Shakubelenga 6
6
Milawo ya buNasili
1Mpeeke Mwaami Lesa wakaambila Mose ayi, 2“Lwiita bene Isilaeli ayi na musankwa nabi mwanakashi uyo washomesha cakulumbila kuba muNasili mukulibenga kuli ndime neMwaami Lesa, 3teelete kunwa waini nabi shimwi shoonse shibilite. Teelete kunwa cintu cili coonse cakapangwa kuminyansa nabi kulya minyansa itontola nabi iyumu. 4Kulilabo na ngumuNasili, teelete kunoolya cintu nabi comwi ciswa kucisamu ca minyansa, kuteelesha kulya nsangu nabi shikwampi sha minyansa.
5“Kulilabo na wakashomesha cakulumbila ayi ngumuNasili, teelete kucesa misusu yakwe. Ulyaangitwe mukulumbila uko muciindi cakwe coonse cakulibenga kuMwaami Lesa, aboobo ulyeelete kuleka misusu ayi ikule. 6Mukwikala kwakwe koonse kwakulibenga kuMwaami Lesa, teelete kusena pafwaafwi amutuntu. 7Nabi kwafwa baishi, banyina, mukwabo nabi nankashi yakwe, teelete kulilengesha ayi abe muntu utasalalite kweelana aMilawo ceebo ca mbabo. Mukwiinga keshibilo kakulibenga kwakwe kuMwaami Lesa kali kumutwi wakwe. 8Anu kulilabo kaali muNasili, ulaakunoolibo mumaansa a Mwaami Lesa.
9“Ono na misusu ya muNasili yakulibenga yabishikwa mukwiinga ulibambene amuntu wafwa cakutengashila, ulyeelete kulindila peenda nsondo yomwi, lyalo wacesa munkunyu. Na wacita boobo, ulaba muntu usalalite kweelana aMilawo. 10Mpeeke pabushiku bwasanu ashotatwe, ulyeelete kuleta mpolobe shobilo nabi nkulimba shobilo kumupailishi pamulyango wa Tente ya Cipangano. 11Mpomunyaawo mupailishi ulaakubenga muyuni womwi ayi ngumulambu wakulekelelwa shibiibi, awomwi ayi ngumulambu wakutenta, kwaamba ayi amusalashe kweelana amulawo ceebo wakasena pafwaafwi amutuntu. Pabushiku mbomunya ubo, musankwa uyo ulyeelete kubenga misusu yakwe alimwi kuMwaami Lesa 12akubenga alimwi ciindi cakwe coonse ca buNasili. Nkokwaamba ayi ciindi cakwe cakutaanguna tacibelengwi mukwiinga misusu yakwe iyo yakabengwa yakalinga yabishikwa. Ono ulyeelete kubenga mbelele icite mwaaka womwi ayi ngumulambu wakumana milandu.
13“Ono uyu ngumulawo wa buNasili na ciindi ncaakashomesha cakulumbila camana. Ulaletwa kumulyango wa Tente ya Cipangano 14akubenga banyama botatwe batacite kampenda kuMwaami Lesa. Ulaakubenga mwanaambelele mucende ucite mwaaka womwi ayi ngumulambu wakutenta, mbelele yanakashi icite mwaaka womwi ayi ngumulambu wakulekelelwa shibiibi alimwi ambelele isankwa ayi ngumulambu wa bwanabwankashi. 15Ulyeelete kubenga amutaanga wa cimaande, shimaande shakapangwa kufulaulo upelekete usenkene amafuta a olifi, shimaande shipampamene shakananikwa mafuta a olifi kwiilikaawo acipo ca fulaulo alimwi aca cakunwa.
