Bene Lefi 24
24
Kulama malampi
(Kulo 27:20-21)
1Mpeeke Mwaami Lesa wakaambila Mose ayi, 2“Ambila bene Isilaeli ayi balete mafuta a olifi ayo abotu abuumbi amumalampi muTente, kwaamba ayi munooba mumuni lyoonsebo. 3Macolesha lyoonse Aloni ulyeelete kunokwaanyasha akubona ayi anoobucesha kunembo lyangu neMwaami Lesa, nkokwaamba ayi pansengwe lya cisani cakushitilisha, kunembo lya Libokoshi lya Cipangano lili muMusena Usalalite Wiindaawo. Mulawo uyu ulyeelete kunookonkelwa lyoonsebo mumashalane anu oonse acisa. 4Anu Aloni ulaakunoolama malampi pacakwaabikaawo ca golodi, akubona kwaamba ayi anoonyaka kunembo lyangu neMwaami Lesa lyoonse.
Shimaande shipekwa kuMwaami Lesa
5“Mubwese makilogilamu likumi aobilo a fulaulo akupanga shimaande shili likumi ashobilo. 6Shimaande ishi mushibike mumindando yobilo, shosanwe acomwi mumundando womwi womwi patebulu inanikitwe golodi wiine wiine iyo ili kunembo lyangu neMwaami Lesa.#Kulo 25:30 7Mumindando yoonse yobilo, mubikewo tununkila kabotu ayi cibe anga ncipo ca cakulya kuli ndime neMwaami Lesa pamusena wa shimaande. 8Pabushiku bwakookesha bwa Cibelu bomwi abomwi, kwashiindi shoonse shitoosa, shimaande isho shilyeelete kubikwa kunembo lyangu neMwaami Lesa. Uyu ngumulimo wa bene Isilaeli kwamuyayaya. 9Shimaande ishi nshakwe Aloni alimwi abamulunyungu lwakwe, alimwi balaakushilita mumusena usalalite mukwiinga ncipansha cisalalite abuumbi ca shakulya shipekwa kuli ndime neMwaami Lesa ayi nsha bapailishi.”#Mate 12:4; Maako 2:26; Luka 6:4
Koombolosha kululeme
10-11Ono kwakalinga musankwa umwi wakalinga mwaana wa musankwa mwine Ijipiti amwanakashi mwine Isilaeli wiitwa ayi Shelomiti, mwanaakwe Dibuli wamulunyungu lwakwe Dani. Bumwi bushiku musankwa uyo wakatalika kwaambana amwine Isilaeli umwi mumisumba yabo umo mwaakalinga kwikala. Ndibakalinga kwaambana, musankwa uyo wakacobola Mwaami Lesa mumashingo. Paceebo ceeci bakamutola kuli Mose. 12Lyalo bakamubika mumaansa abeshikulindilila kushikila beshiba mbobeelete kumucita kuswa kuMwaami Lesa.
13Mpeeke Mwaami Lesa wakaambila Mose ayi, 14“Musankwa uyo mukushe mumisumba. Uyo woonse wamunyumfwa kaashingana, ulyeelete kubika maansaakwe pamutwi wa musankwa uyo ayi abe kamboni kukubisha kwakwe. Kuswawaawo, bene Isilaeli boonse balyeelete kumucaya kumabwe. 15Lyalo ulwiite bene Isilaeli boonse ayi uyo woonse ushingana Lesa, ulyeelete kupekwa mulandu 16wakucaikwa. Mwine Isilaeli woonse nabi muswamashi wikala muIsilaeli uyo unshingana nebo neMwaami Lesa, bene Isilaeli boonse balyeelete kumucaya kumabwe.
17“Awooyo woonse ucaya mubye ulyeelete kucaikwa.#Kulo 21:12 18Alakwe uyo ucaya munyama wa mubye, ulyeelete kubooshawo umwi. Mulawo ngwakwaamba ayi paswa buumi palaboola buumi.
19“Ono na muntu wacisa mubye, ico coonse ncaacita kumubye alakwe ncecakumucita. 20Na watyola cifuwa, alakwe nkutyolwa cifuwa, na ndiinso ndyaatulula, alakwe nkutululwa liinso, na wasokola liino, alakwe nkusokolwa liino. Nkokwaamba ayi ubo bweenka mbwaacisa mubye, alakwe mbwaaelete kucisikwa.#Kulo 21:23-25; Duto 19:21; Mate 5:38 21Anu uyo woonse weenga wacaya munyama wa mubye, ulyeelete kubooshawo umbi, sombi uyo woonse ucaya mubye ulyeelete kucaikwa. 22Mulawo uyu ulikumite kuli ndimwe noonse, kubene Isilaeli alimwi abaswamashi abo bekala pakati kanu, mukwiinga nebo ndime Mwaami Lesa, Lesa wanu.”#Shakube 15:16
23Mose ndyaakamana kulwiita boobo bene Isilaeli, musankwa uyo bakamutola pansengwe lya misumba akumucaya kumabwe. Munshila iyi bakacita kweelana aMwaami Lesa mbwaakaambila Mose.
