Shakubelenga 5
5
Bantu batasalalite kweelana aMilawo
1Lyalo Mwaami Lesa wakaambila Mose ayi, 2“Lwiita bene Isilaeli ayi bakushe mumisumba muntu uli woonse ucite bulwashi bwa manata, utooswa mashina amushobo uli woonse mumubili alimwi awooyo woonse utasalalite kweelana aMilawo ceebo cakukumya mutuntu. 3Bantu abo boonse, basankwa abanakashi, ubatandeemo kwaamba ayi batabishi misumba yanu umo moonkala pakati ka bantu bangu.” 4Bene Isilaeli bakacita mbomunya ubo akubakusha mumisumba yabo kweelana aMwaami Lesa mbwaakaambila Mose.
Malipilo a pakubisha
5Lyalo Mwaami Lesa wakaambila Mose ayi, 6“Lwiita bene Isilaeli ayi na musankwa nabi mwanakashi taatooshomeka kuli ndime neMwaami Lesa kwiinda mukubishisha mubye umwi, ulicite mulandu. 7Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha. 8Sombi na muntu uyo wafwa, ono taacite mukwabo umwi nkweenga kwalipilwa, malipilo ayo alaakupekwa kuli ndime neMwaami Lesa ayi nga mupailishi. Malipilo ayo ngakwiilika pambelele isankwa isebenseshekwa pakusalasha muntu kweelana amulawo. 9Ashipo shimwi shoonse shipuseneeko isho bene Isilaeli nshebapa ndime neMwaami Lesa, nsha mupailishi uyo utooshitambula. 10Nkokwaamba ayi shipo isho mupailishi womwi awomwi nshaatambula shilaakuba shaakwe.”
Mwanakashi utooyeeyelwa kutashomeka
11Mpomunyaawo Mwaami Lesa wakaambila Mose ayi, 12“Lwiita bene Isilaeli ayi na mwanakashi weebetwe wabisha mukutashomeka kuli ibaye 13kwiinda mukukumana amusankwa umwi, ono cikani ici cashishikwa cakubula kwishiba ibaye ceebo taaku kamboni weenga wamushinina, alimwi taaku wakamucata, 14ono na musankwa watalika kunyumfwa busuba akuyeeya mukaakwe ayi taatooshomeka alimwi taasalalite, nabi kunyumfwa busuba akutalika kuyeeyela mukaakwe nacibi kwaamba ayi ulisalalite, 15anu ulyeelete kutola mukaakwe kumupailishi. Ulyeelete kutola akilogilamu yomwi ya fulaulo wa bale, sombi teelete kutilawo mafuta a olifi naaceyi, nabi kusenkanyako tununkila kabotu mukwiinga ncipo ca fulaulo ca busuba capekwa kwaamba ayi lushinisho luyubuluke.
16“Lyalo mupailishi ulaakuleta mwanakashi kunembo akumwiimika pameenso a Mwaami Lesa. 17Ulaakubika maanshi asalalite amwi munongo akubwesa bulongo panshi lya Tente ya Cipangano akububika mumaanshi ayo. 18Kuswawaawo ulaakwaangulula misusu ya mwanakashi akubika cipo ca fulaulo ca busuba capekwa kwaamba ayi lushinisho luyubuluke mumaansaakwe. Mupailishi lakwe kaacite nongo ya maanshi alula ayo aleta lishingo. 19Lyalo mupailishi ulaakulwiita mwanakashi uyu ayi aambe maswi akulumbila ayi, ‘Na tookwe kucitawo bulale, teshi ube mumapensho ceebo ca lishingo liswa mumaanshi aya. 20Sombi na wakacitawo bulale, 21Mwaami Lesa akushingane pakati ka bene mishaanu. Aalengeshe ayi bwanakashi bwako bunyane alifumo lyako kushimba. 22Maanshi aya pakwinjila mulifumo lyako aalishimbishe akulengesha bwanakashi bwako kunyana.’ Alakwe mwanakashi ulaakukumbula ayi, ‘Ndasumina. Mwaami Lesa aacite mbomunya ubo.’
