Shakubelenga 4
4
Milimo ya bene Lefi ba mucipani cakwe Koati
1Mpomunyaawo Mwaami Lesa wakaambila Mose aAloni ayi, 2“Belenga bene Lefi ba mushipani shakwe Koati mumaandaabo, 3akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano. 4Mulimo wa cipani cakwe Koati nkulama shintu shisalalite shiindaawo sha muTente ya Cipangano. 5Na ciindi cakulonga cashikila, Aloni abana bakwe basankwa balyeelete kwinjila muTente akwaangula cisani cakushitilisha cili kunembo lya Libokoshi lya Cipangano alimwi akufweka Libokoshi ilyo ancico. 6Balaakufwekawo cipaya citeshimite, peculu akuyalawo cisani ca mushobo waliculu alimwi akubikamo shisamu shakunyamushaako.
7“Patebulu ya shimaande shipekwa kuMwaami Lesa, balaakuyalawo cisani ca mushobo waliculu akubikawo mbale, mbale shifongomene sha tununkila kabotu, mbale shifongomene sha shipo alimwi amingomo ya shipo sha cakunwa. Patebulu apo palyeelete kunoocanika shimaande lyoonse. 8Ono pashintu shoonse ishi, bakafwekewo cisani cisalala pyu akwiilikawo cipaya citeshimite. Lyalo bakenjisheemo shisamu shakunyamushaako.
9“Pesule balaakunyamuna cisani ca mushobo waliculu akufweka pacakubikawo malampi, malampi a ncico, mano, mbale shiselebete alimwi ashakubikamo mafuta a olifi shoonse. 10Lyalo balaakucipetelesha ashintu sha ncico shimwi shoonse mucipaya citeshimite alimwi akubika pacakunyamwitaawo.
11“Kuswawaawo balaakuyala cisani ca mushobo waliculu pacipaililo ca golodi, akufwekawo cipaya citeshimite alimwi akwinjishamo shisamu shakunyamushaako. 12Balaakubwesa shintu shoonse shisebenseshekwa muMusena Usalalite akushipetelesha pacisani ca mushobo waliculu, alimwi akwiilikawo cipaya citeshimite peculu. Lyalo nkokushibika pacakunyamwitaawo. 13Mpeeke balaakukusha milota ya pacipaililo ca bulonse alimwi akufwekawo cisani cifubelafubela. 14Ndyeshi bakabikewo shintu shoonse shisebenseshekwa mumilimo ya pacipaililo, shikaye shakubikaawo mulilo, shakusubushako nyama, mafosholo alimwi ambale shifongomene. Kuboolaawo ndyeshi bakafwekewo cipaya citeshimite akwinjishamo shisamu shakunyamushaako.
15“Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.
16“Lakwe Eliyasa mwanaakwe Aloni mupailishi, mulimo wakwe ngwakulama Tente ya Cipangano ashintu shisalalite shoonse shiliimo nkokwaamba ayi mafuta a mumalampi, tununkila kabotu, shipo shili anga ngamaila, mafuta akunanika.”
17Lyalo Mwaami Lesa wakaambila Mose aAloni ayi, 18“Mutaleki cipani cakwe Koati 19ayi bacaikwe kwiinda mukusena muliimfwa lya shintu shisalalite shiindaawo ishi. Ono kwaamba ayi citacitiki ici, Aloni abana bakwe basankwa balaakwinjila mukati akupa muntu womwi awomwi mulimo wakucita alimwi akumulwiita cakunyamuna. 20Sombi na bene Koati benjila muTente akubona bapailishi kababamba shintu shisalalite, nabi kubilwitakobo liinso, balaakufwa.”
