Shakubelenga 7
7
Shipo shakabenga bamatanjilili bene Isilaeli
1Pabushiku Mose mbwaakamanisha kuyaka Tente ya Cipangano, wakeenanika mafuta akwiibenga kuMwaami Lesa pantu pomwi ashintu sha njiyo shoonse, kubikaawo acipaililo ashintu sha ncico shoonse. 2Kuswawaawo bamatanjilili ba bene Isilaeli nkokwaamba ayi bamatanjilili ba shipani sha mumikowa yabo abo bakeendelesha shakubelenga bantu, 3bakaleta shipo shabo kuMwaami Lesa. Bakaleta shikoci shicite shiluli shosanwe acomwi alimwi abasune likumi abobilo, nkokwaamba ayi cikoci kuswa kubamatanjilili boonse bobilo bobilo alimwi amusune kuswa kumutanjilili womwi awomwi. Mpeeke bakashitola kuTente ya Cipangano.
4Mpomunyaawo Mwaami Lesa wakaambila Mose ayi, 5“Tambula shipo ishi ayi nshakusebensesha mumilimo yeshi ikanoocitika muTente ya Cipangano. Ushipe bene Lefi kweelana amilimo njebeelete kucita.” 6Mpeeke Mose wakapa bene Lefi shikoci isho alimwi abasune. 7Wakapa bene Geshoni shikoci shobilo alimwi abasune bone. 8Bene Melali abalo wakabapa shikoci shone alimwi abasune bosanwe abotatwe kweelana ashiyandika mumilimo yabo. Milimo yabo yoonse yakalinga kweelete kunoocitika kwiinda mukutanjililwa aItama mwanaakwe Aloni mupailishi. 9Sombi Mose taakwe kupawo bene Koati shikoci nabi basune mukwiinga shintu shisalalite nshebakalinga kulama nshakunyamwita pashifushi.
10Bamatanjilili bakaleta ashipo shakusebensesha pakusekelela kubengwa kwa cipaililo akushipa kunembo lya cipaililo, 11mukwiinga Mwaami Lesa wakaambila Mose ayi, “Bushiku bomwi bomwi bamatanjilili boonse bananooya womwi womwi mukupa shipo shabo shakusebensesha pakubengwa kwa cipaililo.”
12-83Ono pakupa shipo shabo bakakonkana bobulya.
| Bushiku | Mukowa | Mutanjilili |
| Bwakutaanguna | Juda | Nashoni mwanaakwe Aminadabu |
| Bwabili | Isaka | Netanelo mwanaakwe Suwa |
| Bwatatu | Sebuluni | Elyabu mwanaakwe Eloni |
| Bwane | Lubeni | Elisa mwanaakwe Sheduwa |
| Bwasanu | Simyoni | Shelumyelo mwanaakwe Sulishadayi |
| Bwasanu abomwi | Gadi | Eliyasafu mwanaakwe Dewelo |
| Bwasanu ashobilo | Efuleemu | Elishama mwanaakwe Amiyudi |
| Bwasanu ashotatwe | Manase | Gamalyelo mwanaakwe Pedasa |
| Bwasanu ashone | Benjameni | Abidani mwanaakwe Gidyoni |
| Bwalikumi | Dani | Ayiyesa mwanaakwe Amishadayi |
| Bwalikumi abomwi | Asha | Pagiyelo mwanaakwe Okulani |
| Bwalikumi ashobilo | Nafutali | Ayila mwanaakwe Enani |
Anu shipo shakaleta muntu womwi awomwi shakalinga kukoshenye. Womwi awomwi wakaleta mbale ifongomene ya silifa yomwi ilema magilamu ali 1,500, alimwi ambale ya silifa yakusambilaamo ilema magilamu ali 800, kweelana acipimo cakasuminishikwa. Shoonse shobilo shakalinga kuswite fulaulo usenkene amafuta ayi ncipo ca fulaulo. Bakapa ambale ifongomene ya golodi yomwi yakalinga kulema magilamu ali 110 aswite tununkila kabotu. Bakaleta amucende mwaana womwi, mbelele isankwa yomwi, mwanaambelele womwi ucite mwaaka ayi ngumulambu wakutenta, mpongo yomwi ayi ngumulambu wakulekelelwa shibiibi, alimwi abacende bobilo, mbelele shisankwa shosanwe, mpongo shosanwe, abana ba mbelele bosanwe bacite mwaaka ayi ngumulambu wa bwanabwankashi.
84-88Nkokwaamba ayi shipo shoonse shakaleta bamatanjilili bali likumi abobilo ayi nshakusebensesha pakubengwa kwa cipaililo shakakumana bobulya.
—Mbale shifongomene sha silifa shili likumi ashobilo alimwi ambale shakusambilaamo sha silifa shili likumi ashobilo, pantu pomwi shoonse shakalinga kulema magilamu ali 27,600.
—Mbale shifongomene sha golodi isho shakalinga kulema magilamu ali 1,320, isho shakalinga kuswite tununkila kabotu.
—Bacende bali likumi abobilo, mbelele shisankwa likumi ashobilo, alimwi ambelele shili likumi ashobilo shicite mwaaka womwi ayi njimilambu yakutenta.
—Mpongo shili likumi ashobilo ayi njimilambu yakulekelelwa shibiibi.
—Bacende bali makumi obilo abone, mbelele shisankwa shili makumi osanwe alyomwi, mpongo shili makumi osanwe alyomwi, alimwi ambelele shicite mwaaka shili makumi osanwe alyomwi ayi njimilambu ya bwanabwankashi.
89Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.
