2 Pɩyɛ KAJALAƔ TƆM
KAJALAƔ TƆM
Takayaɣ kanɛ, Krɩstʋ ñɩma tɩŋa Pɩyɛ ma-kɛ. Ka-taa tɔm wɛ ɛzɩ Pɩyɛ wezuu caɣʋ kɛtɛzaɣ alɩwaatʋ tɔm yɔ. Ɛyɔɔdʋʋ ka-taa se ɛwɩzɩ sɩbʋ (1.13). Ɛma takayaɣ kanɛ se Ɛsɔ yɔɔ lidaʋ tayaa ɛtɔzɩ ndʋ́ ɛwɩlɩ-wɛ yɔ tɩ-yɔɔ.
Takayaɣ kanɛ ka-taa tɔm heyiɣ-wɛ se lakasɩ kɩbanzɩ nzɩ́ pe-lidaʋ Ɛsɔ yɔɔ laba nɛ pɛwɛnɩ-sɩ yɔ, pʋwɛɛ se pɔ́ɖɔ́kɩ-sɩ camɩyɛ, nɛ pɔɖɔ ndʋ́ pawɩlɩ-wɛ yɔ tɩ-yɔɔ (Ñʋʋ 1 ñɩŋgʋ). Pʋwayɩ lɛ, takayaɣ taa tɔm lʋkɩnɩ wɩlɩyaa kɩdɛkɛdaa mbá peheyiɣ ɛyáa cɛtɩm tɔm nɛ palakɩ yem yem yɔ (Ñʋʋ 2 ñɩŋgʋ). Tɔm ńdʋ́, tɩyɔɔdʋʋ ɖɔɖɔ Kɩpaɣlʋ Yesu pɩsʋʋ tɔm (Ñʋʋ 3 ñɩŋgʋ). Kajalaɣ Krɩstʋ ñɩma sɩba, ɛlɛ́ Yesu tapɩsɩ ɛkɔɔ. Pɩlaba ɛyáa sakɩyɛ piti nɛ pɔpɔzʋʋ pa-tɩ se pɩlabɩ ɛzɩma nɛ Yesu caɣ wayɩ ḿbʋ́. Ɛlɛ́ alɩwaatʋ ndʋ́ lidaʋ tayaa kpeekpe ɖaŋɩ-ɩ yɔ, Ɛsɔ wɩlɩ-wɛ se iikpedesiɣ. Ɛhaɣ ɛyáa kpeekpe alɩwaatʋ se pɛlɛɣzɩ pa-laŋa.
Náyaa ma tɔm ndʋ́ Nɔɔ Haʋ Kɩbɩm Takayaɣ taa yɔ, pama-tʋ se tɩpɩzɩ tɩsɩnɩ Krɩstʋ ñɩma nɛ pɔ́ɖɔ́kɩ pe-lidaʋ Ɛsɔ yɔɔ. Yesu Krɩstʋ tiyiyaa ñawɩlɩ-wɛ ndʋ́ yɔ, tʋtʋ ñɛwɛɛ ɖɔɖɔ (3.2). Alɩwaatʋ ndʋ́ Pɩyɛ mawaɣ ɛ-takayaɣ naalɛ ñɩŋga yɔ, ɛyáa kaatɛm sɩm Pɔɔlɩ takayɩsɩ nasɩyɩ (3.15). Pʋwɛ kaɖɛ se ɛyʋ ɛnɩɩ nɛ ɛlɩzɩ Ɛsɔtɔm tɔbʋʋ e-ɖeke (1.20). Pɩfɛyɩ ɖeu se ɖɩla ḿbʋ́. Yee ɖɩkalɩɣ Ɛsɔtɔm yɔ, pʋwɛɛ se ɖɩmaɣzɩ nɛ ɖɩnɩɩ tɩ-taa camɩyɛ (3.16). Fezuu Kiɖeɖeu nɛ Krɩstʋ ñɩma lɛlaa wɛ-ɖʋ wazaɣ siŋŋ tɔm ńdʋ́ tɩ-nɩʋ taa.
Currently Selected:
2 Pɩyɛ KAJALAƔ TƆM: KABI
Highlight
Share
Copy
Want to have your highlights saved across all your devices? Sign up or sign in