Ezequiel 48
48
Israel ayllukuna allpata partenakusqankumanta
1Kaykunam chay chunka iskayniyuq ayllukunapa sutin: Norte lawpi qallarispam Hetlón, Hamat, Hazar-enán lawninta Damasco llaqtapa allpanpa patanta Hamat lawkama, intipa qespimunan lawmanta intipa seqaykunan lawkama Dan ayllupa allpan kanqa.
2Danpa qatiqninmanmi, intipa qespimunan lawmanta Mediterráneo lamar qochapa patankama Aser ayllupa allpan kanqa.
3Aserpa qatiqninmanmi, intipa qespimunan lawmanta Mediterráneo lamar qochapa patankama Neftalí ayllupa allpan kanqa.
4Neftaliypa qatiqninmanmi, intipa qespimunan lawmanta Mediterráneo lamar qochapa patankama Manasés ayllupa allpan kanqa.
5Manasespa qatiqninmanmi, intipa qespimunan lawmanta Mediterráneo lamar qochapa patankama, Efraín ayllupa allpan kanqa.
6Efrainpa qatiqninmanmi, intipa qespimunan lawmanta Mediterráneo lamar qochapa patankama, Rubén ayllupa allpan kanqa.
7Rubenpa qatiqninmanmi, intipa qespimunan lawmanta Mediterráneo lamar qochapa patankama, Judá ayllupa allpan kanqa.
Tayta Diospaq sapaqchasqanku allpamanta
(Ez 45.1-6)
8Judapa qatiqninmanmi, intipa qespimuna lawmanta intipa seqaykunan lawkama ñoqa Tayta Diospa allpay kanqa. Anchonmi kanqa chunka iskayniyuq kilómetro parten, largonñataqmi kanqa intipa qespimunan lawmanta intipa seqaykunan lawkama wakin ayllukunapa allpan sayayniyuqlla. Chay allpapa chawpinpim temploy kanqa.
9Chay allpapim ñoqa Tayta Diospaq allpata sapaqchapuwankichik. Largonmi kanqa chunka iskayniyuq kilómetro parten, anchonñataqmi chunka kilómetro kanqa. 10Chay allpapim sacerdotekunapaq allpata sapaqchankichik. Largonmi kanqa chunka iskayniyuq kilómetro parten, anchonñataqmi kanqa pichqa kilómetro. Chay allpapa chawpinpim temploy kanqa.
11Chay allpam kanqa Sadocpa mirayninmanta kaq ñoqallapaqña sapaqchakuq sacerdotekunapaq; paykunam temploypi serviwarqaku, llapa levitakuna hina Israelpa mirayninkunapas ñoqamanta karunchakuruptinku. 12Chayraykum ñoqallapaqña sapaqchasqaykichik allpapi, levitakunapa allpanpa waqtanpi, llapa sacerdotekunapa allpan kanqa, chayqa ñoqapaq sapaqchasqam kanqa.
13Sacerdotekunapa allpanpa waqtanpim, levitakunapa allpan kanqa, largonmi kanqa chunka iskayniyuq kilómetro parten, anchonñataqmi kanqa pichqa kilómetro. Chaynaqa, ñoqapaq sapaqchasqaykichik allpapa largonmi kanqa chunka iskayniyuq kilómetro parten, anchonñataqmi kanqa chunka kilómetro. 14Chay allpam kay nacionpi allpakunamanta allinnin kanqa. Chay allpaqa manam rantikusqachu nitaqmi cambiasqachu kanqa, ñoqa Tayta Diosllapaqña sapaqchasqa kasqanrayku.
15Chunka iskayniyuq kilómetro largoyuq chaynataq iskay kilómetro parten anchoyuq puchuq allpam ichaqa mana ñoqapaq sapaqchasqachu kanqa. Chaypiqa runakunam yachanqaku, chaypitaqmi animalkunapa echaderonpas kanqa. Chay allpapa chawpinpim llaqta kanqa.
