Éxodo 27

Ofrendakunata kañanapaq bronce altarmanta

(Ex 38.1-7)

1Huk cuadrado altartam acacia tablamanta ruwanki, largonpas anchonpas iskay metro cuartonmi kanqa, sayayninñataqmi huk metro cuarton. 2Chay altarpa tawan esquinanpim waqrachakunata ruwanki; altarwan waqrachakunaqa huk piezallamantam kanqa. Chay altartam broncewan llusinki. 3Ruwankitaqmi uchpa hoqarina mankankunatapas, palakunatapas, tazonninkunatapas, trinchenkunatapas hinaspa ninapaq kallanankunatapas. Chay serviciokunaqa lliwmi broncemanta kanqa. 4Ruwankitaqmi broncemanta rejillantapas, chay rejillapa tawan patanpim broncemanta tawa anillokunata ruwanki. 5Chay rejillatam altar ukupi chakanki, chaynapim chay rejillaqa altarpa chawpinpi chakarayanqa. 6Chay altarpaqmi acacia kaspimanta tawa varillakunata ruwanki, chaykunatam broncewan llusinki. 7Chay varillakunatam altarpa iskay lawninpi anillokunapa chawpinta pasachinki, hinaptinmi chaykunaqa kanqa apanankupaq. 8Altarpa ukunqa uchkum kanqa, waqtankunañataqmi tablamanta. Imaynam orqopi qawachisqayman hinam ruwanki.

Carpapa muyuriqninpi patiomanta

(Ex 38.9-20)

9Ruwankitaqmi carpapa pationtapas. Chay patiopa alleq lawninpi cortinankunam kawpusqa linomanta kanqa, tawa chunka pichqayuq metro largoyuq. 10Iskay chunka pilarninkunawan iskay chunka tiyanankunaqa broncemantam kanqa. Pilarkunapa ganchonkunawan varillankunañataqmi qollqemanta kanqa. 11Patiopa ichoq lawninpi cortinakunapa largonmi tawa chunka pichqayuq metro kanqa. Iskay chunka pilarninkunawan iskay chunka tiyanankunapas broncemantam kanqa; pilarkunapa ganchonkunawan varillankunapas qollqemantam kanqa. 12Carpapa qepa lawnin otaq intipa seqaykunan law pationmi kanqa iskay chunka iskayniyuq metro parten anchoyuq, chayna medidayuqllam cortinankunapas kanqa; pilarninkunapas kanqa chunkam, chaykunam toqoyuq chunka tiyanankunapi tiyanqa. 13Carpapa ñawpaqnin otaq intipa qespimunan law patiopa anchonpas iskay chunka iskayniyuq metro partenmi kanqa. 14Punkupa huknin waqtanmi yaqa qanchis metro cortinayuq hinaspa kimsa pilarniyuq kanqa, chay kimsa pilarninkunam kimsa tiyanakunapi tiyanqa. 15Punkupa huklawnin waqtanpas qanchis metro cortinayuq hinaspa kimsa pilarniyuqmi kanqa, chay kimsa pilarninkunapas toqoyuq kimsa tiyanakunapim tiyanqa. 16Patioman yaykunapim huk cortina isqon metro largoyuq kanqa, chay cortinaqa morado qaytumanta, grosella qaytumanta hinaspa guindo qaytumantam kanqa hinaspa kawpusqa linomanta suma-sumaq bordasqam kanqa. Pilarninkunawan tiyanan toqokunapas tawam kanqa. 17Patiopa muyuriqninpi llapallan pilarkunapa anillonkunawan ganchonkunam qollqemanta kanqa, toqoyuq tiyanankunañataqmi broncemanta kanqa. 18Patiopa largonmi tawa chunka pichqayuq metro kanqa, anchonñataqmi iskay chunka iskayniyuq metro parten kanqa, sayayninmi iskay metro cuarton kanqa; cortinankunapas kawpusqa linomantam kanqa, toqoyuq tiyanankunañataqmi broncemanta kanqa. 19Carpapi servikunanpaq llapallan serviciokunaqa broncemantam kanqa, carpapa llapallan estacankunawan patiopa llapallan estacankunapas broncemantam kanqa.

Mecherokunapaq aceitemanta

(Lv 24.1-4)

20Israelpa mirayninkunata kamachiy achkikunapaq fino aceiteta apamunankupaq, chayqa kutasqa aceitunasmanta preparasqam kanqa, chaynapim mecheroqa mana tukuyta ratanqa. 21Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Currently Selected:

Éxodo 27: RCHQ2

Highlight

Copy