Éxodo 33

Ñawpaqman rinankupaq Diospa kamachisqanmanta

1 # Gn 12.7. # Gn 26.3. # Gn 28.13. Moisestam Tayta Dios nirqa:

“Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq. 2Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq. 3Llapa imakunapa kanan chaynataq lliw kawsaykunapa qespinan allpaman riychik. Ñoqam ichaqa manaña qamkunawan riymanñachu, yanqam rumi sonqo kasqaykichikrayku risqaykichikpi wañurachikichikman”, nispa.

4Chay mana allin noticiata uyariruspankum llapa runakuna alhajankutapas hurqokuspanku llakisqallaña karqaku. 5Tayta Diosmi Moisesta nirqa, Israelpa mirayninkunata kaynata ninanpaq:

Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichikmanmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

6Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Diosman asuykunanku carpamanta

7Moisesmi carpata campamentomanta karupi sayachirqa, hinaspam “Diosman asuykuna carpa” nispa suticharqa. Chaymi pipas Tayta Diosta maskay munaqqa campamentopa hawa lawninpi Diosman Asuykuna carpaman riq. 8Diosman asuykuna carpaman Moisés riptinmi lliw runakunañataq carpankupa punkunpi sayarqaku. Carpaman yaykunankamam Moisesta qawarqaku. 9Carpaman Moisés yaykuptinmi sayanpa puyu uraykamuspan carpapa punkunpi sayaykuq, chaynapim Moiseswan Tayta Dios rimaq. 10Carpapa punkunpi sayaq puyuta qawaspankum llapa runakuna hatariqku, hinaspam sapakama carpankupa punkunpi qonqorakuykuspa yupaychaqku. 11Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisés campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Diospa uyanta Moisés rikuykuy munasqanmanta

12Moisesmi Tayta Diosta nirqa:

Qanmi niwachkanki: “Kay runakunata pusay”, nispa; ichaqa manam reqsichiwankichu pim ñoqawan rinantapas. Qamqa niwankitaqmi allinta reqsiwaspayki kuyapayawasqaykitapas. 13Chayna kaptinqa mañakuykim munasqaykita yachachiwanaykipaq, chaynapi qamta reqsinaypaq hinaspa yanapakuynikita tarinaypaq. Amayá qonqaychu kay runakunaqa qampa runaykikuna kasqanta, nispa.

14Chaymi Dios nirqa:

Ñoqam qanwan risaq hinaspam samachisqayki, nispa.

15Hinaptinmi Moisés nirqa:

Kikiki ñoqaykuwan mana rispaykiqa amayá kaymanta hurqowaykuchu. 16Ñoqaykuwan mana riptikiqa ¿imaynataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

17Chaymi Tayta Dios nirqa:

Kay nisqaykitapas ruwasaqmi, favorniy qanwan kasqanraykum ñoqaqa sumaqta reqsiki, nispa.

18Hinaptinmi Moisés nirqa:

Kanchariq kaynikita qawaykachiway, nispa.

19 # Ro 9.15. Chaymi Tayta Dios nirqa:

“Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq. 20Uyaytam ichaqa mana rikuwankichu, pipas rikuwaqniy runaqa manam kawsanmanchu”, nispa. 21Huktawanmi Tayta Dios nirqa: Kay waqtaypi lugarta qaway, kay hatun rumipa hawanpi sayay 22kanchayniy ñawpaqnikita pasanankama, hinaptinmi hatun rumipa raqranman churasqayki, hinaspam pasarunaykama makiywan pakasqayki. 23Hinaptinmi makiyta suchuriykachiptiy wasayta rikunki, uyaytam ichaqa mana rikunkichu, nispa.

Currently Selected:

Éxodo 33: RCHQ2

Highlight

Copy