16“Mpeeke mupailishi ulaakuleta shintu shoonse ishi kuMwaami Lesa akubenga mulambu wakulekelelwa shibiibi alimwi amulambu wakutenta. 17Ulaakubenga mbelele isankwa iyo kuli ndime neMwaami Lesa ayi ngumulambu wa bwanabwankashi, kwiibengela pantu pomwi amutaanga wa cimaande. Akeelikeewo acipo ca fulaulo alimwi aca cakunwa. 18Ono pamulyango wa Tente ya Cipangano, muNasili uyo ulyeelete kucesa misusu iyo njaakabenga kuli ndime neMwaami Lesa akwiibika pamulilo apo patootentelwa mulambu wa bwanabwankashi.
19“Kuswawaawo mupailishi ulaakubwesa mweendo wakwapa wa mbelele isankwa utootelekwa, pantu pomwi acimaande comwi cinene alimwi acimaande cipampamene comwi mumutaanga, akushibika mumaansa a muNasili. 20Kuboolaawo mupailishi ulaakushitambeeka kunembo lya Mwaami Lesa ayi ngumulambu wakutambeeka. Shintu ishi shilisalalite alimwi nsha mupailishi kwiilika pantiti yakatambeekwa amweendo wakatako wakabengwa. Kuswawaawo muNasili uyo inga wanwa waini.
21“Anu iyo njemilawo ya muNasili. Sombi na muNasili washomesha kupa cipo cinene kwiinda paceeco ncaaelete kupa mukushomesha kwakwe, ulyeelete kucita kweelana amulawo wa buNasili mukucita kweelana ambwaakashomesha cakulumbila.”
Maswi asebensesha bapailishi pakupa coolwe
22Mpomunyaawo Mwaami Lesa wakaambila Mose ayi, 23“Lwiita Aloni abana bakwe basankwa ayi pakupa coolwe bene Isilaeli banokwaamba ayi,
24‘Mwaami Lesa aamupe coolwe akumulama.
25Mwaami Lesa amulangilishe calusuno akumubeta luse.
26Mwaami Lesa amunyumfwile nkumbu akumupa luumuno.’”
27Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”
Currently Selected:
Shakubelenga 6: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 6
6
Milawo ya buNasili
1Mpeeke Mwaami Lesa wakaambila Mose ayi, 2“Lwiita bene Isilaeli ayi na musankwa nabi mwanakashi uyo washomesha cakulumbila kuba muNasili mukulibenga kuli ndime neMwaami Lesa, 3teelete kunwa waini nabi shimwi shoonse shibilite. Teelete kunwa cintu cili coonse cakapangwa kuminyansa nabi kulya minyansa itontola nabi iyumu. 4Kulilabo na ngumuNasili, teelete kunoolya cintu nabi comwi ciswa kucisamu ca minyansa, kuteelesha kulya nsangu nabi shikwampi sha minyansa.
5“Kulilabo na wakashomesha cakulumbila ayi ngumuNasili, teelete kucesa misusu yakwe. Ulyaangitwe mukulumbila uko muciindi cakwe coonse cakulibenga kuMwaami Lesa, aboobo ulyeelete kuleka misusu ayi ikule. 6Mukwikala kwakwe koonse kwakulibenga kuMwaami Lesa, teelete kusena pafwaafwi amutuntu. 7Nabi kwafwa baishi, banyina, mukwabo nabi nankashi yakwe, teelete kulilengesha ayi abe muntu utasalalite kweelana aMilawo ceebo ca mbabo. Mukwiinga keshibilo kakulibenga kwakwe kuMwaami Lesa kali kumutwi wakwe. 8Anu kulilabo kaali muNasili, ulaakunoolibo mumaansa a Mwaami Lesa.
