Bene Lefi 25
25
Mwaaka wasanu ayobilo
(Duto 15:1-11)
1Mpeeke Mwaami Lesa wakaambila Mose paKalundu ka Sinayi ayi, 2“Lwiita bene Isilaeli milasho iyi. Na mukenjile mucishi ncentoomupa nebo neMwaami Lesa, mulyeelete kumpa bulemu kwiinda mukutanoolima myuunda yanu mumwaaka woonse wasanu ayobilo. 3Mumyaaka yosanwe awomwi, mulaakunooshanga mumyuunda yanu, kutimbula misampi yamweela kushisamu sha minyansa alimwi akutebula shishango shanu. 4Sombi mwaaka wasanu ayobilo ngwakookesha kwa cishi, mwaaka wakabikwa palubasu ayi ngwa Mwaami Lesa. Tamweelete kushanga mumyuunda yanu nabi kutimbula misampi yamweela kushisamu sha minyansa. 5Tamweelete kutebula nabi shishango shakalimenena, nabibo kuyapa shisepo sha minyansa kushisamu shitana kutimboolwa misampi yamweela, ceebo mwaaka uyu ngwakookesha kwa cishi. 6Nacibi kwaamba ayi cishi teshi cikaliimwe mumwaaka uyo, mwebo cilaakumupa shakulya, abasha banu, basebenshi banu, baswamashi mbomwikalaabo, 7banyama banu mbomufubite alimwi abanyama bamuluundu. Shoonse sheshi shikaswe mucishi, shilyeelete kulikwa.#Kulo 23:10-11
Mwaaka wa Lwaanguluko
8“Mubelenge myaaka yosanwe ayobilo akwiifusha mankanda osanwe awobilo, nkokwaamba ayi pantu pomwi myaaka ilaakuba makumi one ayosanwe alimwi ayone. 9Ono pabushiku bwalikumi mumweenshi wasanu ayobilo, bushiku bwakusalashikwa kuswa kushibiibi, mukatume muntu eshi akanooya cilisha lupeenga mucishi coonse. 10Munshila iyi, mulaakupatula mwaaka wamakumi osanwe akwaambilisha lwaanguluko kubantu boonse ba mucishi. Mumwaaka uyu, shoonse shintu shakoolishikwa shilaakubooshekwa kubeene nabi kubamulunyungu lwabo. Uyo woonse wakoolishikwa busha ulaakubooshekwa kumishaabo. 11Teshi mukashange mumyuunda yanu, kutebula shakulya shakulimenena nabi kuyapa shisepo sha minyansa kushisamu shitana kutimbulwa misampi yamweela. 12Anu mwaaka uyu woonse ulaakunoosalalite kuli ndimwe. Mulaakunoolyabo sheesho shilimenena mumyuunda.
13“Mumwaaka ngomunya uyu, myuunda yakoolishikwa ilaakubooshekwa kubeene bataanshi. 14Aboobo na moolisha nabi kuula muunda kumwine Isilaelinyinaanu, kuteelesha kunyengelela. 15Mulyeelete kuulisha kweelana amyaaka iyo njeshi muunda ukakushe shakulya kootana kushikila Mwaaka wa Lwaanguluko. 16Na kucili myaaka iinji, mulaakuulisha maali aanji, sombi na kuli myaaka iniini, aalo maali alaakuceya ceebo citokuulishikwa nshakulya isho nsheshi shikaswe mumuunda uyo. 17Tamweelete kunyengelela mwine Isilaelinyinaanu, sombi munyumfwile nebo neLesa wanu. Ndime Mwaami Lesa, Lesa wanu.
Mwiipusho wa pamwaaka wasanu ayobilo
18“Amukonkele milawo yoonse ya Mwaami Lesa amilasho yakwe, kwaamba ayi mukanookala kabotu mucishi ico. 19Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.
20“Sombi muntu umwi inga weepusha ayi, ‘Nshakulyanshi sheshi shikabeeko mumwaaka wasanu ayobilo myuunda ndyeshi ikabule kushangwa alimwi ashakulya ndyeshi shikabule kutebulwa?’ 21Mwaami Lesa ulaakupa cishi coolwe mumwaaka wasanu awomwi kwaamba ayi mukaswe shakulya shikwana myaaka yobilo. 22Na mukashange mumyuunda yanu mumwaaka wasanu ayotatwe, mulaakunoocilyabo sheesho nshemwakatebula mumwaaka wasanu awomwi, alimwi mulaakuba ashakulya sheshi shikamushishe kuciindi cakutebula sheesho nshemwakashanga.
