Oseas 7
7
1Israelta hampichkaptiymi
Efrainpa chaynataq Samariapa
mana allin ruwasqankuna rikuriramun.
Paykunaqa llapallankum llullakuspa suwakunku,
punchawpacham wasikunaman suwakuq yaykunku,
callepi purikuqkunatam imantapas suwanku.
2Manam musyankuchu
llapa mana allin ruwasqankuta yuyasqaytaqa,
mana allin ruwasqankuwanmi paykunaqa inturachikunku,
ñoqaqa rikuchkanim tukuy chaykuna ruwasqankutapas.
Reypa contranpi kamachikuqkuna tanteasqankumanta
3Mana allinta ruwaspankum reyninkuta kusichinku,
llullakunata rimaspankum kamachiqninkuta kusichinku.
4Llapallankum paykunaqa waqllikunku,
masa poqonankama tanta ruwaqpa
horno kañasqanmanraqmi rikchakunkupas.
5Reypa fiestan punchawpim llapa kamachikuqkuna
reyta llumpayta upyarachispa onqorachirqaku,
burlakuqnin runakunamanraqmi reyqa makintapas haywarirqa.
6Paykunaqa hawa sonqollam reymanpas asuykunku,
sonqonkupas rupachkaq horno hinaraqmi;
tutanpas mana samaykuspam paykunaqa
paqarinnintin imaynam rey tuñirachiyta tanteanku.
7Paykunaqa rupachkaq horno hinam
kamachiqninkunatapas mikurunku;
llapallan reyninkum wichirunku,
ichaqa manam mayqanninpas yanapakuyniyta mañakuwankuchu.
Diosmanta karunchakuruq runakunamanta
8Efrainmi huklaw nacionkunawan taqrukurun,
huklawllan chayasqa tortilla hinam rikurirun.
9Huklaw nación runakunam paykunapa kallpanta tukurun,
ichaqa manam musyakunkuchu;
umankupas soqoyarunñam
ichaqa manam musyakunkuchu.
10Israelpa hatun tukuyninmi
kikinpa contranpi rikurirun,
ichaqa manam Tayta Diosman kutirikunkuchu
nitaqmi maskankuchu.
11Efrainqa mana yuyayniyuq uma muyu paloma hinam rikurirun,
paykunaqa Egiptopa yanapakuynintam maskanku,
qaparkachaspam Asiriapa yanapakuyninta maskanku.
12Ichaqa chay nacionkunaman riptinkum
hawankuman mallayta wischuykusaq,
alton pawaq urpikunata hinam wichiykachimusaq,
paykunataqa mana allin ruwasqankuman hinam ñakarichisaq.
13¡Ay, imaynaraq kanqaku
ñoqamanta karunchakuq runakuna!
Contraypi hatarisqankuraykum puchukanqaku,
libraykuyta munaptiypas paykunaqa
contraypim llullallata rimanku.
14Paykunaqa manam sonqomantachu mañakuwanku,
aswanmi puñunankupi sirikuykuspa qaparkachanku.
Trigotawan vinota chaskinankuraykum cuerponkuta kuchukunku
hinaspam contraypi hatarinku.
15Ñoqam paykunataqa kallpanchaspay yachachirqani,
ichaqa paykunam contraypi tukuy mana allinkunata tantearqaku.
16Paykunaqa manam Tayta Diosmanchu kutirikurqaku,
aswanqa idolonkumanmi;
paykunaqa mana imapaq serviq flecha hinam kachkanku,
kamachiqninkunapas hatun tukuspa rimasqankuraykum
guerrapi wañunqaku,
Egipto nacionpim paykunamantaqa asikunqaku.
Currently Selected:
Oseas 7: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Oseas 7
7
1Israelta hampichkaptiymi
Efrainpa chaynataq Samariapa
mana allin ruwasqankuna rikuriramun.
Paykunaqa llapallankum llullakuspa suwakunku,
punchawpacham wasikunaman suwakuq yaykunku,
callepi purikuqkunatam imantapas suwanku.
2Manam musyankuchu
llapa mana allin ruwasqankuta yuyasqaytaqa,
mana allin ruwasqankuwanmi paykunaqa inturachikunku,
ñoqaqa rikuchkanim tukuy chaykuna ruwasqankutapas.
Reypa contranpi kamachikuqkuna tanteasqankumanta
3Mana allinta ruwaspankum reyninkuta kusichinku,
llullakunata rimaspankum kamachiqninkuta kusichinku.
4Llapallankum paykunaqa waqllikunku,
masa poqonankama tanta ruwaqpa
horno kañasqanmanraqmi rikchakunkupas.
5Reypa fiestan punchawpim llapa kamachikuqkuna
reyta llumpayta upyarachispa onqorachirqaku,
burlakuqnin runakunamanraqmi reyqa makintapas haywarirqa.
6Paykunaqa hawa sonqollam reymanpas asuykunku,
sonqonkupas rupachkaq horno hinaraqmi;
tutanpas mana samaykuspam paykunaqa
paqarinnintin imaynam rey tuñirachiyta tanteanku.
7Paykunaqa rupachkaq horno hinam
kamachiqninkunatapas mikurunku;
llapallan reyninkum wichirunku,
ichaqa manam mayqanninpas yanapakuyniyta mañakuwankuchu.
Diosmanta karunchakuruq runakunamanta
8Efrainmi huklaw nacionkunawan taqrukurun,
huklawllan chayasqa tortilla hinam rikurirun.
9Huklaw nación runakunam paykunapa kallpanta tukurun,
ichaqa manam musyakunkuchu;
umankupas soqoyarunñam
ichaqa manam musyakunkuchu.
10Israelpa hatun tukuyninmi
kikinpa contranpi rikurirun,
ichaqa manam Tayta Diosman kutirikunkuchu
nitaqmi maskankuchu.
11Efrainqa mana yuyayniyuq uma muyu paloma hinam rikurirun,
paykunaqa Egiptopa yanapakuynintam maskanku,
qaparkachaspam Asiriapa yanapakuyninta maskanku.
12Ichaqa chay nacionkunaman riptinkum
hawankuman mallayta wischuykusaq,
alton pawaq urpikunata hinam wichiykachimusaq,
paykunataqa mana allin ruwasqankuman hinam ñakarichisaq.
13¡Ay, imaynaraq kanqaku
ñoqamanta karunchakuq runakuna!
Contraypi hatarisqankuraykum puchukanqaku,
libraykuyta munaptiypas paykunaqa
contraypim llullallata rimanku.
14Paykunaqa manam sonqomantachu mañakuwanku,
aswanmi puñunankupi sirikuykuspa qaparkachanku.
Trigotawan vinota chaskinankuraykum cuerponkuta kuchukunku
hinaspam contraypi hatarinku.
15Ñoqam paykunataqa kallpanchaspay yachachirqani,
ichaqa paykunam contraypi tukuy mana allinkunata tantearqaku.
16Paykunaqa manam Tayta Diosmanchu kutirikurqaku,
aswanqa idolonkumanmi;
paykunaqa mana imapaq serviq flecha hinam kachkanku,
kamachiqninkunapas hatun tukuspa rimasqankuraykum
guerrapi wañunqaku,
Egipto nacionpim paykunamantaqa asikunqaku.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012