Levítico 21
21
Sacerdotekuna imatam mana ruwanankumanta
1Moisestam Tayta Dios nirqa:
Aaronpa miraynin sacerdotekunata nimuy, ayllunkumanta pipas wañuruptinqa ama asuykunankupaq. Chaynata ruwaspaqa millakuypaqmi kanmanku. 2Asuykuspaqa asuykunmanku mamanpas, taytanpas, churinpas wawqenpas 3otaq manaraq qari reqsiq paninpas wañuruptillanmi, mana qosayuq kasqanraykum paypa ayanmanqa asuykunman; chaynakunallapim sacerdoteqa millakuypaqta ruwakunman. 4Hukkaqnin casado ayllun wañuruptinmi ichaqa ayanman ama asuykunqachu, sichum asuykuspanqa millakuypaqmi kanqa.
5 #
Lv 19.27-28; Dt 14.1. Umankutaqa amam kachiy-kachiytaqa rutukunqakuchu nitaqmi barbankupa puntantapas kaptakunqakuchu, cuerponkutapas amataqmi kuchupakunqakuchu. 6Paykunaqa ñoqallapaqña sapaqchasqam kanqaku, chayraykum sutiytapas penqaymanqa ama churanqakuchu. Paykunaqa ñoqa Tayta Diospa kañasqa ofrendaykunatawan tantatam ofrecewanku. Chaynaqa, ñoqallapaqña sapaqchasqam kanqaku.
7Chuchumika warmiwanqa, abusasqa warmiwanqa otaq qosanpa saqesqan warmiwanqa amam casarakunqakuchu. Sacerdotekunaqa ñoqallapaqña sapaqchasqam kananku. 8Chaynaqa, ñoqallapaqña sapaqchay, paykunaqa ñoqa Diosmanmi tantata ofrecewanku, paykunataqa chuyapaqmi hapinki, chaynataqa ruwanki qamkunata chuyanchaq ñoqa Tayta Diospas chuya kasqayraykum.
9Sacerdotepa warmi churin penqayman churakuspan chuchumikaña rikuriruspanqa taytantam penqayman churachkan, paytaqa kawsachkaqtam kañanqaku.
10Sumo sacerdoteqa sapaqchasqa pachawan pachakunanpaq umanman aceitewan tallispa sapaqchasqam karqa, chayraykum llakipi kasqanta qawachikunanpaqqa ama chukchantapas kacharinqachu nitaq pachantapas llikipakunqachu. 11Ayapa kasqanmanqa, taytanña otaq mamanña wañuruptinpas amam yaykunqachu, millakuypaqmi rikurirunman. 12Santuarioymantaqa amam lloqsinqachu, amataqmi santuarioytapas penqaymanqa churanqachu. Payqa umanman aceitewan tallispa ñoqallapaqña sapaqchasqam. Ñoqa Tayta Diosmi chaynata nini.
13Sumo sacerdoteqa warmitapas mana qari reqsiqtam casaranqa. 14Viuda warmitaqa, qosanwan rakinasqa warmitaqa, abusasqa warmitaqa otaq chuchumika warmitaqa amam casaranqachu, casaraspaqa casaranqa castanmanta kaq manaraq qari reqsiq warmillatam. 15Chaynataqa ruwanqa mirayninkunapas chaynataq llaqtamasikunapas mana penqayman churasqa kananpaqmi. Ñoqa Tayta Diosmi paytaqa ñoqallapaqña sapaqchani, nispa.
Pikunam mana sacerdote kananmanta
16-17Aaronman ninanpaqmi Moisesta Tayta Dios kaynata nirqa:
Pipas miraynikimanta mana sano kaq runaqa manam asuykuwanmanchu ofrenda mikuyniyta ofrecewananpaqqa. 18Mana sano kaqkunaqa manam asuykuwanmanchu: Ni ñawsapas, wistupas, uyan kallpisqapas, huknin largo makiyuqpas, huknin largo chakiyuqpas, 19chakin pakisqapas, makin pakisqapas, 20moqo wasapas, moqotipas, mana allin qawakuqpas, seqsipakuyniyuqpas, qarapakuyniyuqpas, nitaq runtun dañasqapas.
21Sacerdote Aaronpa mirayninmanta pipas mana sano kaq runaqa amam ñoqa Tayta Diosman kañasqa ofrendataqa ofrecewanqachu, amataqmi asuykuwanqachu. 22Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi. 23Chuyay-chuyay lugarmanmi ichaqa ama yaykunqachu, nitaqmi altarmanpas asuykunqachu, mana sano kasqanrayku. Chaynata ruwaspanqa santuarioytam qachachanman. Ñoqa Tayta Diosmi sacerdotekunataqa sapaqcharqani, nispa.
24Chaynatam Aaronmanwan mirayninkunaman Moisés willarqa, willarqataqmi Israelpa llapallan mirayninmanpas.
Currently Selected:
Levítico 21: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
