Deuteronomio 10
10
Tayta Dios huktawan pacto ruwasqanmanta
(Ex 34.1-10)
1Chaymantam Tayta Dios niwarqa: “Iskay tabla rumikunatayá labramuy punta kaqkunaman rikchakuqta, ruwankitaqmi tablamanta Arcatapas, hinaspam ñoqapa kasqay orqoman hamunki. 2Chay ñuturusqayki tabla rumikunapi qellqasqay kamachikuykunatam yapamanta chay rumikunapiña qellqasaq, hinaptinmi Arcaman churanki”, nispa.
3Chaymi acacia tablamanta Arcata ruwarqani, labrarqanitaqmi iskay tabla rumikunatapas punta kaqkunaman rikchakuqta. Chaymantam chay iskay tabla rumikunata aparikuspay orqoman qespirqani. 4Hinaptinmi chay rumikunapi Tayta Dios chunkantin kamachikuyninkunata qellqarqa, imaynam puntata qellqasqanman hina chaynataq huñunakusqanchik punchawpi ratachkaq orqomanta rimamusqanman hina. Qoykamuwaptinñataqmi 5orqomanta uraykamuspay chay tablakunata Arca ruwasqayman churarqani, Tayta Diospa kamachiwasqanman hina. Chaypim kunankama kachkan.
6 #
Nm 20.28; 33.38. Beerot-bene-jaacán lawmanta lloqsispankum Israelpa mirayninkuna Mosera lawkama chayarurqaku. Chaypi Aarón wañukuptinmi pamparurqaku. Hinaptinmi churin Eleazarña taytanpa rantinpi sacerdote karqa. 7Mosera lawmantam Gudgoda lawman rirqaku, Gudgoda lawmantañataqmi Jotbata lawman, chay allpapiqa yakukunapas kachkanmi. 8#Nm 3.5-8.Chay tiempopim Leví aylluta Tayta Dios akllarqa, paykunaña pacto Arcata apanankupaq chaynataq payta servispa paypa sutinpi bendicionninta mañakunankupaq. Kunankamapas hina chaynallatam ruwachkanku. 9Chayraykum Leví ayllupaqa wakin ayllukunapa hinaqa tupaqninku allpaqa mana karqachu. Kikin Tayta Diosmi paykunapa herencianqa, Señornikichik Tayta Diospa nisqanpi hina.
10 #
Ex 34.28. Punta risqaypi hinam qepa riyniypipas orqopi tawa chunka punchaw hinaspa tawa chunka tuta kamurqani. Chaypipas Tayta Diosqa uyariykuwaspanmi manaña wañuchisurqankichikchu. 11Aswanqa paymi niwarqa: “Runakunata pusanaykipaq alistakuy, chaynapi ñawpaq taytaykichikkunaman jurasqay allpaman yaykunaykichikpaq”, nispa.
Tayta Diospa imam munasqanmanta
12Israelpa mirayninkuna ¿Imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam. 13Payqa munan kunan kamachisqay kamachikuyninkunata hinaspa yachachikuykunata kasukunaykichiktam, chaynapi allinlla kanaykichikpaq. 14Amayá qonqaychikchu, hanaq pachapas, chaypi tukuy ima kaqkunapas, kay pachapas hinaspa chaypi tukuy ima kaqkunapas yupaychasqanchik Señornikichik Tayta Diospam. 15Chaywanpas Tayta Diosqa kuyaspam ñawpaq taytaykichikkunataqa akllarqa, chaymantam kunan qawasqaykichikpi hinapas paykunapa mirayninkunata akllasurqankichik, wakin nacionkunatam ichaqa mana akllarqachu.
16Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu. 17#Hch 10.34; Ro 2.11; Gl 2.6; Ef 6.9.Señornikichik Tayta Diosqa dioskunapapas Diosninmi, señorkunapapas Señormi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sayniyutapas chaskikunchu, 18mana tayta-mamayuqkunapaqpas chaynataq viudakunapaqpas allin arreglotam ruwaykapun, huklaw llaqtayuqkunatapas kuyaspanmi mikuykachin hinaspa pachaykachin. 19Chaynaqa, qamkunapas huklaw llaqtayuqkunatam kuyankichik, qamkunapas mana llaqtayuqmi Egipto nacionpi karqankichik.
20Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik. 21Qamkunaqa payllatam yupaychankichik, Diosnikichikqa qamkunaraykum hatun manchakuypaq kaqkunata ruwarqa, qawachkaptikichikmi chaykunataqa ruwarqa. 22#Gn 46.27.#Gn 15.5; 22.17.Ñawpaq taytaykichikkunaqa qanchis chunka runakunallam Egipto nacionman yaykurqaku, ichaqa Señornikichik Tayta Diosmi yaqa cielopi chaskakunata hinaña mirarachisunkichik.
Currently Selected:
Deuteronomio 10: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