9“Ono na misusu ya muNasili yakulibenga yabishikwa mukwiinga ulibambene amuntu wafwa cakutengashila, ulyeelete kulindila peenda nsondo yomwi, lyalo wacesa munkunyu. Na wacita boobo, ulaba muntu usalalite kweelana aMilawo. 10Mpeeke pabushiku bwasanu ashotatwe, ulyeelete kuleta mpolobe shobilo nabi nkulimba shobilo kumupailishi pamulyango wa Tente ya Cipangano. 11Mpomunyaawo mupailishi ulaakubenga muyuni womwi ayi ngumulambu wakulekelelwa shibiibi, awomwi ayi ngumulambu wakutenta, kwaamba ayi amusalashe kweelana amulawo ceebo wakasena pafwaafwi amutuntu. Pabushiku mbomunya ubo, musankwa uyo ulyeelete kubenga misusu yakwe alimwi kuMwaami Lesa 12akubenga alimwi ciindi cakwe coonse ca buNasili. Nkokwaamba ayi ciindi cakwe cakutaanguna tacibelengwi mukwiinga misusu yakwe iyo yakabengwa yakalinga yabishikwa. Ono ulyeelete kubenga mbelele icite mwaaka womwi ayi ngumulambu wakumana milandu.
13“Ono uyu ngumulawo wa buNasili na ciindi ncaakashomesha cakulumbila camana. Ulaletwa kumulyango wa Tente ya Cipangano 14akubenga banyama botatwe batacite kampenda kuMwaami Lesa. Ulaakubenga mwanaambelele mucende ucite mwaaka womwi ayi ngumulambu wakutenta, mbelele yanakashi icite mwaaka womwi ayi ngumulambu wakulekelelwa shibiibi alimwi ambelele isankwa ayi ngumulambu wa bwanabwankashi. 15Ulyeelete kubenga amutaanga wa cimaande, shimaande shakapangwa kufulaulo upelekete usenkene amafuta a olifi, shimaande shipampamene shakananikwa mafuta a olifi kwiilikaawo acipo ca fulaulo alimwi aca cakunwa.
16“Mpeeke mupailishi ulaakuleta shintu shoonse ishi kuMwaami Lesa akubenga mulambu wakulekelelwa shibiibi alimwi amulambu wakutenta. 17Ulaakubenga mbelele isankwa iyo kuli ndime neMwaami Lesa ayi ngumulambu wa bwanabwankashi, kwiibengela pantu pomwi amutaanga wa cimaande. Akeelikeewo acipo ca fulaulo alimwi aca cakunwa. 18Ono pamulyango wa Tente ya Cipangano, muNasili uyo ulyeelete kucesa misusu iyo njaakabenga kuli ndime neMwaami Lesa akwiibika pamulilo apo patootentelwa mulambu wa bwanabwankashi.
19“Kuswawaawo mupailishi ulaakubwesa mweendo wakwapa wa mbelele isankwa utootelekwa, pantu pomwi acimaande comwi cinene alimwi acimaande cipampamene comwi mumutaanga, akushibika mumaansa a muNasili. 20Kuboolaawo mupailishi ulaakushitambeeka kunembo lya Mwaami Lesa ayi ngumulambu wakutambeeka. Shintu ishi shilisalalite alimwi nsha mupailishi kwiilika pantiti yakatambeekwa amweendo wakatako wakabengwa. Kuswawaawo muNasili uyo inga wanwa waini.
21“Anu iyo njemilawo ya muNasili. Sombi na muNasili washomesha kupa cipo cinene kwiinda paceeco ncaaelete kupa mukushomesha kwakwe, ulyeelete kucita kweelana amulawo wa buNasili mukucita kweelana ambwaakashomesha cakulumbila.”
Maswi asebensesha bapailishi pakupa coolwe
22Mpomunyaawo Mwaami Lesa wakaambila Mose ayi, 23“Lwiita Aloni abana bakwe basankwa ayi pakupa coolwe bene Isilaeli banokwaamba ayi,
24‘Mwaami Lesa aamupe coolwe akumulama.
25Mwaami Lesa amulangilishe calusuno akumubeta luse.
26Mwaami Lesa amunyumfwile nkumbu akumupa luumuno.’”
27Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.