Gálatas 6
6
Yanapanakuymanta
1Wawqe-panillaykuna, pipas huchallikuruptinqa, Espirituman hina kawsaqkunayá Diosman kutirikunankupaq yanapaychik. Chaytaqa llampu sonqollawanyá ruwaychik, kikikitayá qawarikuy, yanqañataq qampas tentasqa kawaq. 2Ima sasachakuynikichik kaptinpas yanapanakuspayá, Jesucristopa kamachikuyninta ruwayman churaychik.
3Sichum pipas mana imapas kachkaspa hatun tukuspanqa kikillantam engañakuchkan. 4Sapakamam kikinpa vidanta qawakunan. Sichum allin kaspaqa kikillanpaqcha allin, manam hukpa vidanwanqa tupachikunmanchu. 5Imaynam kawsasqanmantaqa sapakamam Diosman cuentata qonqa.
6Diospa palabran chaskiqkunaqa yachachiqnintam imallawanpas yanapananku.
7Amayá qamkunaqa engañakuychikchu, Diostaqa manam pipas burlakunmanchu, runaqa imapas tarpusqantam cosechanqa. 8Aychapa munasqallan tarpuqqa aychaman hinallam wañuyta cosechanqa. Chuya Espirituman hina tarpuqmi ichaqa, Chuya Espirituman hina wiñay kawsayta cosechanqa. 9Chaynaqa, imapas allin ruwaytaqa amayá amirusunchu, mana amiruspaqa tiempo chayaramuptinmi cosechata hina premiota chaskisunchik. 10Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.
Pablopa kunasqankunamanta
11Qawaychikyá, mayna hatun letrakunawanmi kikiypuni qellqamuchkaykichik. 12Sichum pipas señalachikuychik nisuspaykichikqa, runakunawan allin lloqsiyta munaspam obligasuchkankichik, chaynapi Jesucristoqa cruzpi wañusqanmanta willakuspa mana qatikachasqa kanankupaqmi. 13“Señalachikuychik” niqkunapas leypa lliw nisqankunataqa manam cumplinkuchu, señalachikunaykichiktaqa munachkanku cuerpoykichikpi kaq señalmanta alabakunankupaqmi. 14Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chaynataqmi ñoqatapas kay pachapi mana allin ruwaykunaqa wañusqata hinaña saqeruwan. 15Jesucristopiqa qari kayninpi señalasqa kaypas otaq mana señalasqa kaypas manam valenchu, musoq runaña kaymi valenqa. 16Haykam yachachisqayman hina puriqkunatawan Diospa llaqtan Israeltam nimuykichik: Diospa kuyapayakuyninwan hawkayayninyá qamkunapaq kachun.
17Kunanmanta qepamanqa ama pipas sasachakuyta apamuwachunchu, ñoqaqa Señor Jesucristopa marcantam cuerpoypi apachkani.
18Wawqe-panillaykuna, Señorninchik Jesucristoyá llapallaykichikman kuyakuyninta sonqoykichikman chaqchurimuchun. Amén.
Currently Selected:
Gálatas 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
