Levítico 12
12
Wachakuq warmi imaynam Diosman asuykunanmanta
1-2Israelpa mirayninkunaman ninanpaqmi Moisesta Tayta Dios kaynata nirqa:
Huk warmi wiksayakuruspan qari wawata wachakuruspanqa, imaynam killanwan onqochkaq hinam qanchis punchawpuni millakuypaq kanqa. 3#Gn 17.12.Chay wawatam nacesqanmanta pusaq punchawniyuqta qari kayninpa qarachanta kuchuspa señalanqaku. 4Chay wawapa mamanñataqmi kimsa chunka kimsayuq punchawpi yawarninmanta chuyanchakunqa. Chuyanchakunan punchaw tukunankamam ama Diospaq sapaqchasqa kaqkunata llapchanqachu. Amataqmi santuariomanpas yaykunqachu. 5Sichum huk warmi wawata wachakuruspanqa imaynam killanwan onqochkaq hinam iskay semanapuni ama asuykuwanqachu, yawarninmantam soqta chunka soqtayuq punchaw chuyanchakunqa.
6Chay warmipa chuyanchakunan punchaw cumplikuruptinmi qari wawa kaptin otaq warmi wawa kaptinpas huk watayuq malta carnerota lliw kañanapaq apamunqa. Apamunqataqmi huk mallqo palomatawan huk qoqñutapas. Chay ofrendaqa huchankuna pampachasqa kananpaqmi kanqa. Chaykunatam sacerdoteman qonqa, 7sacerdoteñataqmi ñoqa Tayta Diosman ofrecewanqa chay warmipa huchankunata pampachanaypaq, chaynapim chay warmiqa yawarninmanta chuyanchasqa kanqa. Kaykunam qaritapas otaq warmitapas wachakuq warmikunapaq yachachikuyniykuna.
8 #
Lc 2.24. Sichum malta carnerota apamunanpaq chay warmipa qollqen mana kanqachu hinaptinqa iskay qoqñutawan otaq iskay mallqo palomakunatam apamuwanqa. Hukninmi lliw kañanapaq kanqa, hukninñataqmi hucharayku ofrendapaq. Chaykunataqa sacerdotem ofrecewanqa chay warmipa huchankunata pampachanaypaq, chaymantañam payqa asuykamuwanqa.
Currently Selected:
Levítico 12: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