Milimo ya bene Lefi ba mucipani cakwe Geshoni
21Mpomunyaawo Mwaami Lesa wakaambila Mose ayi, 22“Belenga bene Lefi ba mushipani shakwe Geshoni mumaandaabo. 23Lyalo ulembe basankwa boonse bacite myaaka kuswa pamakumi otatwe akweela pamakumi osanwe, nkokwaamba ayi boonse beelete kusebensa muTente ya Cipangano. 24Balo balaakuba amulimo wakunyamuna 25shisani sha Tente, Tente ya Cipangano, cakufweka peculu ca mukati, cakufweka peculu ca pansengwe ca cipaya citeshimite, cisani cakushitilisha kumulyango, 26shisani shakushitilisha antaambo sha kulushito lushingulukite Tente alimwi acipaililo, shisani shakushitilisha kumulyango wa lushito alimwi ashintu shoonse shibikwaako pakwiiyaka. Nkokwaamba ayi bamucipani cakwe Geshoni mbeshi bakacite milimo yoonse iyandika kushintu ishi. 27Aloni abana bakwe basankwa balaakweendelesha bene Geshoni mumulimo wakunyamuna nabi milimo imwi. Balo balyeelete kubalwiita shintu shoonse isho nshebeelete kunyamuna. 28Anu iyi njemilimo ya cipani cakwe Geshoni muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”
Milimo ya bene Lefi ba mucipani cakwe Melali
29Mpomunyaawo Mwaami Lesa wakaambila Mose aAloni ayi, “Belenga bene Lefi ba mushipani shakwe Melali mumaandaabo, 30akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano. 31Balo mulimo wabo ngwakunyamuna shintu sha makonko one sha shisamu, mbaalo, shisamu alimwi ashapanshi sha kuTente. 32Balaakunyamuna ashisamu, shapanshi sha bulonse, mpoopo, alimwi antaambo shakulushito lushingulukite Tente, kubikaawo ashintu shimwi shoonse shibikwaako pakwiiyaka. Muntu womwi awomwi ulaakupekwa mulimo ngweelete kucita. 33Anu iyi njemilimo ya cipani cakwe melali muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”
Kubelengwa kwa bene Lefi
34Mpomunyaawo Mose, Aloni alimwi abamatanjilili ba bene Isilaeli bakabelenga bene Koati mushipani alimwi amumaandaabo. 35Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 36ndibakabelengwa mushipani shabo bakakumana 2,750. 37Nkokwaamba ayi abo mbobantu boonse ba mushipani shakwe Koati, abo bakalinga kusebensa muTente ya Cipangano. Mose aAloni bakababelenga kweelana aMwaami Lesa mbwaakaambila Mose.
38Bene Geshoni abalo bakabelengwa kwiinda mushipani alimwi amumaandaabo. 39Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 40ndibakabelengwa mushipani amumaandaabo bakakumana 2,630. 41Nkokwaamba ayi abo mbobantu boonse ba mushipani shakwe Geshoni, abo bakalinga kusebensa muTente ya Cipangano. Mose aAloni bakababelenga kweelana aMwaami Lesa mbwaakaambila Mose.
42Kuboolaawo bene Melali abalo bakabelengwa kwiinda mushipani alimwi amumaandaabo. 43Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 44ndibakabelengwa mushipani amumaandaabo bakakumana 3,200. 45Nkokwaamba ayi abo mbobantu boonse ba mushipani shakwe Melali. Mose aAloni bakababelenga kweelana aMwaami Lesa mbwaakaambila Mose.
46Aboobo, Mose, Aloni alimwi abamatanjilili ba bene Isilaeli bakabelenga bene Lefi boonse kwiinda mushipani shabo alimwi amumaandaabo. 47Nkokwaamba ayi basankwa boonse bakalinga kucite myaaka kuswa pamakumi otatwe akweela pamakumi osanwe, abo bakalinga kusebensela Tente ya Cipangano akwiinyamuna 48boonse pantu pomwi bakakumana 8,580. 49Ono kweelana aMwaami Lesa mbwaakaambila Mose muntu womwi awomwi wakapekwa mulimo alimwi akulwiitwa cakunyamuna.
Aboobo boonse bakabelengwa kweelana aMwaami Lesa mbwaakaambila Mose.