16Chay llaqtapa sayayninqa tawan lawninmi kanqa iskay kilómetro iskay pachak pichqa chunka metroyuqkama. 17Chay llaqtapa muyuriqninpim echaderokuna kanqa. Chay echaderokunaqa tawan lawmanmi kanqa pachak iskay chunka pichqayuq metro anchoyuqkama.
18Llaqtapa waqtanpi hinaspa ñoqa Tayta Diospa sapaqchasqa allpapa waqtanpim puchuchkan, intipa qespimunan lawman pichqa kilómetro largoyuq allpa, intipa seqaykunan lawmanpas pichqa kilometrotaq. Chay allpakunapim tarpunqaku llaqtapi llamkaq runakuna mikunanpaq. 19Llaqtapi llamkaqkunaqa kanqa Israel ayllukunamanta kaqkunallam.
20Chaynaqa, ñoqapaq sapaqchasqanku allpawan llaqtapaq sapaqchasqanku allpam kanqa tawan lawninman chunka iskayniyuq kilómetro parten sayayniyuqkama.
Kamachikuqpa allpankunamanta
(Ez 45.7-8)
21Kamachikuqpa allpanmi kanqa Judá ayllupa chaynataq Benjamín ayllupa chawpinpi puchuq allpa, otaq ñoqallapaqña sapaqchasqanku allpapa chaynataq llaqtapaq sapaqchasqanku allpapa kaylaw-waklaw waqtanpi puchuq allpakuna. Chay allpapa sayayninmi kanqa chunka iskayniyuq kilómetro parten; intipa qespimunan lawmanta chutarikuspanmi intipa seqaykunan lawman lamar qochapa patankama chayanqa. 22Chay allpapa chawpinpim qepanqa ñoqapaq sapaqchasqa allpa, levitakunapa allpan chaynataq llaqtapaq sapaqchasqa allpapas.
Wakin ayllukunapa allpanmanta
23-27Wakin ayllukunapa allpanpas kaynam kanqa: Intipa qespimunan lawmanta qallaykuspam intipa seqaykunan lawpi Mediterráneo lamar qochakama chutarikunqa. Norte lawmanta qallaykuspam sur lawman puntata kanqa Benjamín ayllupa allpan, qepanmanñataqmi qatinqa Simeonpa, Isacarpa, Zabulonpa hinaspa Gadpa allpankuna.
28Gad ayllupa allpanpa sur lawman linderonmi Tamar lawpi qallaykunqa, chaymantam yakupa kanan Meriba-cades lawninta chutarikuspa Egipto wayqontakama Mediterráneo lamar qochakama chayanqa.
29Chay allpatam Israelpa mirayninkuna herencianku kananpaq chaskinqaku; chaynatam partenakunkichik. Ñoqa Tayta Diosmi chaynata nini.
Jerusalén llaqtapa punkunkunamanta
30 #
Ap 21.12-13. Llaqtapa punkunkunapas kaynam kanqa: Chay llaqtaqa tawan lawmanmi iskay kilómetro iskay pachak pichqa chunka metro largoyuqkama kanqa.
31Llaqtapa punkunkunaqa Israel ayllukunapa sutinwan sutichasqam kanqa. Norte lawmanmi kimsa punkukuna kanqa, chay punkukunapa sutinmi kanqa Rubén, Judá hinaspa Leví. 32Intipa qespimunan lawman kimsa punkukunapa sutinmi kanqa José, Benjamín hinaspa Dan. 33Sur lawman kimsa punkukunapa sutinmi kanqa Simeón, Isacar hinaspa Zabulón. 34Intipa seqaykunan lawman kimsa punkukunapa sutinñataqmi kanqa Gad, Aser hinaspa Neftalí. 35Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: #48.35 Hebreo simipi Jehová-sama ninanqa “Tayta Diosmi kaypi yachan” ninanmi.“Jehová-sama”.
Currently Selected:
Ezequiel 48: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
