Bene Loma MAKANI ATAANSHI
MAKANI ATAANSHI
Nkalata yakwe Paulo kubene Loma yakalembwa kwaamba ayi balibambile kufwakashilwa anguwe ceebo wakalinga wabamba lweendo kuya mukufwakashila coonde ca kuLoma. Muyeeyo wakwe wakalinga wakwaamba ayi asebense paniini pakati ka bashomi kulya lyalo akaye kuSipeeni kwiinda mulucafwo lwabo. Libuku ili lilicite muyeeyo unene wa makani akwe oonse ayo ngwaakalinga kushimikila.
Muyeeyo unene wa munkalata iyi ngwakwaamba ayi, “Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelesho” (1:17).
Kuya kunembo Paulo ulasansulula capatuba ayi bantu boonse, baJuda nabi baswamashi bakusengwe, balyeelete kululamikwa pameenso akwe aLesa, ceebo boonse bali munkusu sha bubi. Kuswawaawo ulacibika patuba kwaamba ayi Mushimu wakwe Lesa ulaangulula muntu kuswa munkusu sha bubi alufu kwiinda mukwikala mubushicibusa bupya aLesa ubo buswa mukushoma Jesu Klistu.
Munyinsa ya 5—8 ulasansulula Milawo yakwe Lesa nceisebensa ankusu sha Mushimu wakwe Lesa mubuumi bwa mushomi. Lyalo ndyaamana kutondesha baJuda abaswamashi bakunsengwe mbobaba lubasu kumuyeeyo wakwe Lesa wakupulusha bantu boonse. Ulatondesha kwaamba ayi kukaka Jesu kwakacita baJuda, ndubasu lwa muyeeyo wakwe Lesa wakucalwita bantu boonse kuluse lwakwe kwiinda muli Jesu Klistu. Nakubi boobo ulashoma kwaamba ayi baJuda teshi banookakabo Jesu lyoonse. Cakweelaako Paulo ulasansulula buumi bwa bwine Klistu mbobweelete kwikalwa, bunene bunene shalusuno kubamwi. Makani akwe akulumbaisha Lesa ngaashisha nkalata iyi kumeelelesho.
Mundando wa Shiliimo amoshicanika
Makani ataanshi amuyeeyo unene wa nkalata 1:1-17
Muntu mbwaaelete kupulushikwa 1:18—3:20
Nshila ya lupulusho yakwe Lesa 3:21—4:25
Buumi bupya muli Klistu 5:1—8:39
Bene Isilaeli mumuyeeyo wakwe Lesa 9:1—11:36
MuKlistu mbwaaelete kulilemeka 12:1—15:13
Makani akweelaako akwaansha 15:14—16:27
Currently Selected:
Bene Loma MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.