Currently Selected:
Shakubelenga 4: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 4
4
Milimo ya bene Lefi ba mucipani cakwe Koati
1Mpomunyaawo Mwaami Lesa wakaambila Mose aAloni ayi, 2“Belenga bene Lefi ba mushipani shakwe Koati mumaandaabo, 3akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano. 4Mulimo wa cipani cakwe Koati nkulama shintu shisalalite shiindaawo sha muTente ya Cipangano. 5Na ciindi cakulonga cashikila, Aloni abana bakwe basankwa balyeelete kwinjila muTente akwaangula cisani cakushitilisha cili kunembo lya Libokoshi lya Cipangano alimwi akufweka Libokoshi ilyo ancico. 6Balaakufwekawo cipaya citeshimite, peculu akuyalawo cisani ca mushobo waliculu alimwi akubikamo shisamu shakunyamushaako.
7“Patebulu ya shimaande shipekwa kuMwaami Lesa, balaakuyalawo cisani ca mushobo waliculu akubikawo mbale, mbale shifongomene sha tununkila kabotu, mbale shifongomene sha shipo alimwi amingomo ya shipo sha cakunwa. Patebulu apo palyeelete kunoocanika shimaande lyoonse. 8Ono pashintu shoonse ishi, bakafwekewo cisani cisalala pyu akwiilikawo cipaya citeshimite. Lyalo bakenjisheemo shisamu shakunyamushaako.
9“Pesule balaakunyamuna cisani ca mushobo waliculu akufweka pacakubikawo malampi, malampi a ncico, mano, mbale shiselebete alimwi ashakubikamo mafuta a olifi shoonse. 10Lyalo balaakucipetelesha ashintu sha ncico shimwi shoonse mucipaya citeshimite alimwi akubika pacakunyamwitaawo.
11“Kuswawaawo balaakuyala cisani ca mushobo waliculu pacipaililo ca golodi, akufwekawo cipaya citeshimite alimwi akwinjishamo shisamu shakunyamushaako. 12Balaakubwesa shintu shoonse shisebenseshekwa muMusena Usalalite akushipetelesha pacisani ca mushobo waliculu, alimwi akwiilikawo cipaya citeshimite peculu. Lyalo nkokushibika pacakunyamwitaawo. 13Mpeeke balaakukusha milota ya pacipaililo ca bulonse alimwi akufwekawo cisani cifubelafubela. 14Ndyeshi bakabikewo shintu shoonse shisebenseshekwa mumilimo ya pacipaililo, shikaye shakubikaawo mulilo, shakusubushako nyama, mafosholo alimwi ambale shifongomene. Kuboolaawo ndyeshi bakafwekewo cipaya citeshimite akwinjishamo shisamu shakunyamushaako.
15“Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.
16“Lakwe Eliyasa mwanaakwe Aloni mupailishi, mulimo wakwe ngwakulama Tente ya Cipangano ashintu shisalalite shoonse shiliimo nkokwaamba ayi mafuta a mumalampi, tununkila kabotu, shipo shili anga ngamaila, mafuta akunanika.”
17Lyalo Mwaami Lesa wakaambila Mose aAloni ayi, 18“Mutaleki cipani cakwe Koati 19ayi bacaikwe kwiinda mukusena muliimfwa lya shintu shisalalite shiindaawo ishi. Ono kwaamba ayi citacitiki ici, Aloni abana bakwe basankwa balaakwinjila mukati akupa muntu womwi awomwi mulimo wakucita alimwi akumulwiita cakunyamuna. 20Sombi na bene Koati benjila muTente akubona bapailishi kababamba shintu shisalalite, nabi kubilwitakobo liinso, balaakufwa.”
