Oseas 8
8
Idolokuna yupaychaqkunata qaqchasqanmanta
1Trompetata tocay,
enemigom Tayta Diospa wasimpa contranpi anka hinaraq hamuchkan;
yachachikuyniykunata mana kasukuspanmi
pacto ruwasqayta llaqtay pakirun.
2Chaywanpas Israel runakunam qayakuwanqaku:
¡Diosniykupaqñam reqsikuykiku! nispanku.
3Israelpa mirayninkunam allin kaqta wischupakurunku,
chayraykum enemigonkuna qatikachanqa.
4Paykunaqa mana simiywanmi
reykunatapas churakurunku,
kamachiqninkunatapas
mana reqsisqay runakunatam churakuykunku;
puchukanankupaqmi qorimantawan qollqemanta
idolokunata ruwakurunku.
5Samaria llaqtapi yachaqkuna,
qori torillo idoloykichikta wischuychik,
qamkunapaqmi llumpa-llumpayta piñakuruni.
¿Haykapikamataq mana chuyanchakuy atiq kankichik?
6Yaw Israel,
Samariapi yupaychasqayki qori torilloqa manam dioschu,
chayqa runapa ruwasqallanmi;
chayraykum pasaypaq ñutusqa kanqa.
7Paykunaqa wayratam tarpurunku
ichaqa sinchi para wayratam cosechanqaku.
Wiñaq trigonkupas manam rurunqachu
chayraykum harinankupas manaña kanqachu,
trigota cosecharuptinkupas
huklaw llaqtayuq runakunam mikukunqaku.
8¡Israelmi mikusqa rikurirun!,
llapa nacionkunam mana valeqpaq qawaspanku
paymanta asikunqaku.
9Purun asno hinam Asiria nacionpi yanapakuyta maskanku,
Efrainqa regalokunata qosparaqmi
waynankunata maskakurun.
10Nacionkunaman chaynataq Asiriaman tributo qoyninkupas,
paykunataqa manam yanapanqachu,
paykunataqa huklaw nacionkunakama apachiptiymi,
reykunapa munaychakuqkunapa ñakarichisqan kanqaku
ichaqa manam unaychu ñakarinqaku.
11Efrainmi huchanta mayllananpaq
achkanpi altarkunata ruwakurun,
ichaqa chay altarkunam rikurirun
huchaman apaqninku altarkunaña.
12Sumaq kamachikuyniykunatam paykunaman qellqarqani,
paykunam ichaqa qepancharurqaku.
13Aychata mikunankuraykum
ofrendatawan sacrificiota kañapuwanku,
ichaqa ñoqa Tayta Diosmi chaytaqa mana chaskinichu.
Ñoqam llumpay hucha ruwasqankuta qawachkani,
chayraykum paykunataqa ñakarichisaq,
Egipto nacionmanmi esclavo kanankupaq kutichisaq.
14Israelmi unanchaqninta qonqaruspan palaciokunata ruwakurun,
Judapas murallasqa llaqtakunatam achkallataña hatarirachin,
ñoqam ichaqa palacionkunata ninawan kañasaq,
murallankunatapas ninawanmi uchpayachisaq.
Currently Selected:
Oseas 8: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Oseas 8
8
Idolokuna yupaychaqkunata qaqchasqanmanta
1Trompetata tocay,
enemigom Tayta Diospa wasimpa contranpi anka hinaraq hamuchkan;
yachachikuyniykunata mana kasukuspanmi
pacto ruwasqayta llaqtay pakirun.
2Chaywanpas Israel runakunam qayakuwanqaku:
¡Diosniykupaqñam reqsikuykiku! nispanku.
3Israelpa mirayninkunam allin kaqta wischupakurunku,
chayraykum enemigonkuna qatikachanqa.
4Paykunaqa mana simiywanmi
reykunatapas churakurunku,
kamachiqninkunatapas
mana reqsisqay runakunatam churakuykunku;
puchukanankupaqmi qorimantawan qollqemanta
idolokunata ruwakurunku.
5Samaria llaqtapi yachaqkuna,
qori torillo idoloykichikta wischuychik,
qamkunapaqmi llumpa-llumpayta piñakuruni.
¿Haykapikamataq mana chuyanchakuy atiq kankichik?
6Yaw Israel,
Samariapi yupaychasqayki qori torilloqa manam dioschu,
chayqa runapa ruwasqallanmi;
chayraykum pasaypaq ñutusqa kanqa.
7Paykunaqa wayratam tarpurunku
ichaqa sinchi para wayratam cosechanqaku.
Wiñaq trigonkupas manam rurunqachu
chayraykum harinankupas manaña kanqachu,
trigota cosecharuptinkupas
huklaw llaqtayuq runakunam mikukunqaku.
8¡Israelmi mikusqa rikurirun!,
llapa nacionkunam mana valeqpaq qawaspanku
paymanta asikunqaku.
9Purun asno hinam Asiria nacionpi yanapakuyta maskanku,
Efrainqa regalokunata qosparaqmi
waynankunata maskakurun.
10Nacionkunaman chaynataq Asiriaman tributo qoyninkupas,
paykunataqa manam yanapanqachu,
paykunataqa huklaw nacionkunakama apachiptiymi,
reykunapa munaychakuqkunapa ñakarichisqan kanqaku
ichaqa manam unaychu ñakarinqaku.
11Efrainmi huchanta mayllananpaq
achkanpi altarkunata ruwakurun,
ichaqa chay altarkunam rikurirun
huchaman apaqninku altarkunaña.
12Sumaq kamachikuyniykunatam paykunaman qellqarqani,
paykunam ichaqa qepancharurqaku.
13Aychata mikunankuraykum
ofrendatawan sacrificiota kañapuwanku,
ichaqa ñoqa Tayta Diosmi chaytaqa mana chaskinichu.
Ñoqam llumpay hucha ruwasqankuta qawachkani,
chayraykum paykunataqa ñakarichisaq,
Egipto nacionmanmi esclavo kanankupaq kutichisaq.
14Israelmi unanchaqninta qonqaruspan palaciokunata ruwakurun,
Judapas murallasqa llaqtakunatam achkallataña hatarirachin,
ñoqam ichaqa palacionkunata ninawan kañasaq,
murallankunatapas ninawanmi uchpayachisaq.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012