Isaías 46
46
1Bel idolom qonqorakuykun,
Nebo sutiyuq idolom kumukuykun.
Chay idolokunataqa animalkunaman churkuspam apanqaku,
pisipasqa animalkunapaqqa llasaq cargam chaykunaqa.
2Chay idolokunam pampaman wichiykunku,
huklaw nacionkunaman apasqam kachkanku,
paykunaqa manam salvakuyta atinkuchu.
3Jacobpa mirayninkuna uyariwaychik,
Israel nacionmanta puchuqkuna uyariwaychik:
Manaraq nacechkaptikichikmi ñoqa qepikacharqaykichik,
nacesqaykichik punchawmantam marqakacharqaykichik.
4Yuyaqña kanaykichikkamapas ñoqaqa hina kaqllam kasaq,
soqo umaña kachkaptikichikpas nanachikusqaykichikmi;
unanchaqnikichik kasqayraykum apasqaykichik,
nanachikuspaymi waqaychasqaykichik.
5¿Piman rikchakuqpaqtaq hapiwankichik?
¿Pimantaq tupachiwankichikman?
¿Yaqachu pipas ñoqaman rikchakuq kanman?
6Runakunam wayqankumanta qorita hurqomunku,
balanzapiñataqmi qollqeta pesanku;
chay qorimanta qollqemanta ídolo ruwaqtam maskanku,
chay idolopa ñawpaqninpim qonqoraspa yupaychanku.
7Hombrokuspam apanku,
maymi kananpim sayachinku,
chay churasqankupim mana kuyurispa sayarayan.
Qapariwan mañakuptinkupas manam rimarinchu,
sasachakuyninkumantapas manam salvayta atinchu.
8Yaw, mana kasukuqkuna, kayta yuyariychik:
“Qamkunaqa rikchapakuspayá allinta yuyaymanariychik”.
9Ñawpaq tiempopi imakunam pasakusqantayá yuyariychik.
Ñoqallam Diosqa kani,
ñoqamanta hukqa manam kanchu.
Ñoqaqa Diosmi kani,
ñoqaman rikchakuqqa manam pipas kanchu.
10Ñawpaqmantaraqmi manaraq imapas pasakuchkaptin,
hamuq punchawkunapi imakunam pasakunanmanta willakuni.
Ñoqam nini: Tanteasqaykunaqa takyanqam,
tukuy munasqaykunatam ruwasaq, nispa.
11Intipa qespimunan lawpi kaq runatam qayaruni,
payqa anka hinam karumantaraq hamunqa,
ñoqapa munasqaytam ruwanqa.
Rimasqayman hinam ruwasaq,
Tanteasqayman hinam ruwasaq.
12Rumi sonqo runakuna uyariychik,
allin ruwaymanta karunchasqakuna uyariychik:
13Allin ruwayniykunam chayamuchkanña,
manam unamunqañachu.
Sionpi yachaqkunatam salvasaq,
Israel runaykunapim hatunchakusaq.
Currently Selected:
Isaías 46: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012