Levítico 8
8
Sacerdote kanankupaq Aaronwan churinkuna akllasqa kasqankumanta
(Ex 29.1-37)
1Moisestam Tayta Dios kaynata nirqa:
2Aarontawan churinkunata pusamuy, pachankutapas, ñoqapaq sapaqchaspa tallina aceitetapas, hucharayku wañuchinapaq malta torotapas, iskay carnerotapas chaynataq canastapi mana levadurayuq tantakunatapas apamuytaq. 3Runakunatapas ñoqaman asuykuna carpapa punkunman huñumuy, nispa.
4Moisesmi Tayta Diospa kamachisqanman hina ruwarqa, hinaptinmi runakuna Diosman asuykuna carpapa punkunman huñunakamurqaku. 5Chaymi huñunasqa runakunata Moisés nirqa:
Tayta Diosmi kamachikun kaynata ruwanapaq, nispa.
6Hinaspam Aarontawan churinkunata Moisés asuykachispan yakuwan bañachirqa. 7Chaymantam Aaronta tunicawan pachachirqa, weqawnintañataqmi chumpiwan watarqa, hawanmanñataqmi efodwan churarqa, hinaspam Efodpa watunwan teqoniqta watarqa. 8Chaykunapa hawanmanñataqmi pectoralta churarqa, pectoralmanmi Urim rumitawan Tumim rumita churarqa. 9Chaymantam Aaronpa umanman mitrata churaykurqa, chaypa hawanmanñataqmi qorimanta letrerota urkun lawpi churarqa, sacerdote kananpaq sapaqchasqa kasqanta reqsinapaq; chaytaqa churarqa imaynam Tayta Diospa kamachisqanman hina.
10Chaymantam Moisés hapiykurqa Diospaq sapaqchaspa tallina aceiteta, hinaspam carpaman chaynataq chaypi tukuy ima kaqkunamanpas tallirqa, chaynatam Diospaq sapaqcharqa. 11Hina chay aceitewantaqmi altarpa hawanmanpas qanchis kutikama challarqa, tallirqataqmi altarmanwan llapallan servicionkunamanpas, lavatoriomanpas hinaspa tiyananmanpas. Chaynapim Diospaq sapaqchasqa karqa.
12Aaronpa umanmanpas chay aceitetam talliykurqa. Chaynatam Diospaq sapaqcharqa. 13Chaymantam Moisés asuykachirqa Aaronpa churinkunata, hinaspam tunicakunawan pachachirqa, weqawninkutapas chumpiwanmi wataykarirqa, umankumanpas mitratam churaykurqa, imaynam Tayta Diospa kamachisqanman hina.
14Hinaspam hucharayku wañuchinapaq malta torota Moisés pusachimurqa, chaymi Aaronwan churinkuna hucharayku wañuq malta toropa umanman makinkuta churaykurqaku. 15Moisesñataqmi wañurachispan, chay animalpa yawarninta chaskiykurqa, hinaspam dedonta challpuykuspan altarpa waqrachankunaman llusirqa. Chaynatam Diospaq chay altarta sapaqcharqa. Yawar puchuqtañataqmi altarpa sikinman talliykurqa, chaynatam altarta Diospaq sapaqcharqa, chay altarpi llapa runakunapa huchan pampachasqa kananpaq.
16Chaymantam animalmanta hurqosqan ukunninkunapi kaq wirankunata, kichpanninpi wirata, rurunninkunata chaynataq rurunninkunapi kaq wirakunatapas altarpi kañarqa. 17Malta toropa qarantawan aychantaqa akantawan kuskatam campamentomanta hurqospan kañarurqa, chaynataqa ruwarqa Tayta Diospa kamachisqanman hinam.
18Chaymantam kañanapaq carnerota aparachimurqa, hinaptinmi Aaronwan churinkuna chay carneropa umanman makinkuta churaykurqaku. 19Chaymi Moisés wañurachispan yawarninta altarpa muyuriqninman challarqa. 20Chay carnerotam taksa-taksata kuchuparurqa, hinaspam umanta, aychanta, wirankunata kañarqa. 21Chaymantam carneropa chunchulninkunatawan piernankunata mayllarqa, hinaspam altarpi llapallanta kañarurqa. Chayqa Tayta Diospaq miskillaña asnariq lliw kañasqa ofrendam. Chaytaqa ruwarqa Tayta Diospa kamachisqanman hinam.
