Daniel 12
12
Tukupay tiempo chayamunanmanta
1 #
Ap 12.7. #
Mt 24.21; Mr 13.19; Ap 7.14; 12.7. Chay tiempopim, Israel llaqtaykita waqaychaq ángel Miguel hatarimunqa.
Chay punchawkunaqa ñakariy tiempom kanqa
nacionkunapa rikurisqanmantapas
chayna ñakariyqa manam haykapipas karqachu;
ichaqa chayna kachkaptinmi llaqtaykimanta kaqkuna salvasqa kanqaku,
salvasqaqa kanqaku libropi qellqasqa kaqkunallam.
2 #
Mt 25.46; Jn 5.29. Wañuqkunamantapas achkallañam kawsarimunqaku:
Wakinmi wiñay kawsaypaq
wakinñataqmi wiña-wiñay ñakariypaq.
3Yachayniyuq runakunam,
achkallaña runakunata allin ñanninta pusaqkunam,
chuyay-chuyay kichasqa cielo hina kancharinqaku,
chaskakuna hinam wiñaypaq kancharinqaku.
4 #
Ap 22.10. Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.
5Ñoqa Danielmi qawarispay iskay runakunata rikururqani, hukninmi mayupa waklaw chimpanpi, hukninñataqmi kaylaw chimpanpi sayachkasqa. 6Huk runam chay mayupa hawanpi sayarqa linomanta pachayuq. Paytam huknin tapurqa:
¿Haykapitaq kay admirakuypaq kaqkuna cumplikunqa? nispa.
7 #
Ap 10.5. #
Ap 12.14. Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa:
Kaykunaqa cumplikunqa kimsa wata partenmantañam, Diospa chuya llaqtanpa atiyninpa tuñichisqa kaynin tukuruptinñam, nispa.
8Chay uyarisqayta mana entiendespaymi payta tapurqani:
Señorlláy ¿imapitaq tukuy kaykuna tukunqa? nispa.
9Hinaptinmi payñataq niwarqa:
Daniel, pasakuyña. Kay willasqaykunaqa wichqasqañam, tukupay tiempokamam sellasqaña kachkan. 10#Ap 22.11.Achkallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam. 11#Dn 9.27; 11.31; Mt 24.15; Mr 13.14.Diosman sapa punchaw animalkuna ofreceyta tanichisqankumantam otaq Diospa templonpi millakuypaq kaqkunata ofrecesqankumantam pasanqa waranqa iskay pachak isqon chunka punchawkuna. 12¡Mayna kusisqam kanqaku pacienciawan waranqa kimsa pachak kimsa chunka pichqayuq punchawkama chayaqkunaqa! 13Daniel, qamqa wañukunayki punchawkamayá hawka kawsakuy, puchukay punchawkunapiñam tupaqnikita chaskinaykipaq hatarimunki, nispa.
Currently Selected:
Daniel 12: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