Currently Selected:
Shakubelenga 7: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 7
7
Shipo shakabenga bamatanjilili bene Isilaeli
1Pabushiku Mose mbwaakamanisha kuyaka Tente ya Cipangano, wakeenanika mafuta akwiibenga kuMwaami Lesa pantu pomwi ashintu sha njiyo shoonse, kubikaawo acipaililo ashintu sha ncico shoonse. 2Kuswawaawo bamatanjilili ba bene Isilaeli nkokwaamba ayi bamatanjilili ba shipani sha mumikowa yabo abo bakeendelesha shakubelenga bantu, 3bakaleta shipo shabo kuMwaami Lesa. Bakaleta shikoci shicite shiluli shosanwe acomwi alimwi abasune likumi abobilo, nkokwaamba ayi cikoci kuswa kubamatanjilili boonse bobilo bobilo alimwi amusune kuswa kumutanjilili womwi awomwi. Mpeeke bakashitola kuTente ya Cipangano.
4Mpomunyaawo Mwaami Lesa wakaambila Mose ayi, 5“Tambula shipo ishi ayi nshakusebensesha mumilimo yeshi ikanoocitika muTente ya Cipangano. Ushipe bene Lefi kweelana amilimo njebeelete kucita.” 6Mpeeke Mose wakapa bene Lefi shikoci isho alimwi abasune. 7Wakapa bene Geshoni shikoci shobilo alimwi abasune bone. 8Bene Melali abalo wakabapa shikoci shone alimwi abasune bosanwe abotatwe kweelana ashiyandika mumilimo yabo. Milimo yabo yoonse yakalinga kweelete kunoocitika kwiinda mukutanjililwa aItama mwanaakwe Aloni mupailishi. 9Sombi Mose taakwe kupawo bene Koati shikoci nabi basune mukwiinga shintu shisalalite nshebakalinga kulama nshakunyamwita pashifushi.
10Bamatanjilili bakaleta ashipo shakusebensesha pakusekelela kubengwa kwa cipaililo akushipa kunembo lya cipaililo, 11mukwiinga Mwaami Lesa wakaambila Mose ayi, “Bushiku bomwi bomwi bamatanjilili boonse bananooya womwi womwi mukupa shipo shabo shakusebensesha pakubengwa kwa cipaililo.”
12-83Ono pakupa shipo shabo bakakonkana bobulya.
| Bushiku | Mukowa | Mutanjilili |
| Bwakutaanguna | Juda | Nashoni mwanaakwe Aminadabu |
| Bwabili | Isaka | Netanelo mwanaakwe Suwa |
| Bwatatu | Sebuluni | Elyabu mwanaakwe Eloni |
| Bwane | Lubeni | Elisa mwanaakwe Sheduwa |
| Bwasanu | Simyoni | Shelumyelo mwanaakwe Sulishadayi |
| Bwasanu abomwi | Gadi | Eliyasafu mwanaakwe Dewelo |
| Bwasanu ashobilo | Efuleemu | Elishama mwanaakwe Amiyudi |
| Bwasanu ashotatwe | Manase | Gamalyelo mwanaakwe Pedasa |
| Bwasanu ashone | Benjameni | Abidani mwanaakwe Gidyoni |
| Bwalikumi | Dani | Ayiyesa mwanaakwe Amishadayi |
| Bwalikumi abomwi | Asha | Pagiyelo mwanaakwe Okulani |
| Bwalikumi ashobilo | Nafutali | Ayila mwanaakwe Enani |
Anu shipo shakaleta muntu womwi awomwi shakalinga kukoshenye. Womwi awomwi wakaleta mbale ifongomene ya silifa yomwi ilema magilamu ali 1,500, alimwi ambale ya silifa yakusambilaamo ilema magilamu ali 800, kweelana acipimo cakasuminishikwa. Shoonse shobilo shakalinga kuswite fulaulo usenkene amafuta ayi ncipo ca fulaulo. Bakapa ambale ifongomene ya golodi yomwi yakalinga kulema magilamu ali 110 aswite tununkila kabotu. Bakaleta amucende mwaana womwi, mbelele isankwa yomwi, mwanaambelele womwi ucite mwaaka ayi ngumulambu wakutenta, mpongo yomwi ayi ngumulambu wakulekelelwa shibiibi, alimwi abacende bobilo, mbelele shisankwa shosanwe, mpongo shosanwe, abana ba mbelele bosanwe bacite mwaaka ayi ngumulambu wa bwanabwankashi.
84-88Nkokwaamba ayi shipo shoonse shakaleta bamatanjilili bali likumi abobilo ayi nshakusebensesha pakubengwa kwa cipaililo shakakumana bobulya.
—Mbale shifongomene sha silifa shili likumi ashobilo alimwi ambale shakusambilaamo sha silifa shili likumi ashobilo, pantu pomwi shoonse shakalinga kulema magilamu ali 27,600.
—Mbale shifongomene sha golodi isho shakalinga kulema magilamu ali 1,320, isho shakalinga kuswite tununkila kabotu.
—Bacende bali likumi abobilo, mbelele shisankwa likumi ashobilo, alimwi ambelele shili likumi ashobilo shicite mwaaka womwi ayi njimilambu yakutenta.
—Mpongo shili likumi ashobilo ayi njimilambu yakulekelelwa shibiibi.
—Bacende bali makumi obilo abone, mbelele shisankwa shili makumi osanwe alyomwi, mpongo shili makumi osanwe alyomwi, alimwi ambelele shicite mwaaka shili makumi osanwe alyomwi ayi njimilambu ya bwanabwankashi.
89Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.