22Apachimurqataqmi sacerdote sapaqchasqa kananpaq ofrecena huknin carnerotapas, hinaptinmi Aaronwan churinkuna chay carneropa umanman makinkuta churaykurqaku. 23Chaymi Moisés chay carnerota wañurachispan yawarninta chaskiykuspan Aaronpa alleq rinrinpa ura patachanta llusiykurqa, llusiykurqataqmi alleq makinpa maman dedontapas chaynataq alleq chakinpa maman dedontapas. 24Chaymantam Aaronpa churinkunata asuykachispan chay yawarwan alleq rinrinkupa ura patachanta llusiykurqa, llusiykurqataqmi alleq makinkupa maman dedontapas chaynataq alleq chakinkupa maman dedontapas, hinaspam puchuq yawarwanñataq altarpa muyuriqninman challaykurqa.
25Chaymantam chay carneropa wiranta, chupanta, chunchulninpi llapallan wirankunata, kichpanninpi wirata, iskaynin rurunninkunata, rurunninkunapi kaq wirankunata hinaspa alleq piernantapas hapiykurqa. 26Tayta Diospa qayllanpi mana levadurayuq tanta waqaychana canastamantam Moisés hurqoykurqa mana levadurayuq tantatawan aceitewan ruwasqa tantata hinaspa huk galletatapas. Chaykunatam carneropa wiranpa hinaspa alleq piernanpa hawanman churaykurqa. 27Hinaspam Aaronmanwan churinkunaman qoykurqa; paykunañataqmi kuyuchispa Tayta Diosman ofrecerqaku. 28Tukuy chaykunatam paykunapa makinmanta Moisés chaskiykurqa, hinaspam altarpi kañarqa. Chayqa karqa sacerdote sapaqchasqa kananpaq ofrendam hinaspa Tayta Diospaq miskillaña asnariq ofrendam.
29Chaymantam carneropa qasqonta Moisés hapiykurqa, hinaspam kuyuchispa Tayta Diosman ofrecerqa. Chayqa Tayta Diosman kuyuchispa ofrecenanku ofrendam. Sacerdote sapaqchasqa kananpaq ofrendamanta hurqosqa qasqonmi Moisespaq karqa, imaynam Tayta Diospa kamachisqanman hina.
30Moisesqa Diospaq sapaqchana aceitetawan altarpa hawanpi yawarta hapiykuspanmi Aaronmanwan churinkunaman hinaspa pachankuman challaykurqa. Chaynatam Aaronta, churinkunata hinaspa pachankunata Tayta Diospaq sapaqcharqa.
31Chaymantam Aarontawan churinkunata Moisés nirqa:
Aychataqa yanunkichik Tayta Diosman asuykuna carpapa punkunpim, hinaspam chayllapi mikunkichik, mikunkichikqa canastapi tantatawan kuskatam. Chaynataqa ruwankichik “Aaronmi churinkunapiwan mikunqa” nispa imaynam Tayta Diospa kamachiwasqanman hina. 32Puchuqnin aychatawan tantataqa kañarunkichikmi. 33Tayta Diosman asuykuna carpapa punkunmantaqa qanchisnintin punchawmi ama asurinkichikchu, chayna punchawpim sacerdote kanaykichikpaq sapaqchasqa kasqaykichik cumplikunqa. 34Kay ruwasqaykichiktaqa Tayta Diosmi kamachikurqa, huchaykichik pampachasqa kananpaq. 35Chaynaqa, Diosman asuykuna carpapa punkunpim tuta punchaw qanchisnintin punchawpuni kankichik. Tayta Diospa kamachikuynintam kasukunkichik, chaynapi ama wañurunaykichikpaq. Chaynatam Tayta Dios kamachiwarqa, nispa.
36Aaronmi churinkunapiwan ruwarqaku Moisesman Tayta Diospa kamachisqanman hina.