23“Kuswawaawo mupailishi ulaakulemba lishingo ilyo akulisanshila munongo ya maanshi alula. 24Mpomunyaawo mupailishi ulaakunwisha mwanakashi maanshi ayo aleta lishingo. Maanshi aya alaakwinjila muli nguwe akulengesha mapensho anene. 25Sombi kaatana kumunwisha, mupailishi uyo ulaakubwesa cipo ca fulaulo ca busuba kuswa mumaansaakwe, kucitambeeka kunembo lyangu neMwaami Lesa akucipa pacipaililo. 26Mpeeke ulaakutapulawo lupaka lomwi ayi ncishibilo cakwaamba ayi cipo coonse capekwa kuMwaami Lesa, akucitentela pacipaililo. Kuswawaawo ulaakunwisha mwanakashi maanshi ayo. 27Na wakacita bulale, maanshi alaakumuletela mapensho. Lifumo lyakwe lilaakushimba alimwi abwanakashi bwakwe bulaakunyana. Ono lakwe ulaakushinganwa pakati ka bene mishaabo. 28Sombi na taaku ncaakacita, taaku mapensho eshi akamupolele alimwi ulaakunookonsha kushala.
29“Anu uyu ngomulawo wa pabusuba na mwanakashi wabisha mukukumana amusankwa umwi kaaebetwe, 30Nabi na musankwa wanyumfwa busuba ceebo cakuyeeyela mukaakwe. Mupailishi ulyeelete kwiimika mwanakashi pameenso angu neMwaami Lesa akumucita kweelana amulawo uyu. 31Ono musankwa teshi akanoocitewo mulandu, sombi mwanakashi uyo ulyeelete kupenshekwa pacibiibi ncaakacita kweelana amulawo.”
Currently Selected:
Shakubelenga 5: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 5
5
Bantu batasalalite kweelana aMilawo
1Lyalo Mwaami Lesa wakaambila Mose ayi, 2“Lwiita bene Isilaeli ayi bakushe mumisumba muntu uli woonse ucite bulwashi bwa manata, utooswa mashina amushobo uli woonse mumubili alimwi awooyo woonse utasalalite kweelana aMilawo ceebo cakukumya mutuntu. 3Bantu abo boonse, basankwa abanakashi, ubatandeemo kwaamba ayi batabishi misumba yanu umo moonkala pakati ka bantu bangu.” 4Bene Isilaeli bakacita mbomunya ubo akubakusha mumisumba yabo kweelana aMwaami Lesa mbwaakaambila Mose.
Malipilo a pakubisha
5Lyalo Mwaami Lesa wakaambila Mose ayi, 6“Lwiita bene Isilaeli ayi na musankwa nabi mwanakashi taatooshomeka kuli ndime neMwaami Lesa kwiinda mukubishisha mubye umwi, ulicite mulandu. 7Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha. 8Sombi na muntu uyo wafwa, ono taacite mukwabo umwi nkweenga kwalipilwa, malipilo ayo alaakupekwa kuli ndime neMwaami Lesa ayi nga mupailishi. Malipilo ayo ngakwiilika pambelele isankwa isebenseshekwa pakusalasha muntu kweelana amulawo. 9Ashipo shimwi shoonse shipuseneeko isho bene Isilaeli nshebapa ndime neMwaami Lesa, nsha mupailishi uyo utooshitambula. 10Nkokwaamba ayi shipo isho mupailishi womwi awomwi nshaatambula shilaakuba shaakwe.”