Currently Selected:
Bene Lefi 24: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 24
24
Kulama malampi
(Kulo 27:20-21)
1Mpeeke Mwaami Lesa wakaambila Mose ayi, 2“Ambila bene Isilaeli ayi balete mafuta a olifi ayo abotu abuumbi amumalampi muTente, kwaamba ayi munooba mumuni lyoonsebo. 3Macolesha lyoonse Aloni ulyeelete kunokwaanyasha akubona ayi anoobucesha kunembo lyangu neMwaami Lesa, nkokwaamba ayi pansengwe lya cisani cakushitilisha, kunembo lya Libokoshi lya Cipangano lili muMusena Usalalite Wiindaawo. Mulawo uyu ulyeelete kunookonkelwa lyoonsebo mumashalane anu oonse acisa. 4Anu Aloni ulaakunoolama malampi pacakwaabikaawo ca golodi, akubona kwaamba ayi anoonyaka kunembo lyangu neMwaami Lesa lyoonse.
Shimaande shipekwa kuMwaami Lesa
5“Mubwese makilogilamu likumi aobilo a fulaulo akupanga shimaande shili likumi ashobilo. 6Shimaande ishi mushibike mumindando yobilo, shosanwe acomwi mumundando womwi womwi patebulu inanikitwe golodi wiine wiine iyo ili kunembo lyangu neMwaami Lesa.#Kulo 25:30 7Mumindando yoonse yobilo, mubikewo tununkila kabotu ayi cibe anga ncipo ca cakulya kuli ndime neMwaami Lesa pamusena wa shimaande. 8Pabushiku bwakookesha bwa Cibelu bomwi abomwi, kwashiindi shoonse shitoosa, shimaande isho shilyeelete kubikwa kunembo lyangu neMwaami Lesa. Uyu ngumulimo wa bene Isilaeli kwamuyayaya. 9Shimaande ishi nshakwe Aloni alimwi abamulunyungu lwakwe, alimwi balaakushilita mumusena usalalite mukwiinga ncipansha cisalalite abuumbi ca shakulya shipekwa kuli ndime neMwaami Lesa ayi nsha bapailishi.”#Mate 12:4; Maako 2:26; Luka 6:4
Koombolosha kululeme
10-11Ono kwakalinga musankwa umwi wakalinga mwaana wa musankwa mwine Ijipiti amwanakashi mwine Isilaeli wiitwa ayi Shelomiti, mwanaakwe Dibuli wamulunyungu lwakwe Dani. Bumwi bushiku musankwa uyo wakatalika kwaambana amwine Isilaeli umwi mumisumba yabo umo mwaakalinga kwikala. Ndibakalinga kwaambana, musankwa uyo wakacobola Mwaami Lesa mumashingo. Paceebo ceeci bakamutola kuli Mose. 12Lyalo bakamubika mumaansa abeshikulindilila kushikila beshiba mbobeelete kumucita kuswa kuMwaami Lesa.
13Mpeeke Mwaami Lesa wakaambila Mose ayi, 14“Musankwa uyo mukushe mumisumba. Uyo woonse wamunyumfwa kaashingana, ulyeelete kubika maansaakwe pamutwi wa musankwa uyo ayi abe kamboni kukubisha kwakwe. Kuswawaawo, bene Isilaeli boonse balyeelete kumucaya kumabwe. 15Lyalo ulwiite bene Isilaeli boonse ayi uyo woonse ushingana Lesa, ulyeelete kupekwa mulandu 16wakucaikwa. Mwine Isilaeli woonse nabi muswamashi wikala muIsilaeli uyo unshingana nebo neMwaami Lesa, bene Isilaeli boonse balyeelete kumucaya kumabwe.
17“Awooyo woonse ucaya mubye ulyeelete kucaikwa.#Kulo 21:12 18Alakwe uyo ucaya munyama wa mubye, ulyeelete kubooshawo umwi. Mulawo ngwakwaamba ayi paswa buumi palaboola buumi.
19“Ono na muntu wacisa mubye, ico coonse ncaacita kumubye alakwe ncecakumucita. 20Na watyola cifuwa, alakwe nkutyolwa cifuwa, na ndiinso ndyaatulula, alakwe nkutululwa liinso, na wasokola liino, alakwe nkusokolwa liino. Nkokwaamba ayi ubo bweenka mbwaacisa mubye, alakwe mbwaaelete kucisikwa.#Kulo 21:23-25; Duto 19:21; Mate 5:38 21Anu uyo woonse weenga wacaya munyama wa mubye, ulyeelete kubooshawo umbi, sombi uyo woonse ucaya mubye ulyeelete kucaikwa. 22Mulawo uyu ulikumite kuli ndimwe noonse, kubene Isilaeli alimwi abaswamashi abo bekala pakati kanu, mukwiinga nebo ndime Mwaami Lesa, Lesa wanu.”#Shakube 15:16
23Mose ndyaakamana kulwiita boobo bene Isilaeli, musankwa uyo bakamutola pansengwe lya misumba akumucaya kumabwe. Munshila iyi bakacita kweelana aMwaami Lesa mbwaakaambila Mose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.