Kuboosha myuunda kubeene
23“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.
24“Na muunda woolishikwa, mulyeelete kwishiba ayi mwine muunda uyo ulicite nkusu shakuula alimwi. 25Ono na mwine Isilaeli waba mukandu akuulisha muunda wakwe ceebo ca bukandu, mukwabo mwiine mwiine ulyeelete kuula muunda uyo alimwi. 26Musankwa utacite mukwabo weenga woola muunda uyo wakoolishikwa, ono kunembo mwiine wabila cakukonsha kuwuula alimwi, 27ulyeelete kulipila wooyo wakoola kweelana amyaaka yacalaako ayi ushikile Mwaaka wa Lwaanguluko, ciindi ico ncaaelete kubooshelwa muunda wakwe. 28Sombi na taacite maali akwana kuula muunda uyo alimwi, inga koolibo wa wooyo wakawuula kushikila muMwaaka wa Lwaanguluko. Mumwaaka uyo, ulaakubooshekwa kumwiine.
29“Na muntu woolisha ŋanda mundabala inene ili mulilinga, ulicite nkusu shakuyuula alimwi kootana kumana mwaaka womwi kuswa pabushiku mboyakoolishikwa. 30Sombi na wabula kuyuula alimwi mumwaaka ngomunya uyo, taasuminishikwi kuyuula alimwi. Lyalo ilabeta limwi ya wooyo wakoola abamulunyungu lwakwe, nkokwaamba ayi teshi ikabooshekwe muMwaaka wa Lwaanguluko. 31Alo maanda a mumishi atacite malinga alyeelete kubabo anga njimyuunda. Beene maanda bataanshi balicite nkusu shakwaawula, alimwi alyeelete kubooshekwa muMwaaka wa Lwaanguluko. 32Nacibi boobo, bene Lefi balo balicite nkusu ciindi cili coonse shakuula maandaabo alimwi mumandabala anene ayo ngobakapekwa. 33Na ŋanda imwi mumandabala anene aya mwine Lefi wayuulisha, ono yabula kubooshekwa, muMwaaka wa Lwaanguluko ilyeelete kubooshekwa. Mukwiinga maanda ayo bene Lefi ngobacite mumandabalaabo anene nganebo lyoonse pakati ka bene Isilaeli. 34Sombi musena wakweembelelako ushingulukite mandabalaabo anene teshi ukanokuulishikwaawo. Ngunebo lyoonse alyoonse.
Kukweletesha bakandu
35“Na mwine Isilaelinyoko ngobambenaakwe waba mukandu akunokwaalilwa kulicafwa, ulyeelete kumucafwa bweenka mbweenga wacafwa musebenshi, kwaamba ayi atolelele kunookala pafwaafwi awebo.#Duto 15:7-8 36Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo. 37Na wamukweletesha, utamusesi kwiinda pamaali ngowakamupa. Alimwi na wamuulisha cakulya, utamulipilishi kwiinda pamaali ngomwakapangana.#Kulo 22:25; Duto 23:19-20 38Uyu ngumulawo kuswa kuli ndime neMwaami Lesa wanu, uyo wakamukusha mucishi ca Ijipiti ayi akamupe cishi ca Kenani alimwi akuba Lesa wanu.
