Bene Lefi 26
26
Shoolwe shapakunyumfwila
(Duto 7:12-24; 28:1-14)
1Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.#Bene Lefi 19:4; Kulo 20:4; Duto 5:8; 16:21-22; 27:1 2Kamulama nshiku shakookesha sha Shibelu alimwi akulemeka musena usalalite umo momunambilila. Nebo ndime Mwaami Lesa.
3“Na munookala kweelana amilawo yangu alimwi amilasho yangu, 4ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo. 5Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.#Duto 11:13-15; 28:1-14
6“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi. 7Mwebo mulaakukoma balwani banu boonse. 8Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi. 9Nebo ndaakumupa coolwe abaana baanji alimwi ndaakulama cipangano cili pali ndimwe anebo. 10Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya. 11Nebo ndaakunokala pakati kanu muTente yangu ya Cipangano alimwi teshi nkamufutatileewo. 12Anu ndaakunooli amwebo akuba Lesa wanu, amwebo mulaakuba bantu bangu.#2 Koli 6:16 13Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”
Mulandu wakutanyumfwa
(Duto 28:15-68)
14Mwaami Lesa wakaamba ayi, “Na mukabule kukonkela milasho yangu, mulaakupekwa mulandu. 15Na mukakake kukonkela milawo yangu amilasho yangu alimwi akupwaya cipangano cili pali ndimwe anebo, 16ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima. 17Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.
18“Na pakumupolela shoonse ishi mukanoocikakitebo kunyumfwila, ndaakwiindilishawo mankanda osanwe aobilo kumupensha. 19Ndaakumana cimpamya canu cakulisumpula, teshi kukabewo mfula. Aboobo cishi canu cilaakuboolabo nta anga nceela ca nshimbi. 20Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.
21“Ono na mukatolelele kunkaka akutanyumfwila, alimwi ndaakwiindilishawo mankanda osanwe aobilo kumupensha. 22Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.
23“Ono na pakumucitikila mapensho oonse aya mukabule kunyumfwila, sombi mukatolelele kukaka nshemulwiita, 24lyalo ndaakumwaalukila akumupensha mankanda osanwe aobilo kwiinda kataanshi. 25Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu. 26Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.
27“Ono kwisule lya shintu shoonse ishi, na mukanoocikakitebo nshemulwiita akutanyumfwila, 28ndaakumwaalukila akwiindilishaawo alimwi pamapensho anu mankanda osanwe aobilo. 29Mulaakunyumfwa nsala inene abuumbi cakwaamba ayi mulaakunoolya bana banu. 30Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya. 31Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu. 32Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana. 33Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.#Duto 28:15-68 34Lyalo cishi canu cilaakuba amyaaka yakookesha iyo njemwakalinga kukaka kucipa. Cilaakunookookesha ceebo teshi mukabe bantu paciindi ico mwebo nceshi mukanooli mucishi ca balwani banu. 35Cishi ici caakucaala matongo, cilaakuba akookesha nkocatakalinga kubaawo ankuko mwebo kamuciliimo.
36“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo. 37Mulaakulimbana nabi taaku utoomutandaanya alimwi mulaakwaalilwa kulwana amulwani uli woonse. 38Mulaakufwita mucishi ca balwani akubikwa mweenka umo. 39Ono abo beshi bakacaaleewo pakati kanu mushishi sha balwani, balaakunyonyooka ceebo ca bubi bwanu nobeene alimwi abubi bwa bamashali banu bakulukulu.
40“Sombi bamulunyungu lwanu balaakulyaambilila shibiibi shabo alimwi asha bamashali babo bakulukulu, abo bakankaka, kungalukila, 41kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo, 42ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.#Mata 28:13-14; Mata 26:3; Mata 17:7-8 43Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu. 44Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo. 45Ndaakwiibaluka cipangano ico ncendakapanga abamashali babo bakulukulu, ndindakabonesha nkusu shangu kumishobo yoonse kwiinda mukukusha bantu bangu mucishi ca Ijipiti ayi nebo inga ndaba Lesa wabo. Nebo ndime Mwaami Lesa.”
46Anu yoonse iyi njimilawo amilasho iyo Mwaami Lesa njaakapa Mose paKalundu ka Sinayi ayi njabene Isilaeli.