Milimo ya bene Lefi ba mucipani cakwe Geshoni
21Mpomunyaawo Mwaami Lesa wakaambila Mose ayi, 22“Belenga bene Lefi ba mushipani shakwe Geshoni mumaandaabo. 23Lyalo ulembe basankwa boonse bacite myaaka kuswa pamakumi otatwe akweela pamakumi osanwe, nkokwaamba ayi boonse beelete kusebensa muTente ya Cipangano. 24Balo balaakuba amulimo wakunyamuna 25shisani sha Tente, Tente ya Cipangano, cakufweka peculu ca mukati, cakufweka peculu ca pansengwe ca cipaya citeshimite, cisani cakushitilisha kumulyango, 26shisani shakushitilisha antaambo sha kulushito lushingulukite Tente alimwi acipaililo, shisani shakushitilisha kumulyango wa lushito alimwi ashintu shoonse shibikwaako pakwiiyaka. Nkokwaamba ayi bamucipani cakwe Geshoni mbeshi bakacite milimo yoonse iyandika kushintu ishi. 27Aloni abana bakwe basankwa balaakweendelesha bene Geshoni mumulimo wakunyamuna nabi milimo imwi. Balo balyeelete kubalwiita shintu shoonse isho nshebeelete kunyamuna. 28Anu iyi njemilimo ya cipani cakwe Geshoni muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”
Milimo ya bene Lefi ba mucipani cakwe Melali
29Mpomunyaawo Mwaami Lesa wakaambila Mose aAloni ayi, “Belenga bene Lefi ba mushipani shakwe Melali mumaandaabo, 30akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano. 31Balo mulimo wabo ngwakunyamuna shintu sha makonko one sha shisamu, mbaalo, shisamu alimwi ashapanshi sha kuTente. 32Balaakunyamuna ashisamu, shapanshi sha bulonse, mpoopo, alimwi antaambo shakulushito lushingulukite Tente, kubikaawo ashintu shimwi shoonse shibikwaako pakwiiyaka. Muntu womwi awomwi ulaakupekwa mulimo ngweelete kucita. 33Anu iyi njemilimo ya cipani cakwe melali muTente ya Cipangano. Balaakwiicita kwiinda mukutanjililwa aItama mwanaakwe Aloni mupailishi.”
Kubelengwa kwa bene Lefi
34Mpomunyaawo Mose, Aloni alimwi abamatanjilili ba bene Isilaeli bakabelenga bene Koati mushipani alimwi amumaandaabo. 35Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 36ndibakabelengwa mushipani shabo bakakumana 2,750. 37Nkokwaamba ayi abo mbobantu boonse ba mushipani shakwe Koati, abo bakalinga kusebensa muTente ya Cipangano. Mose aAloni bakababelenga kweelana aMwaami Lesa mbwaakaambila Mose.
38Bene Geshoni abalo bakabelengwa kwiinda mushipani alimwi amumaandaabo. 39Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 40ndibakabelengwa mushipani amumaandaabo bakakumana 2,630. 41Nkokwaamba ayi abo mbobantu boonse ba mushipani shakwe Geshoni, abo bakalinga kusebensa muTente ya Cipangano. Mose aAloni bakababelenga kweelana aMwaami Lesa mbwaakaambila Mose.
42Kuboolaawo bene Melali abalo bakabelengwa kwiinda mushipani alimwi amumaandaabo. 43Ono basankwa boonse bakalinga kucite myaaka kuswa pamakumi otatwe akweela pamakumi osanwe, abo bakesa mukusebensa muTente ya Cipangano, 44ndibakabelengwa mushipani amumaandaabo bakakumana 3,200. 45Nkokwaamba ayi abo mbobantu boonse ba mushipani shakwe Melali. Mose aAloni bakababelenga kweelana aMwaami Lesa mbwaakaambila Mose.
46Aboobo, Mose, Aloni alimwi abamatanjilili ba bene Isilaeli bakabelenga bene Lefi boonse kwiinda mushipani shabo alimwi amumaandaabo. 47Nkokwaamba ayi basankwa boonse bakalinga kucite myaaka kuswa pamakumi otatwe akweela pamakumi osanwe, abo bakalinga kusebensela Tente ya Cipangano akwiinyamuna 48boonse pantu pomwi bakakumana 8,580. 49Ono kweelana aMwaami Lesa mbwaakaambila Mose muntu womwi awomwi wakapekwa mulimo alimwi akulwiitwa cakunyamuna.
Aboobo boonse bakabelengwa kweelana aMwaami Lesa mbwaakaambila Mose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.