Kwaangulula basha
39“Ono na mwine Isilaelinyoko ngobambenaakwe waba mukandu cakwaamba ayi walyuulisha kuli ndiwe ayi abe musha, utakamusebenseshi mushila ya busha. 40Ulyeelete kwikala awebo anga ngumusebenshi wako, akukusebensela kushikila Mwaaka wa Lwaanguluko. 41Paciindi ico lakwe alimwi abana bakwe balyeelete kuboolela kubeshikamukowa akumyuunda ya bamashali bakwe bakulukulu. 42Anu bene Isilaeli mbasha bangu neMwaami Lesa, nebo nendakabakusha mucishi ca Ijipiti. Paceebo ceeci tabeelete kuulishikwa ayi babe basha. 43Tamweelete kuba alunkutwe kuli mbabo, sombi munyumfwile nebo neLesa wanu. 44Na mulisuni basha basankwa nabi banakashi, mulyeelete kuboola kumishobo imwi imushingulukite, 45alimwi inga mwoola abana ba baswamashi mbomushitaabo. Baana ba mbuli baabo bakashalilwa mucishi canu inga baba banenu. 46Na mwafwa, inga baba ba bana banu akubasebensela mubuumi bwabo boonse. Sombi tamweelete kuba alunkutwe kumwine Isilaelinyinaanu uli woonse.#Kulo 21:2-6; Duto 15:12-18
47“Ono na muswamashi ngoshiitaakwe wabila, sombi mwine Isilaelinyoko waba mukandu akulyuulisha busha kumuswamashi uyo nabi womwi wa muŋanda yakwe, 48ulicite nkusu shakulubulwa nabi wakalyuulisha. Mukwabo umwi 49nabi bashimishaabo, mupyala wakwe nabibo umwi shikamukowa inga wamuula alimwi. Na mwiine waba amaali, ulakonsha kulilubula. 50Ulyeelete kubandika awooyo wakamuula, akubelenga myaaka kuswa ciindi ndyaakalyuulisha kushikila amuMwaaka wa Lwaanguluko. Mpeeke malipilo a kwaangululwa kwakwe alyeelete kuba mumweelo wa maali afola musebenshi. 51Ono na kwacaala myaaka iinji kushika muMwaaka wa Lwaanguluko utoosa, ulyeelete kulipila maali aanji kwaamba ayi alubuke, kwiinda aayo ngaakoolwa. 52Sombi na kwacaalabo myaaka iniini, ulyeelete kulipila maali aniini kweelana amyaaka yacaalaako. 53Ulyeelete kuba anga ngumusebenshi usebensa cipangano ca mwaaka womwi awomwi. Sombi uyo wakamuula teelete kumusebensesha calunkutwe. 54Na taakwe kwaangululwa munshila yomwi ya sheeshi, lakwe abana bakwe balyeelete kwaangululwa muMwaaka wa Lwaanguluko utoosa, 55mukwiinga bene Isilaeli mbasha bangu neMwaami Lesa. Ndime ndakabakusha mucishi ca Ijipiti alimwi ndi Mwaami Lesa, Lesa wabo.”
Currently Selected:
Bene Lefi 25: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 25
25
Mwaaka wasanu ayobilo
(Duto 15:1-11)
1Mpeeke Mwaami Lesa wakaambila Mose paKalundu ka Sinayi ayi, 2“Lwiita bene Isilaeli milasho iyi. Na mukenjile mucishi ncentoomupa nebo neMwaami Lesa, mulyeelete kumpa bulemu kwiinda mukutanoolima myuunda yanu mumwaaka woonse wasanu ayobilo. 3Mumyaaka yosanwe awomwi, mulaakunooshanga mumyuunda yanu, kutimbula misampi yamweela kushisamu sha minyansa alimwi akutebula shishango shanu. 4Sombi mwaaka wasanu ayobilo ngwakookesha kwa cishi, mwaaka wakabikwa palubasu ayi ngwa Mwaami Lesa. Tamweelete kushanga mumyuunda yanu nabi kutimbula misampi yamweela kushisamu sha minyansa. 5Tamweelete kutebula nabi shishango shakalimenena, nabibo kuyapa shisepo sha minyansa kushisamu shitana kutimboolwa misampi yamweela, ceebo mwaaka uyu ngwakookesha kwa cishi. 6Nacibi kwaamba ayi cishi teshi cikaliimwe mumwaaka uyo, mwebo cilaakumupa shakulya, abasha banu, basebenshi banu, baswamashi mbomwikalaabo, 7banyama banu mbomufubite alimwi abanyama bamuluundu. Shoonse sheshi shikaswe mucishi, shilyeelete kulikwa.#Kulo 23:10-11
Mwaaka wa Lwaanguluko
8“Mubelenge myaaka yosanwe ayobilo akwiifusha mankanda osanwe awobilo, nkokwaamba ayi pantu pomwi myaaka ilaakuba makumi one ayosanwe alimwi ayone. 9Ono pabushiku bwalikumi mumweenshi wasanu ayobilo, bushiku bwakusalashikwa kuswa kushibiibi, mukatume muntu eshi akanooya cilisha lupeenga mucishi coonse. 10Munshila iyi, mulaakupatula mwaaka wamakumi osanwe akwaambilisha lwaanguluko kubantu boonse ba mucishi. Mumwaaka uyu, shoonse shintu shakoolishikwa shilaakubooshekwa kubeene nabi kubamulunyungu lwabo. Uyo woonse wakoolishikwa busha ulaakubooshekwa kumishaabo. 11Teshi mukashange mumyuunda yanu, kutebula shakulya shakulimenena nabi kuyapa shisepo sha minyansa kushisamu shitana kutimbulwa misampi yamweela. 12Anu mwaaka uyu woonse ulaakunoosalalite kuli ndimwe. Mulaakunoolyabo sheesho shilimenena mumyuunda.