Currently Selected:
Bene Lefi 26: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 26
26
Shoolwe shapakunyumfwila
(Duto 7:12-24; 28:1-14)
1Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.#Bene Lefi 19:4; Kulo 20:4; Duto 5:8; 16:21-22; 27:1 2Kamulama nshiku shakookesha sha Shibelu alimwi akulemeka musena usalalite umo momunambilila. Nebo ndime Mwaami Lesa.
3“Na munookala kweelana amilawo yangu alimwi amilasho yangu, 4ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo. 5Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.#Duto 11:13-15; 28:1-14
6“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi. 7Mwebo mulaakukoma balwani banu boonse. 8Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi. 9Nebo ndaakumupa coolwe abaana baanji alimwi ndaakulama cipangano cili pali ndimwe anebo. 10Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya. 11Nebo ndaakunokala pakati kanu muTente yangu ya Cipangano alimwi teshi nkamufutatileewo. 12Anu ndaakunooli amwebo akuba Lesa wanu, amwebo mulaakuba bantu bangu.#2 Koli 6:16 13Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”
Mulandu wakutanyumfwa
(Duto 28:15-68)
14Mwaami Lesa wakaamba ayi, “Na mukabule kukonkela milasho yangu, mulaakupekwa mulandu. 15Na mukakake kukonkela milawo yangu amilasho yangu alimwi akupwaya cipangano cili pali ndimwe anebo, 16ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima. 17Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.
18“Na pakumupolela shoonse ishi mukanoocikakitebo kunyumfwila, ndaakwiindilishawo mankanda osanwe aobilo kumupensha. 19Ndaakumana cimpamya canu cakulisumpula, teshi kukabewo mfula. Aboobo cishi canu cilaakuboolabo nta anga nceela ca nshimbi. 20Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.
21“Ono na mukatolelele kunkaka akutanyumfwila, alimwi ndaakwiindilishawo mankanda osanwe aobilo kumupensha. 22Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.
23“Ono na pakumucitikila mapensho oonse aya mukabule kunyumfwila, sombi mukatolelele kukaka nshemulwiita, 24lyalo ndaakumwaalukila akumupensha mankanda osanwe aobilo kwiinda kataanshi. 25Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu. 26Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.
27“Ono kwisule lya shintu shoonse ishi, na mukanoocikakitebo nshemulwiita akutanyumfwila, 28ndaakumwaalukila akwiindilishaawo alimwi pamapensho anu mankanda osanwe aobilo. 29Mulaakunyumfwa nsala inene abuumbi cakwaamba ayi mulaakunoolya bana banu. 30Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya. 31Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu. 32Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana. 33Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.#Duto 28:15-68 34Lyalo cishi canu cilaakuba amyaaka yakookesha iyo njemwakalinga kukaka kucipa. Cilaakunookookesha ceebo teshi mukabe bantu paciindi ico mwebo nceshi mukanooli mucishi ca balwani banu. 35Cishi ici caakucaala matongo, cilaakuba akookesha nkocatakalinga kubaawo ankuko mwebo kamuciliimo.
36“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo. 37Mulaakulimbana nabi taaku utoomutandaanya alimwi mulaakwaalilwa kulwana amulwani uli woonse. 38Mulaakufwita mucishi ca balwani akubikwa mweenka umo. 39Ono abo beshi bakacaaleewo pakati kanu mushishi sha balwani, balaakunyonyooka ceebo ca bubi bwanu nobeene alimwi abubi bwa bamashali banu bakulukulu.
40“Sombi bamulunyungu lwanu balaakulyaambilila shibiibi shabo alimwi asha bamashali babo bakulukulu, abo bakankaka, kungalukila, 41kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo, 42ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.#Mata 28:13-14; Mata 26:3; Mata 17:7-8 43Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu. 44Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo. 45Ndaakwiibaluka cipangano ico ncendakapanga abamashali babo bakulukulu, ndindakabonesha nkusu shangu kumishobo yoonse kwiinda mukukusha bantu bangu mucishi ca Ijipiti ayi nebo inga ndaba Lesa wabo. Nebo ndime Mwaami Lesa.”
46Anu yoonse iyi njimilawo amilasho iyo Mwaami Lesa njaakapa Mose paKalundu ka Sinayi ayi njabene Isilaeli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.