Currently Selected:
Levítico 8: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 8
8
Sacerdote kanankupaq Aaronwan churinkuna akllasqa kasqankumanta
(Ex 29.1-37)
1Moisestam Tayta Dios kaynata nirqa:
2Aarontawan churinkunata pusamuy, pachankutapas, ñoqapaq sapaqchaspa tallina aceitetapas, hucharayku wañuchinapaq malta torotapas, iskay carnerotapas chaynataq canastapi mana levadurayuq tantakunatapas apamuytaq. 3Runakunatapas ñoqaman asuykuna carpapa punkunman huñumuy, nispa.
4Moisesmi Tayta Diospa kamachisqanman hina ruwarqa, hinaptinmi runakuna Diosman asuykuna carpapa punkunman huñunakamurqaku. 5Chaymi huñunasqa runakunata Moisés nirqa:
Tayta Diosmi kamachikun kaynata ruwanapaq, nispa.
6Hinaspam Aarontawan churinkunata Moisés asuykachispan yakuwan bañachirqa. 7Chaymantam Aaronta tunicawan pachachirqa, weqawnintañataqmi chumpiwan watarqa, hawanmanñataqmi efodwan churarqa, hinaspam Efodpa watunwan teqoniqta watarqa. 8Chaykunapa hawanmanñataqmi pectoralta churarqa, pectoralmanmi Urim rumitawan Tumim rumita churarqa. 9Chaymantam Aaronpa umanman mitrata churaykurqa, chaypa hawanmanñataqmi qorimanta letrerota urkun lawpi churarqa, sacerdote kananpaq sapaqchasqa kasqanta reqsinapaq; chaytaqa churarqa imaynam Tayta Diospa kamachisqanman hina.
10Chaymantam Moisés hapiykurqa Diospaq sapaqchaspa tallina aceiteta, hinaspam carpaman chaynataq chaypi tukuy ima kaqkunamanpas tallirqa, chaynatam Diospaq sapaqcharqa. 11Hina chay aceitewantaqmi altarpa hawanmanpas qanchis kutikama challarqa, tallirqataqmi altarmanwan llapallan servicionkunamanpas, lavatoriomanpas hinaspa tiyananmanpas. Chaynapim Diospaq sapaqchasqa karqa.
12Aaronpa umanmanpas chay aceitetam talliykurqa. Chaynatam Diospaq sapaqcharqa. 13Chaymantam Moisés asuykachirqa Aaronpa churinkunata, hinaspam tunicakunawan pachachirqa, weqawninkutapas chumpiwanmi wataykarirqa, umankumanpas mitratam churaykurqa, imaynam Tayta Diospa kamachisqanman hina.
14Hinaspam hucharayku wañuchinapaq malta torota Moisés pusachimurqa, chaymi Aaronwan churinkuna hucharayku wañuq malta toropa umanman makinkuta churaykurqaku. 15Moisesñataqmi wañurachispan, chay animalpa yawarninta chaskiykurqa, hinaspam dedonta challpuykuspan altarpa waqrachankunaman llusirqa. Chaynatam Diospaq chay altarta sapaqcharqa. Yawar puchuqtañataqmi altarpa sikinman talliykurqa, chaynatam altarta Diospaq sapaqcharqa, chay altarpi llapa runakunapa huchan pampachasqa kananpaq.
16Chaymantam animalmanta hurqosqan ukunninkunapi kaq wirankunata, kichpanninpi wirata, rurunninkunata chaynataq rurunninkunapi kaq wirakunatapas altarpi kañarqa. 17Malta toropa qarantawan aychantaqa akantawan kuskatam campamentomanta hurqospan kañarurqa, chaynataqa ruwarqa Tayta Diospa kamachisqanman hinam.
18Chaymantam kañanapaq carnerota aparachimurqa, hinaptinmi Aaronwan churinkuna chay carneropa umanman makinkuta churaykurqaku. 19Chaymi Moisés wañurachispan yawarninta altarpa muyuriqninman challarqa. 20Chay carnerotam taksa-taksata kuchuparurqa, hinaspam umanta, aychanta, wirankunata kañarqa. 21Chaymantam carneropa chunchulninkunatawan piernankunata mayllarqa, hinaspam altarpi llapallanta kañarurqa. Chayqa Tayta Diospaq miskillaña asnariq lliw kañasqa ofrendam. Chaytaqa ruwarqa Tayta Diospa kamachisqanman hinam.
