpa mirayninkunaman Moisés ninanpaqmi Tayta Dios kaynata nirqa:
Torokunapa, carnerokunapa hinaspa cabrakunapa wirantaqa amam mikunkichikchu. 24Kikillanmanta wañuq animalpa wiranqa chaynataq purun animalpa wañuchisqan animalpa wiranqa imapas huk rikchaqpim servikunqa, amam mikunkichikchu.
25Ñoqa Tayta Diosman kañapuwasqanku ofrenda animalpa wiran mikuqqa llaqtanmanta chinkachisqam kanqa.
26Maypiña kaspaykichikpas raprayuq animalpa, otaq ima animalpa yawarnintapas amam mikunkichikchu. 27#Gn 9.4; Lv 17.10-14; 19.26; Dt 12.16, 23; 15.23.Ima animalpapas yawarnin mikuq runaqa llaqtanmanta chinkachisqam kanqa, nispa.
Sacerdotekunaman tupaq ofrendamanta
28-29Israelpa mirayninkunaman ninanpaqmi Moisesta Tayta Dios kaynata nirqa: Ñoqawan allinlla kasqanmanta animal ofrecewaqniyqa, chay ofrendanmantam wakinta ñoqa Tayta Diosman apamuwanqa. 30Kikinmi makinwan apamunqa, hinaspam ñoqa Tayta Diospaq kañapuwanqa. Animalpa wirantapas chaynataq qasqontapas kuyuchispanmi ofrecewanqa. Chayqa kuyuchispa ofrecewananku ofrendam. 31Chay animalpa wirantaqa sacerdotem altarpi kañapuwanqa, qasqonñataqmi Aaronpaqwan churinkunapaq kanqa. 32Ñoqawan allinlla kasqaykichikmanta ofrecewasqaykichik animalpa alleq piernantam sacerdoteman qonkichik, chayqa sacerdoteman paganaykichik ofrendam. 33Chay animalpa alleq piernantam ñoqawan allinlla kasqaykichikmanta animalpa yawarnin hinaspa wiran presentawaqniy sacerdoteman qonkichik. 34Israelpa mirayninkuna ñoqawan allinlla kasqankumanta animalta ofrecewaptinkum hurqonki kuyuchispa ofrecewananku qasqon ofrendata chaynataq sacerdoteman qonanku piernan ofrendatapas. Chaytaqa ruwankichik Aaronpaqwan mirayninkunapaq imaynam wiña-wiñaypaq decretoyman hinam.
35Tayta Diospaq kañasqa ofrendakunamanta kaqmi Aaronpaqwan mirayninkunapa tupaqnin kanqa, kaykunaqa Tayta Diospa sacerdotenkunaña kanankupaq sapaqchasqa kasqanku punchawmantaraqmi. 36Sacerdotekuna aceitewan tallisqa kasqanku punchawmantaraqmi Tayta Dios kamachirqa Israelpa mirayninkuna tukuy kaykunata qonankupaq. Chay decretoqa wiña-wiñaypaq qosqam karqa.
37Kaykunam lliw kañanamanta, kawsaykuna ofrendamanta, hucharayku wañuchisqa ofrendamanta, culparayku wañuchisqa ofrendamanta, sacerdote sapaqchanapaq ofrendamanta hinaspa Dioswan allinlla kasqankurayku wañuchisqa ofrendamanta yachachikuykuna. 38Chaykunatam Moisesman Tayta Dios kamachirqa Sinaí orqopi, chaynapi Israelpa mirayninkuna ofrendankuta Tayta Diosman Sinaí chunniqpi ofrecenankupaq, nispa.
