Éxodo 26

Diospa carpanmanta

(Ex 36.8-38)

1Huk #26.1 Carpaqa karqa Tabernáculo otaq Santuariom.carpatam chunka cortinakunamanta ruwanki, chay cortinakunam kanqa kawpusqa linomanta chaynataq morado, grosella hinaspa guindo qaytumanta. Chay cortinapim iskay querubinkunata suma-sumaqta bordachinki. 2Sapa cortinapa largonmi kanqa chunka iskayniyuq metro parten, anchonñataqmi kanqa iskay metro. Llapan cortinakunam chayna sayayniyuqkamalla kanqa. 3Pichqa cortinakunatam sapakamata tinkispa siranki, chaynallatam wakin pichqa cortinakunatapas siranki. 4Hinaspam cordonmanta ojalkunata chay tinkisqa cortinakunapa patanpi churanki, chay ojalqa kanqa morado qaytumantam, chaynallatam wakin cortinakunapipas churanki. 5Ruwankitaqmi pichqa chunka ojalkunatapas, chaykunatam churanki tinkispa sirasqayki punta kaq cortinapa patanpi, chaynallatam qepata tinkispa sirasqayki cortinawanpas ruwanki; chay ojalkunaqa chimpa-chimpam kanqa. 6Ruwankitaqmi qorimanta pichqa chunka corchetekunatapas, chaykunawanmi punta kaq tinkinasqayki cortinata qepata tinkinasqayki cortinaman hukllawanki, hinaptinmi chay cortinakuna hukllaña kanqa.

7Ruwankitaqmi cabrakunapa pelonmanta chunka hukniyuq cortinakunatapas, chaykunam chay carpapa qatan kanqa. 8Chay cortinakunapa largonmi kanqa chunka kimsayuq metro parten, anchonñataqmi iskay metro kanqa. 9Pichqa cortinatam tinkinaspa siranki, puchuq soqta cortinakunatapas tinkinaspam chaynallata siranki; hinaspam qepa kaq sirasqayki cortinapa masyaqninta carpapa ñawpaqnin law patanman pataraykunki. 10Ruwankitaqmi pichqa chunka ojalkunatapas, hinaspam pichqata tinkinaspa puntata sirasqayki cortinakunapa patanpi churanki, chaynallatam ruwanki soqtata tinkinaspa sirasqayki cortinawanpas. 11Ruwankitaqmi broncemanta pichqa chunka corchetekunatapas, chaykunawanmi ojalkunata hapichinki, chaymi iskaynin hukllaña kanqa. 12Carpapa cortinankunaqa hatun kasqanraykum puchuqnin carpapa qepan lawman warkurayanqa; 13carpapa alleq lawninmanmi parte metro warkurayanqa, ichoq lawninmanñataqmi parte metrotaq warkurayanqa, chaynapim chay carpata iskaynin lawta tapanqa.

14Ruwankitaqmi carneropa qalasninmanta pukaman teñisqa qatatapas, chaypa hawanpaqpas fino qalaskunamantam huk qatata ruwanki.

15Chay carpapaqmi acacia sutiyuq derecho tablakunamanta sayaq marconkunata ruwanki. 16Sapa marcopa largonmi tawa metro parten kanqa, anchonñataqmi parte metro masnin kanqa. 17Marcopura tupanachisqa kananpaqmi, sapa marcopa iskay espigankuna kanqa. Chaynatam ruwanki carpapa llapallan marconkunapi. 18Iskay chunka marcokunatam ruwanki carpapa sur lawninpaq. 19Ruwankitaqmi qollqemanta toqoyuq tawa chunka tiyanakunatapas, iskay toqom huknin marcopa iskay espigankunapaq kanqa, iskay toqoñataqmi huknin marcopa iskay espigankunapaq kanqa.

20Chay carpapa norte lawninpaqpas iskay chunka marcokunatam ruwanki. 21Chay marcokunapaqpas qollqemantam tawa chunka tiyanankunata ruwanki iskay toqoyuqtakama, sapa marco iskay toqopi tiyananpaq. 22Carpapa qepa lawninpaqmi otaq intipa seqaykunan lawninpaqmi soqta tablakunata ruwanki. 23Carpapa qepa law esquinankunapaqñataqmi iskay tablakunata ruwanki. 24Chay tablakunam huklla kananpaq pampanmanta alton puntankama huk anillowan tinkinasqa kanqa. Chaynallatam iskay tablakunawanpas ruwanki hinaspam iskaynin esquinakunaman churanki. 25Chay pusaq tablakunam qollqemanta chunka soqtayuq toqokunapi tiyanqa, iskay toqom sapa tabla tiyananpaq kanqa.

26Carpapa waklaw waqtanpi tablakunapaqmi pichqa listonkunata ruwanki, chay listonkunaqa acacia sachamantam kanqa. 27Kaylaw waqtanpi tablakunapaqpas chayna pichqa listonkunatam ruwanki, hina chayna pichqa listonkunatataqmi qepa lawninpi otaq intipa seqaykunan lawninpi tablankunapaqpas ruwanki. 28Chawpipi kaq listonmi tablakunapa chawpinta pasanqa kaylaw patanmanta waklaw patankama. 29Chay tablakunatam qoriwan llusinki, hinaspam qorimanta anillonkunata ruwanki, chayninta qerukuna pasananpaq, listonkunatapas qoriwanmi llusinki. 30Carpataqa sayachinki imaynam Sinaí orqopi qawachisqayman hinam.

31Ruwankitaqmi huk #26.31 Veloqa carpata iskayman rakinaqmi.velotapas, chaytaqa ruwanki morado qaytumanta, grosella qaytumanta hinaspa kawpusqa lino qaytumantam, hinaspam iskay querubinkunata bordachinki. 32Chay velotam warkunki acacia kaspimanta qoriwan llusisqa tawa pilarkunaman. Chay pilarkunaqa qorimanta ganchoyuqmi kanqa, sayanqakuñataqmi qollqemanta toqoyuq tawa tiyanakunapi. 33Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa. 34Chunkantin kamachikuyniy waqaychana Arcapa hawanmanmi tapata churanki, chaytaqa “Chuyay-chuyay” sutiyuq lugarpim churanki. 35Chay velopa ñawpaqninpim otaq “Chuya” sutiyuq lugarpa norte lawninpim mesata churanki, sur lawninpiñataqmi Candelabrota churanki; chaynapim mesawan candelabro chimpa-chimpa kanqaku. 36Carpapa punkunpaqñataqmi suma-sumaq bordasqa telamanta ruwanki; chay telataqa ruwanki morado, grosella, guindo qaytumantam hinaspa kawpusqa linomantam. 37Chay telapaqmi acacia qerumanta pichqa pilarkunata ruwanki, chaykunaqa qoriwan llusisqam kanqa hinaspa qorimanta ganchoyuqmi kanqa, chay pilarkuna tiyananpaqmi bronceta chulluchispa pichqa toqoyuq tiyanakunata ruwanki.

Currently Selected:

Éxodo 26: RCHQ2

Highlight

Copy