13“Mumwaaka ngomunya uyu, myuunda yakoolishikwa ilaakubooshekwa kubeene bataanshi. 14Aboobo na moolisha nabi kuula muunda kumwine Isilaelinyinaanu, kuteelesha kunyengelela. 15Mulyeelete kuulisha kweelana amyaaka iyo njeshi muunda ukakushe shakulya kootana kushikila Mwaaka wa Lwaanguluko. 16Na kucili myaaka iinji, mulaakuulisha maali aanji, sombi na kuli myaaka iniini, aalo maali alaakuceya ceebo citokuulishikwa nshakulya isho nsheshi shikaswe mumuunda uyo. 17Tamweelete kunyengelela mwine Isilaelinyinaanu, sombi munyumfwile nebo neLesa wanu. Ndime Mwaami Lesa, Lesa wanu.
Mwiipusho wa pamwaaka wasanu ayobilo
18“Amukonkele milawo yoonse ya Mwaami Lesa amilasho yakwe, kwaamba ayi mukanookala kabotu mucishi ico. 19Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.
20“Sombi muntu umwi inga weepusha ayi, ‘Nshakulyanshi sheshi shikabeeko mumwaaka wasanu ayobilo myuunda ndyeshi ikabule kushangwa alimwi ashakulya ndyeshi shikabule kutebulwa?’ 21Mwaami Lesa ulaakupa cishi coolwe mumwaaka wasanu awomwi kwaamba ayi mukaswe shakulya shikwana myaaka yobilo. 22Na mukashange mumyuunda yanu mumwaaka wasanu ayotatwe, mulaakunoocilyabo sheesho nshemwakatebula mumwaaka wasanu awomwi, alimwi mulaakuba ashakulya sheshi shikamushishe kuciindi cakutebula sheesho nshemwakashanga.
Kuboosha myuunda kubeene
23“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.
24“Na muunda woolishikwa, mulyeelete kwishiba ayi mwine muunda uyo ulicite nkusu shakuula alimwi. 25Ono na mwine Isilaeli waba mukandu akuulisha muunda wakwe ceebo ca bukandu, mukwabo mwiine mwiine ulyeelete kuula muunda uyo alimwi. 26Musankwa utacite mukwabo weenga woola muunda uyo wakoolishikwa, ono kunembo mwiine wabila cakukonsha kuwuula alimwi, 27ulyeelete kulipila wooyo wakoola kweelana amyaaka yacalaako ayi ushikile Mwaaka wa Lwaanguluko, ciindi ico ncaaelete kubooshelwa muunda wakwe. 28Sombi na taacite maali akwana kuula muunda uyo alimwi, inga koolibo wa wooyo wakawuula kushikila muMwaaka wa Lwaanguluko. Mumwaaka uyo, ulaakubooshekwa kumwiine.
29“Na muntu woolisha ŋanda mundabala inene ili mulilinga, ulicite nkusu shakuyuula alimwi kootana kumana mwaaka womwi kuswa pabushiku mboyakoolishikwa. 30Sombi na wabula kuyuula alimwi mumwaaka ngomunya uyo, taasuminishikwi kuyuula alimwi. Lyalo ilabeta limwi ya wooyo wakoola abamulunyungu lwakwe, nkokwaamba ayi teshi ikabooshekwe muMwaaka wa Lwaanguluko. 31Alo maanda a mumishi atacite malinga alyeelete kubabo anga njimyuunda. Beene maanda bataanshi balicite nkusu shakwaawula, alimwi alyeelete kubooshekwa muMwaaka wa Lwaanguluko. 32Nacibi boobo, bene Lefi balo balicite nkusu ciindi cili coonse shakuula maandaabo alimwi mumandabala anene ayo ngobakapekwa. 33Na ŋanda imwi mumandabala anene aya mwine Lefi wayuulisha, ono yabula kubooshekwa, muMwaaka wa Lwaanguluko ilyeelete kubooshekwa. Mukwiinga maanda ayo bene Lefi ngobacite mumandabalaabo anene nganebo lyoonse pakati ka bene Isilaeli. 34Sombi musena wakweembelelako ushingulukite mandabalaabo anene teshi ukanokuulishikwaawo. Ngunebo lyoonse alyoonse.