Currently Selected:
Levítico 7: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 7
7
Culparayku ofrendakunamanta
1Culparayku ofrendakunaqa ñoqallapaqña sapaqchasqam kanqa, kaymi culparayku ofrendamanta kamachikuy: 2Culparayku ofrecewasqanku animaltaqa wañuchinqaku maymi animal kañanapim, yawarnintañataqmi altarpa waqtankunaman challanqaku. 3Ñoqamanmi ofrecewanqaku animalpa wirallaña chupanta, llika wiranta, 4iskaynin rurunninkunata, rurunninkunapi wirankunata, laplanpa hawanpi wirankunata hinaspa kichpanninpi wirantapas. Chay wirankunataqa rurunninkunatawan kuskatam hurqonqa. 5Sacerdoteñataqmi tukuy chaykunata altarpi kañanqa, chayqa culparayku ñoqapaq kañasqa ofrendam. 6Chay ofrendataqa sacerdotekunallam mikunqaku chaypaq sapaqchasqanku sitiopi. Chayqa ñoqallapaqña sapaqchasqa ofrendam.
7Culpamanta ofrendakunaqa huchamanta ofrenda hinam, yachachikuyniypas hina chayllam iskayninpaq. Hucha pampachanapaq ofrecewasqanku animalpa aychanqa chay ofrecewaqniy sacerdotepaqmi kanqa. 8Pipapas animalmanta kañana ofrendanta sacerdote ofreceptinqa chay animalpa qaranqa chay sacerdotepaqmi kanqa. 9Kawsaykunamanta hornopi yanusqa ofrendawan mankapi otaq sartenpi teqtechisqa ofrendaqa ofreceq sacerdotepaqmi kanqa. 10Wakin kawsaykunamanta llapallan ofrendaqa Aaronpa mirayninkunapaqmi kanqa, sapakamapaqmi chay hinalla kanqa, aceitewan chapusqa kaspa otaq mana aceiteyuq kaspapas.
Dioswan allinlla kasqankumanta ofrendakuna
11Ñoqawan allinlla kasqaykichikmanta ofrecewanaykichik ofrendamanta yachachikuykunam kaykuna: 12Graciasta qowananpaq pipapas ofrendan kaptinqa aceitewan chapusqa mana levadurayuq tortillakunatam ofrecewanqa, ofrecewanqataqmi aceitewan tallisqa mana levadurayuq galletakunatawan aceitewan chapusqa fino harinamanta tantakunatapas. 13Ñoqawan allinlla kasqanmanta graciasta qospa tantakunata ofrecespaqa, levadurayuq tantakunata yapaykuspam ofrecewanqa. 14Sapa ofrendakunamantam wakiqninta rakispan pagachkaq hina ñoqa Tayta Diosman ofrecewanqa. Chayqa ñoqawan allinlla kasqanmanta animalpa yawarnin challaq sacerdotepaqmi kanqa.
15Graciasta qowaspa ñoqawan allinlla kasqankumanta ofrenda animalpa aychantaqa chay punchawllam mikunqaku, paqarinnintin punchawpaqqa amam puchunqakuchu. 16Sichum pipapas prometekusqan cumplinanpaq ofrenda kanqa otaq voluntadninmanta ofrendan hinaptinqa chay punchawmi mikunqa, puchuruptinñataqmi paqarinnintin punchaw mikunqa. 17Chay aychamanta mincha punchawkama puchuruqmi ichaqa kañasqa kanqa. 18Ñoqawan allinlla kasqanmanta ofrenda aychata mincha punchawpi pipas mikuruptinqa, chay ofrendam mana valeq millakuypaqña kanqa, chay aycha mikuruqñataqmi huchayuq kanqa.
19Imapas millakuypaq kaqman tupaq aychataqa amam mikunkichikchu, chayna aychaqa kañasqam kanqa.
Chay aychataqa haykam chuyanchasqa kaqkunallam mikunqaku.
20Ñoqawan allinlla kasqanmanta ñoqa Tayta Diospaq wañuchisqa animalpa aychanta, pipas huchayuq kachkaspan mikuruq runaqa llaqtanmanta chinkachisqam kanqa.
