2 Corintios 13
13
Tukupay consejonkunamanta
1 #
Dt 17.6; 19.15. Kaywanqa kimsa kutitañam watukamusqaykichik. Ima problema kaqpas iskay otaq kimsa testigopa nisqanman hinam allichasqa kanqa. 2Ñawpaqta hamuspaymi huchapi purikuqkunata anyarqani, kunanpas mana chaypi kachkaspaypas huchapi puriqkunataqa llapallantam anyamuni. Huktawan watukamuspayqa chay runakunataqa castigasaqpunim. 3Chaynataqa ruwasaq rimachiwaqniyqa Cristopuni kasqanta yachanaykichikpaqmi. Qamkunawan kaq Cristoqa manam pisi kallpayuqchu kachkan, aswanqa qamkuna ukupim atiyninta qawachikun. 4Cheqaptam mana atiyniyuq hina chakatasqa karqa, kunanmi ichaqa Diospa atiyninwan kawsachkan, chaynam ñoqaykupas Cristowan hukllawasqa kaspa mana atiyniyuq hina kachkaniku, ichaqa Diospa atiyninwanmi kawsachkaniku qamkunata servinaykupaq.
5Sonqoykichikta tapukuykuychik ¿cheqaptachu iñiynikichikpi takyachkankichik? Sumaqta tapukuychik ¿Manachu musyakunkichik sonqoykichikpi Jesucristo kasqanta? Diospa mana chaskisqan kaspallachá manaqa yachawaqchikchu. 6Ñoqaykumantam ichaqa yachankichik Diospa chaskisqan kasqaykuta. 7Diostam mañakuchkaniku mana allin kaqkunata ama ruwanaykichikpaq, chaytaqa munachkaniku manam chaskisqa kasqaykuta yachanaykichikpaqchu, aswanqa allin kaqkunata ruwanaykichikpaqmi, ñoqaykuta Dios manaña chaskiwaptinkupas. 8Cheqap kaqpa contranpiqa manam imatapas ruwaymankuchu, aswanqa cheqap kaqpa allinninpaqmi ruwachkaniku. 9Chaymi mana kallpayuq kaspaykupas, qamkunañataq kallpayuq kasqaykichikmanta kusikuchkaniku, aswanraqmi Diosta mañakuchkaniku mana huchayuqña kanaykichikpaq. 10Kay cartatam qellqamuchkaykichik qamkunaman manaraq hamuchkaspay, chaynapi chayamuspayqa manaña qaqchanaypaq, Señorpa atiy qowasqanqa qamkunata wiñachinaypaqmi, manam tuñichinaypaqchu.
Cartapa tukupayninmanta
11Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa. 12Llapallaykichikyá chuya muchakuywan rimaykanakuychik. 13Kaypi kaq llapallan wawqe-panikunapas rimaykamusunkichikmi.
14Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.
Currently Selected:
2 Corintios 13: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
