Deuteronomio 11
11
Tayta Diosqa ancha hatun kasqanmanta
1Señornikichik Tayta Diostayá kuyaychik, hinaspayá kamachikuyninkunata, estatutonkunata, decretonkunata, yachachikuyninkunata tukuy tiempo kasukuychik. 2Tayta Diospa corregisusqaykichikta reqsikuychik, chaykunataqa manam churikichikkunaqa yachankuchu nitaqmi rikurqakuchu. Tukuy atiyninwan ruwasqankunata hinaspa hatun kaynintayá yuyariychik, 3#Ex 7.8—12.13.yuyariychiktaqyá Egiptopi rey Faraonpa contranpi chaynataq allpanpa contranpi admirakuypaq kaqkuna ruwasqantapas, 4#Ex 14.28.chaynataq tropankunapa, caballonkunapa, carretankunapa contranpi peleaspan qamkunata qatimusuchkaptikichik imaynam Puka lamar qochawan pamparachisqantapas, chaynatam paykunataqa Tayta Dios wiñaypaq chinkarachirqa. 5Yuyariychiktaqyá kayman chayamunaykichikkama chunniqpi tukuy ima ruwasqantawan. 6#Nm 16.31-32.Rubén ayllumanta kaq Eliabpa churin Datantawan Abiramta, Israel miraykunapa chawpinmanta aylluntinta, animalnintinta chaynataq tukuy imankunatawan kuskata allpa kichakuykuspan millpurusqantapas. 7Qamkunam testigo kankichik Tayta Diospa admirakuypaq kaqkuna ruwasqankunamantaqa.
Canaán allpapi bendecisqa kanankumanta
8Kunan willasqay llapallan kamachikuykunata kasukuychik, chaynapi kallpanchakuspa qosusqaykichik allpaman yaykunaykichikpaq, 9hinaspa chay allpapi unay watakuna kawsanaykichikpaq. Chay allpatam ñawpaq taytaykichikkunaman hinaspa paykunapa mirayninkunaman qonanpaq Tayta Dios prometekurqa, chay allpaqa tukuy imapa qespinan hinaspa tukuy imapa kanan allpam. 10Chay yaykunaykichik allpaqa manam lloqsimusqaykichik Egipto nacionpi allpa hinachu. Chay Egipto nacionpiqa muhuta tarpuruspapas yaqa yuyu huertakunata hinam chakikichikwan parqorqankichik. 11Chay allpaqa orqo kaspapas qechwa kaspapas parapa chayanan allpam. 12Kikin Señornikichik Tayta Diosmi chay allpataqa nanachikun, chay allpataqa watapa qallariyninmanta tukupayninkamam qawachkan.
13Sichum kunan punchawpi qosqay kamachikuykunata kasukunkichik hinaspa Señornikichik Tayta Diosta kuyaspaykichik tukuy sonqoykichikwan hinaspa tukuy vidaykichikwan serviptikichikqa, 14paymi tarpuy paratapas chaynataq poqoy paratapas tiempollanpi allpaykichikman parachimunqa, qamkunañataqmi kawsaykunata, vinota hinaspa aceiteta cosechankichik. 15Animalnikichikpaqpas pastokunatam wiñachinqa, qamkunapaqpas mikuyqa manam pisinqachu. 16Chaynaqa, waqaychakuspa ama engañachikuychikchu. Amam Tayta Diosmanta rakikunkichikchu idolokunataña yupaychaspa chaykunapa qayllanpi qonqoranaykichikpaqa. 17#Lv 26.3-5; Dt 7.12-16; 28.1-14.Chaynata ruwaptikichikqa Tayta Diosmi contraykichikpi piñakuspan manaña parachimunqachu, chakraykichikmantapas manañam cosechankichikñachu, Tayta Diospa qosunaykichik allin allpapipas chayllam wañurunkichik.
18Chaynaqa, kay kamachikuykunata sonqoykichikpi hinaspa yuyaymanaynikichikpi waqaychaychik, qellqaspa señalta hina makikichikpi hinaspa urkuykichikpi watakuychik. 19Kay kamachikuykunatam sapa kutilla churikichikkunaman yachachinkichik, wasipi kaspaykichik, ñanpi purispaykichik, puñuq yaykuspaykichik chaynataq hatarispaykichikpas. 20#Dt 6.6-9.Qellqankichiktaqmi wasikichikpa pilarninkunapiwan chakankunapipas, 21chaynapi ñawpaq taytaykichikkunaman qonanpaq Tayta Diospa jurasqan allpapi qamkunapas chaynataq miraynikichikkunapas mana chinkaruq cielokuna hina otaq kay pacha hina unay watakunata kawsanaykichikpaq.
22Sichum kay willasqay llapallan kamachikuykunata kasukuspa Señornikichik Tayta Diostapas kuyaspa munasqanman hina kawsaspa payta qatiptikichikqa, 23paypas qayllaykichikmantam llapallan nacionkunata wischunqa, hinaptinmi qamkunapas aswan achka hinaspa atiyniyuq runakunapa nacionninta munaychakunkichik. 24Maymi sarusqaykichik allpam qamkunapa kanqa, chunniqmanta qallarispa Líbano orqokama chaynataq Eufrates mayumanta qallarispa intipa seqaykunan lawpi lamar qochakama. 25#Jos 1.3-5.Manam pipas qamkunawan peleaytaqa atinqachu, prometewasqanchikman hinam maylawman riptikichikpas chaypi kaq runakunata Señornikichik Tayta Dios mancharichispan katkatatachinqa.
26Kunan punchawyá akllakuykuychik bendecisqa kanaykichikta otaq ñakasqa kanaykichiktapas. 27Kunanmi willachkaykichik Señornikichik Tayta Diospa kamachikuyninkunata, chayta kasukuspaqa bendecisqam kankichik. 28Idolokunataña qatinaykichikpaq Tayta Diospa kamachikuyninkunata mana kasukuspa chaynataq kunan kamachisqayman hina mana kawsaspaqa ñakasqam kankichik.
29 #
Dt 27.11-14; Jos 8.33-35. Qosunaykichik allpaman Señornikichik Tayta Dios pusaykusuptikichikqa, Diospa bendecisqan kanamantam Gerizim orqopi rimankichik, Ebal orqopiñataqmi ñakasqa kanamanta rimankichik. 30Chay orqokunaqa kachkan Jordán mayupa waklaw chimpan intipa seqaykunan lawman rinapim, cananeokunapa allpanpi, Gilgal llaqtapa chimpanpi otaq encina sachakunapa kasqan More sutiyuq lawpi. 31Qamkunam kay Jordán mayuta chimpankichik, chaynapi Señornikichik Tayta Diospa qosusqaykichik allpaman yaykunaykichikpaq. Chay allpaman yaykuspa chaypiña yachaspaykichikqa, 32kunan willasqay kamachikuykunatawan yachachikuykunatam kasukunkichik.
Currently Selected:
Deuteronomio 11: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