21Pipas millakuypaq kaqta llapcharuqqa: Runapa cuerponmanta lloqsiq kaptinpas, mana mikuna animalta kaspapas otaq ima millakuypaq kaqta llapcharuchkaspa ñoqawan allinlla kasqanmanta wañuchisqa animalpa aychanta mikuruqqa llaqtanmanta chinkachisqam kanqa.
Wiratawan yawarta mana mikunamanta
22-23Israelpa mirayninkunaman Moisés ninanpaqmi Tayta Dios kaynata nirqa:
Torokunapa, carnerokunapa hinaspa cabrakunapa wirantaqa amam mikunkichikchu. 24Kikillanmanta wañuq animalpa wiranqa chaynataq purun animalpa wañuchisqan animalpa wiranqa imapas huk rikchaqpim servikunqa, amam mikunkichikchu.
25Ñoqa Tayta Diosman kañapuwasqanku ofrenda animalpa wiran mikuqqa llaqtanmanta chinkachisqam kanqa.
26Maypiña kaspaykichikpas raprayuq animalpa, otaq ima animalpa yawarnintapas amam mikunkichikchu. 27#Gn 9.4; Lv 17.10-14; 19.26; Dt 12.16, 23; 15.23.Ima animalpapas yawarnin mikuq runaqa llaqtanmanta chinkachisqam kanqa, nispa.
Sacerdotekunaman tupaq ofrendamanta
28-29Israelpa mirayninkunaman ninanpaqmi Moisesta Tayta Dios kaynata nirqa: Ñoqawan allinlla kasqanmanta animal ofrecewaqniyqa, chay ofrendanmantam wakinta ñoqa Tayta Diosman apamuwanqa. 30Kikinmi makinwan apamunqa, hinaspam ñoqa Tayta Diospaq kañapuwanqa. Animalpa wirantapas chaynataq qasqontapas kuyuchispanmi ofrecewanqa. Chayqa kuyuchispa ofrecewananku ofrendam. 31Chay animalpa wirantaqa sacerdotem altarpi kañapuwanqa, qasqonñataqmi Aaronpaqwan churinkunapaq kanqa. 32Ñoqawan allinlla kasqaykichikmanta ofrecewasqaykichik animalpa alleq piernantam sacerdoteman qonkichik, chayqa sacerdoteman paganaykichik ofrendam. 33Chay animalpa alleq piernantam ñoqawan allinlla kasqaykichikmanta animalpa yawarnin hinaspa wiran presentawaqniy sacerdoteman qonkichik. 34Israelpa mirayninkuna ñoqawan allinlla kasqankumanta animalta ofrecewaptinkum hurqonki kuyuchispa ofrecewananku qasqon ofrendata chaynataq sacerdoteman qonanku piernan ofrendatapas. Chaytaqa ruwankichik Aaronpaqwan mirayninkunapaq imaynam wiña-wiñaypaq decretoyman hinam.
35Tayta Diospaq kañasqa ofrendakunamanta kaqmi Aaronpaqwan mirayninkunapa tupaqnin kanqa, kaykunaqa Tayta Diospa sacerdotenkunaña kanankupaq sapaqchasqa kasqanku punchawmantaraqmi. 36Sacerdotekuna aceitewan tallisqa kasqanku punchawmantaraqmi Tayta Dios kamachirqa Israelpa mirayninkuna tukuy kaykunata qonankupaq. Chay decretoqa wiña-wiñaypaq qosqam karqa.
37Kaykunam lliw kañanamanta, kawsaykuna ofrendamanta, hucharayku wañuchisqa ofrendamanta, culparayku wañuchisqa ofrendamanta, sacerdote sapaqchanapaq ofrendamanta hinaspa Dioswan allinlla kasqankurayku wañuchisqa ofrendamanta yachachikuykuna. 38Chaykunatam Moisesman Tayta Dios kamachirqa Sinaí orqopi, chaynapi Israelpa mirayninkuna ofrendankuta Tayta Diosman Sinaí chunniqpi ofrecenankupaq, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012