Mwanakashi utooyeeyelwa kutashomeka
11Mpomunyaawo Mwaami Lesa wakaambila Mose ayi, 12“Lwiita bene Isilaeli ayi na mwanakashi weebetwe wabisha mukutashomeka kuli ibaye 13kwiinda mukukumana amusankwa umwi, ono cikani ici cashishikwa cakubula kwishiba ibaye ceebo taaku kamboni weenga wamushinina, alimwi taaku wakamucata, 14ono na musankwa watalika kunyumfwa busuba akuyeeya mukaakwe ayi taatooshomeka alimwi taasalalite, nabi kunyumfwa busuba akutalika kuyeeyela mukaakwe nacibi kwaamba ayi ulisalalite, 15anu ulyeelete kutola mukaakwe kumupailishi. Ulyeelete kutola akilogilamu yomwi ya fulaulo wa bale, sombi teelete kutilawo mafuta a olifi naaceyi, nabi kusenkanyako tununkila kabotu mukwiinga ncipo ca fulaulo ca busuba capekwa kwaamba ayi lushinisho luyubuluke.
16“Lyalo mupailishi ulaakuleta mwanakashi kunembo akumwiimika pameenso a Mwaami Lesa. 17Ulaakubika maanshi asalalite amwi munongo akubwesa bulongo panshi lya Tente ya Cipangano akububika mumaanshi ayo. 18Kuswawaawo ulaakwaangulula misusu ya mwanakashi akubika cipo ca fulaulo ca busuba capekwa kwaamba ayi lushinisho luyubuluke mumaansaakwe. Mupailishi lakwe kaacite nongo ya maanshi alula ayo aleta lishingo. 19Lyalo mupailishi ulaakulwiita mwanakashi uyu ayi aambe maswi akulumbila ayi, ‘Na tookwe kucitawo bulale, teshi ube mumapensho ceebo ca lishingo liswa mumaanshi aya. 20Sombi na wakacitawo bulale, 21Mwaami Lesa akushingane pakati ka bene mishaanu. Aalengeshe ayi bwanakashi bwako bunyane alifumo lyako kushimba. 22Maanshi aya pakwinjila mulifumo lyako aalishimbishe akulengesha bwanakashi bwako kunyana.’ Alakwe mwanakashi ulaakukumbula ayi, ‘Ndasumina. Mwaami Lesa aacite mbomunya ubo.’
23“Kuswawaawo mupailishi ulaakulemba lishingo ilyo akulisanshila munongo ya maanshi alula. 24Mpomunyaawo mupailishi ulaakunwisha mwanakashi maanshi ayo aleta lishingo. Maanshi aya alaakwinjila muli nguwe akulengesha mapensho anene. 25Sombi kaatana kumunwisha, mupailishi uyo ulaakubwesa cipo ca fulaulo ca busuba kuswa mumaansaakwe, kucitambeeka kunembo lyangu neMwaami Lesa akucipa pacipaililo. 26Mpeeke ulaakutapulawo lupaka lomwi ayi ncishibilo cakwaamba ayi cipo coonse capekwa kuMwaami Lesa, akucitentela pacipaililo. Kuswawaawo ulaakunwisha mwanakashi maanshi ayo. 27Na wakacita bulale, maanshi alaakumuletela mapensho. Lifumo lyakwe lilaakushimba alimwi abwanakashi bwakwe bulaakunyana. Ono lakwe ulaakushinganwa pakati ka bene mishaabo. 28Sombi na taaku ncaakacita, taaku mapensho eshi akamupolele alimwi ulaakunookonsha kushala.
29“Anu uyu ngomulawo wa pabusuba na mwanakashi wabisha mukukumana amusankwa umwi kaaebetwe, 30Nabi na musankwa wanyumfwa busuba ceebo cakuyeeyela mukaakwe. Mupailishi ulyeelete kwiimika mwanakashi pameenso angu neMwaami Lesa akumucita kweelana amulawo uyu. 31Ono musankwa teshi akanoocitewo mulandu, sombi mwanakashi uyo ulyeelete kupenshekwa pacibiibi ncaakacita kweelana amulawo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.