22Apachimurqataqmi sacerdote sapaqchasqa kananpaq ofrecena huknin carnerotapas, hinaptinmi Aaronwan churinkuna chay carneropa umanman makinkuta churaykurqaku. 23Chaymi Moisés chay carnerota wañurachispan yawarninta chaskiykuspan Aaronpa alleq rinrinpa ura patachanta llusiykurqa, llusiykurqataqmi alleq makinpa maman dedontapas chaynataq alleq chakinpa maman dedontapas. 24Chaymantam Aaronpa churinkunata asuykachispan chay yawarwan alleq rinrinkupa ura patachanta llusiykurqa, llusiykurqataqmi alleq makinkupa maman dedontapas chaynataq alleq chakinkupa maman dedontapas, hinaspam puchuq yawarwanñataq altarpa muyuriqninman challaykurqa.
25Chaymantam chay carneropa wiranta, chupanta, chunchulninpi llapallan wirankunata, kichpanninpi wirata, iskaynin rurunninkunata, rurunninkunapi kaq wirankunata hinaspa alleq piernantapas hapiykurqa. 26Tayta Diospa qayllanpi mana levadurayuq tanta waqaychana canastamantam Moisés hurqoykurqa mana levadurayuq tantatawan aceitewan ruwasqa tantata hinaspa huk galletatapas. Chaykunatam carneropa wiranpa hinaspa alleq piernanpa hawanman churaykurqa. 27Hinaspam Aaronmanwan churinkunaman qoykurqa; paykunañataqmi kuyuchispa Tayta Diosman ofrecerqaku. 28Tukuy chaykunatam paykunapa makinmanta Moisés chaskiykurqa, hinaspam altarpi kañarqa. Chayqa karqa sacerdote sapaqchasqa kananpaq ofrendam hinaspa Tayta Diospaq miskillaña asnariq ofrendam.
29Chaymantam carneropa qasqonta Moisés hapiykurqa, hinaspam kuyuchispa Tayta Diosman ofrecerqa. Chayqa Tayta Diosman kuyuchispa ofrecenanku ofrendam. Sacerdote sapaqchasqa kananpaq ofrendamanta hurqosqa qasqonmi Moisespaq karqa, imaynam Tayta Diospa kamachisqanman hina.
30Moisesqa Diospaq sapaqchana aceitetawan altarpa hawanpi yawarta hapiykuspanmi Aaronmanwan churinkunaman hinaspa pachankuman challaykurqa. Chaynatam Aaronta, churinkunata hinaspa pachankunata Tayta Diospaq sapaqcharqa.
31Chaymantam Aarontawan churinkunata Moisés nirqa:
Aychataqa yanunkichik Tayta Diosman asuykuna carpapa punkunpim, hinaspam chayllapi mikunkichik, mikunkichikqa canastapi tantatawan kuskatam. Chaynataqa ruwankichik “Aaronmi churinkunapiwan mikunqa” nispa imaynam Tayta Diospa kamachiwasqanman hina. 32Puchuqnin aychatawan tantataqa kañarunkichikmi. 33Tayta Diosman asuykuna carpapa punkunmantaqa qanchisnintin punchawmi ama asurinkichikchu, chayna punchawpim sacerdote kanaykichikpaq sapaqchasqa kasqaykichik cumplikunqa. 34Kay ruwasqaykichiktaqa Tayta Diosmi kamachikurqa, huchaykichik pampachasqa kananpaq. 35Chaynaqa, Diosman asuykuna carpapa punkunpim tuta punchaw qanchisnintin punchawpuni kankichik. Tayta Diospa kamachikuynintam kasukunkichik, chaynapi ama wañurunaykichikpaq. Chaynatam Tayta Dios kamachiwarqa, nispa.
36Aaronmi churinkunapiwan ruwarqaku Moisesman Tayta Diospa kamachisqanman hina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012