Kukweletesha bakandu
35“Na mwine Isilaelinyoko ngobambenaakwe waba mukandu akunokwaalilwa kulicafwa, ulyeelete kumucafwa bweenka mbweenga wacafwa musebenshi, kwaamba ayi atolelele kunookala pafwaafwi awebo.#Duto 15:7-8 36Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo. 37Na wamukweletesha, utamusesi kwiinda pamaali ngowakamupa. Alimwi na wamuulisha cakulya, utamulipilishi kwiinda pamaali ngomwakapangana.#Kulo 22:25; Duto 23:19-20 38Uyu ngumulawo kuswa kuli ndime neMwaami Lesa wanu, uyo wakamukusha mucishi ca Ijipiti ayi akamupe cishi ca Kenani alimwi akuba Lesa wanu.
Kwaangulula basha
39“Ono na mwine Isilaelinyoko ngobambenaakwe waba mukandu cakwaamba ayi walyuulisha kuli ndiwe ayi abe musha, utakamusebenseshi mushila ya busha. 40Ulyeelete kwikala awebo anga ngumusebenshi wako, akukusebensela kushikila Mwaaka wa Lwaanguluko. 41Paciindi ico lakwe alimwi abana bakwe balyeelete kuboolela kubeshikamukowa akumyuunda ya bamashali bakwe bakulukulu. 42Anu bene Isilaeli mbasha bangu neMwaami Lesa, nebo nendakabakusha mucishi ca Ijipiti. Paceebo ceeci tabeelete kuulishikwa ayi babe basha. 43Tamweelete kuba alunkutwe kuli mbabo, sombi munyumfwile nebo neLesa wanu. 44Na mulisuni basha basankwa nabi banakashi, mulyeelete kuboola kumishobo imwi imushingulukite, 45alimwi inga mwoola abana ba baswamashi mbomushitaabo. Baana ba mbuli baabo bakashalilwa mucishi canu inga baba banenu. 46Na mwafwa, inga baba ba bana banu akubasebensela mubuumi bwabo boonse. Sombi tamweelete kuba alunkutwe kumwine Isilaelinyinaanu uli woonse.#Kulo 21:2-6; Duto 15:12-18
47“Ono na muswamashi ngoshiitaakwe wabila, sombi mwine Isilaelinyoko waba mukandu akulyuulisha busha kumuswamashi uyo nabi womwi wa muŋanda yakwe, 48ulicite nkusu shakulubulwa nabi wakalyuulisha. Mukwabo umwi 49nabi bashimishaabo, mupyala wakwe nabibo umwi shikamukowa inga wamuula alimwi. Na mwiine waba amaali, ulakonsha kulilubula. 50Ulyeelete kubandika awooyo wakamuula, akubelenga myaaka kuswa ciindi ndyaakalyuulisha kushikila amuMwaaka wa Lwaanguluko. Mpeeke malipilo a kwaangululwa kwakwe alyeelete kuba mumweelo wa maali afola musebenshi. 51Ono na kwacaala myaaka iinji kushika muMwaaka wa Lwaanguluko utoosa, ulyeelete kulipila maali aanji kwaamba ayi alubuke, kwiinda aayo ngaakoolwa. 52Sombi na kwacaalabo myaaka iniini, ulyeelete kulipila maali aniini kweelana amyaaka yacaalaako. 53Ulyeelete kuba anga ngumusebenshi usebensa cipangano ca mwaaka womwi awomwi. Sombi uyo wakamuula teelete kumusebensesha calunkutwe. 54Na taakwe kwaangululwa munshila yomwi ya sheeshi, lakwe abana bakwe balyeelete kwaangululwa muMwaaka wa Lwaanguluko utoosa, 55mukwiinga bene Isilaeli mbasha bangu neMwaami Lesa. Ndime ndakabakusha mucishi ca Ijipiti alimwi ndi Mwaami Lesa, Lesa wabo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.