Isaías 64
64
1Amalaya cielokunata llikispa uraykamuptiki,
orqokunapas qayllaykipi katkatataspa chullurinmanraq,
2amalaya kichkakunata ruparuq nina hinaraq,
yakuta timpuchiq nina hinaraq,
hinaptinqa enemigoykikunachá sutikita reqsinmanku,
nacionkunapas qayllaykipichá katkatatanmanku.
3Mana suyasqayku manchakuypaq kaqkunata ruwaspayki
kay pachaman uraykamuptikim,
orqokunapas qayllaykipi katkatatarqa.
4 # 1 Co 2.9. Manam pipas uyarirqachu,
ñawpaqmantapas manam pipas qanmanta sapaq Diostaqa rikurqachu;
qamllam hapipakuqninkunapaq allin ruwaq Diosqa kanki.
5Qamqa kusikuywan allinkuna ruwaqkunamanmi,
munasqaykiman hina kawsaqkunaman taripaykunki.
Ichaqa unay watakunam huchallapi kawsaspayku piñachirqaykiku,
chaynaqa ¿imaynataq salvasqa kaymanku?
6Ñoqaykuqa llapallaykum millakuypaqña kachkaniku,
allinkuna ruwasqaykupas millakuypaq qacha latapa hinam kachkan.
Qawiruspa wichisqa llaqekuna hinam kachkaniku,
mana allinkuna ruwasqaykupa apasqanmi kachkaniku.
7Manam pipas qayakamusuqnikiqa kanñachu,
hapipakamusuqnikipas manam kanñachu.
Qanmi ñoqaykumanta karunchakurunki,
mana allin ruwasqaykupa munaychakusqantam saqeruwankiku.
8Chaywanpas Diosllayku, qamqa Taytaykum kanki,
ñoqaykuqa mitu hinam makikipi kaniku.
Qamñataqmi sumaq allpa mankata hina ruwawankiku,
llapallaykum qampa ruwasqayki kaniku.
9Dios Taytallayku,
amayá llumpaytaqa piñakuruychu,
mana allin ruwasqaykutapas amañayá wiñaypaqqa yuyaychu.
¡Qawarillawayku, ñoqaykuqa runaykikunam kaniku!
10Akllakusqayki llaqtaykikunam chunnichkan,
Sión llaqtapas chunnirunñam,
Jerusalén llaqtapas purmarunñam.
11Qampaq sapaqchasqa kuyayllapaq temploykum,
kañasqa kachkan,
ñawpaq taytakupa yupaychasunayki suma-sumaq temploykum,
kañasqa kachkan.
Llapallan kuyasqayku kaqkunapas lliwmi purmachkan.
12Diosnillayku, chayna kachkaptinqa
¿manachum imallatapas ruwanki?
¿upallallachum kakunki?
¿Llumpa-llumpaytachu ñakarichiwankiku? nispa.
Currently Selected:
Isaías 64: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012