1 Pɩyɛ KAJALAƔ TƆM
KAJALAƔ TƆM
Krɩstʋ aŋgba wena aawɛ Aazii cikpeluu hayo kiŋ, wɩsɩ ɖɩlɩyɛ hɔɔlʋʋ ŋgʋ́ payaɣ-kʋ sɔnɔ se Turkii yɔ kɩ-taa yɔ, a-taa kagbanzɩ Pɩyɛ ma ɛ-kajalaɣ takayaɣ. Krɩstʋ aŋgba ana a-taa ɛyáa wɛ pa-haɖaa taa peeɖe ɛzɩ agɔmaa yɔ, mbʋ́ pʋyɔɔ yɔ pɛkɛ Krɩstʋ ñɩma (1.1; 2.11). Lɛlaa kɛzɩ-wɛ kɩjaʋ. Pakʋʋ pɔ-tɔm yem falaa nɛ nabʋyʋ taa lɛ, palakɩ-wɛ kañatʋ.
Pɩyɛ ma ɛ-takayaɣ se ɛɖʋ-wɛ hʋnʋm nɛ eheyi-wɛ se pataalesi pe-lidaʋ Ɛsɔ yɔɔ kaʋ. Eheyiɣ-wɛ ɖɔɖɔ se pɛwɛɛ ɛzɩ Ɛsɔ tiyiyaa yɔ.
Krɩstʋ ñɩma mbá Pɩyɛ ma-wɛ ɛ-takayaɣ yɔ, patɩŋaɣ Ɛsɔ nɩmaŋ ndɩ ndɩ. Nɔɔnɔɔ, papɩsɩ ɛyáa kɩfama. Paatasɩɣ labʋ ɛzɩ pɔ-cɔzɔnaa yɔ, yaa ɛzɩ pa-haɖaa taa ɛyáa lɛlaa yɔ (1.13-2.4). Papɩsɩ Ɛsɔ ɛyáa (2.4-10). Papɩzɩɣ pɛwɛɛ kʋñɔmɩŋ nɛ tɩlasɩ taa, mbʋ́ pʋyɔɔ yɔ, pɛwɛnɩ lidaʋ ŋgʋ́ kɩhaɣ-wɛ wezuu yɔ (1.3, 13, 21; 3.15).
Ɛsɔ fezi Yesu Krɩstʋ sɩɖaa taa: tɔm tʋnɛ tɩhaɣnɩ Krɩstʋ ñɩma lidaʋ. Lidaʋ ŋ́gʋ́ kiyekina nɛ petisi tʋtʋ nɛ kañatʋ ɛzɩ Yesu labʋ yɔ. Yesu laba kʋñɔŋ. Patʋ-ɩ, pɛkɛzɩ-ɩ kɩjaʋ. Ɛlɛ́, ɛtɛhɛyɩ kɩdɛkɛdɩm mbʋ́ palabɩ-ɩ yɔ nɛ kɩdɛkɛdɩm. Ɛta Ɛsɔ liu nɛ ɛ́lɛ́ lɩzɩ-ɩ pɩ-taa (4.12-19). Takayaɣ kajalaɣ ñɩŋga ŋgá Pɩyɛ mawa yɔ, kɔyɔɔdʋʋ camɩyɛ se: pʋwɛɛ se Krɩstʋ tʋ wezuu caɣʋ nɛ ɛ-sɩm pɛwɛɛ ɛzɩ Yesu Krɩstʋ wezuu caɣʋ nɛ ɛ-sɩm yɔ.
Tɔm tʋnɛ tɩyɔɔdʋʋ ɛzɩma Krɩstʋ ñɩma nɛ mbá pɛtɛkɛ Krɩstʋ ñɩma yɔ, papɩzɩɣ pacaɣ camɩyɛ yɔ pʋ-tɔm. Mbá pɛfɛyɩ ɖoŋ pɛ-tɛ yɔ, ḿbá pakɩlɩɣ yɔɔdɩnaʋ takayaɣ kanɛ ka-taa. Takayaɣ kanɛ, ka-taa tɔm tasɩɣ-wɛ lɛɣtʋ (2.18-3.6). Ɛyáa mbá pɔyɔɔdʋʋ pɔ-tɔm cɩnɛ yɔ, ḿbá yɔ: tʋmlaɖaa mbá pa-caanaa tɛkɛ Krɩstʋ ñɩma yɔ, nɛ halaa mbá pa-walaa tɛkɛ Krɩstʋ ñɩma yɔ. Ɛyáa ḿbá, pʋwɛɛ se pa-lakasɩ taa, pawɩlɩ lɛlaa mbʋ́ Krɩstʋ ŋgbɛyɛ kɛnaa yɔ. Krɩstʋ ŋgbɛyɛ taa lɛ, pʋwɛɛ se ñʋndɩnaa, evebiya, pɛlaa nɛ ɛyáa lɛlaa, pɔsɔɔlɩ ɖama nɛ paña ɖama (5.1-7; 1.22-2.3). Ḿbʋ́ yekina nɛ ɛyáa lɛlaa tɩlɩ se Krɩstʋ ñɩma kɛ ɛyáa kʋtʋʋzaa.
Currently Selected:
1 Pɩyɛ KAJALAƔ TƆM: KABI
Highlight
Share
Copy
Want to have your highlights saved across all your devices? Sign up or sign in