Deuteronomio 26
26
Primiciakunamanta
1Señornikichik Tayta Diospa qosunaykichik allpaman yaykuspa chaypiña yachaspaykichikqa, 2#Ex 23.19.chay allpapi tarpusqaykichikpa punta rurunkunatam Señornikichik Tayta Diospa santuarionman canastapi apankichik. 3Chaypim servikuq sacerdoteman asuykuspa ninkichik: “Señorniki Tayta Diospa qayllanpim kunan niki ñawpaq taytanchikkunaman prometesqan allpapiña kasqayta”, nispa. 4Sacerdoteñataqmi canastata chaskiykususpaykichik Señornikichik Tayta Diospa altarninpa ñawpaqninman churanqa. 5Qamkunañataqmi Tayta Diospa qayllanpi ninkichik:
“Ñawpaq taytaykuqa karqaku Aram lawmanta kaq as runakunallam. Paykunam mana allpayuq hina purispanku Egipto nacionman ripukurqaku, hinaspam atiyniyuq llaqta chaynataq achka runayuq kanankukama mirarurqaku. 6Egipto nacionniyuq runakunam ichaqa maqawaspanchik ñakarichiwarqanchik, mana llakipayarispam servichikuwarqanchik. 7Chaymi Tayta Diosta, ñawpaq taytanchikkunapa Diosninta mañakuptinchik uyariykuwarqanchik, hatun llakikuypi kasqanchiktapas, tukuy imapi llamkasqanchiktawan ñakarichiwasqanchiktapas qawarqam. 8Chaymi hatun atiyninwan, manchakuypaq señalkunawan chaynataq admirakuypaq milagrokunawan Egiptomanta hurqomuwarqanchik, 9hinaspam kayman pusamuwaspanchik tukuy imapapas kanan chaynataq tukuy imapapas qespinan allpata qoykuwanchik. 10Chayraykum kunan Tayta Diospa qowasqan allpapa punta rurunkunata apamuni”, nispa.
Hinaspam Señornikichik Tayta Diospa qayllanpi canastata churaykuspa qonqorakunkichik. 11Chaymantam Señornikichik Tayta Diospa tukuy allinkuna qosusqaykichikmanta aylluykichikkunapiwan fiestata ruwankichik. Qamkunawan yachaq levitakunapas chaynataq huklaw llaqtayuqkunapas qamkunawan kuskam kusikunqaku.
Diezmokunamanta
12 #
Dt 14.28-29. Sapa kimsa watamantam lliw cosechasqaykimanta diezmoykita rakispa, Leví castakunaman, qamkunawan yachaq huklaw llaqtayuqkunaman, mana tayta-mamayuqkunaman chaynataq viudakunaman qonki; chaynapim llaqtaykipi saksanankukama mikunqaku. 13Chaykunata qospaykim Señorniki Tayta Diospa qayllanpi ninki:
“Cosechasqaykunamanta sapaqchasqay diezmoykunatam wasiymanta hurqospay, levitakunaman, llaqtaypi yachaq huklaw llaqtayuqkunaman, mana tayta-mamayuqkunaman chaynataq viudakunaman aypurqani; chaynatam kamachiwasqaykita ruwarqani, mana qonqaspaymi kasukurqani. 14Sapaqchasqay diezmokunamantaqa, ima llakipiña kaspaypas chaynataq qanman mana asuykamunaypaq hina kaspaypas manam mikukurqanichu, manataqmi wañuqkunamanpas ofrecerqanichu. Yupaychasqay Dios Taytalláy, tukuy kamachiwasqaykita kasukuspaymi ruwarqani. 15Yachasqayki hanaq pachamanta qawarimuspaykiyá, Israelpa mirayninkunatawan qowasqaykiku tukuy imapa kasqan chaynataq tukuy imapa qespinan allpata bendeciykuy, ñawpaq taytaykuman prometesqaykiman hina”, nispa.
Israelpa mirayninkuna Tayta Diospaq sapaqchasqa kasqankumanta
16Señorniki Tayta Diosmi kunan kamachisunki kay kamachikuykunatawan kay yachachikuykunata ruwayman churanaykipaq. Chaynaqa, tukuy sonqoykiwan hinaspa tukuy yuyaynikiwanyá kasukuy. 17Kunanmi Tayta Diosqa Diosniki kasqanta nirunki. Prometekurunkitaqmi paypa munasqanman hina kawsaspa yachachikuyninkunata, kamachikuyninkunata hinaspa decretonkunata wiñaypaq kasukuspa ruwanaykipaqpas. 18#Ex 19.5; Dt 4.20; 7.6; 14.2; Tit 2.14; 1 Pe 2.9.Israel llaqta, kunanmi Tayta Dios nisunkichik qamkunaqa llaqtanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik. 19Paymi wakin nacionkuna hatarichisqanmantapas ancha reqsisqata chaynataq allin qawasqata ruwasunkichik. Chaymi Señornikichik Tayta Diospa nisqanpi hina payllapaqña sapaqchasqa kankichik.
Currently Selected:
Deuteronomio 26: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
