Bene Lefi 23
23
Nshiku bene Isilaeli nshebakalinga kusekelela
1Mpeeke Mwaami Lesa wakaambila Mose ayi, 2“Lwiita bene Isilaeli ayi ishi nshenshiku shakusekelela nshendasala nebo neMwaami Lesa isho nshebeelete kubungana ayi banambile.
Bushiku bwakookesha bwa Cibelu
3“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.#Kulo 20:8-10; 23:12; 31:15; 34:21; 35:2; Duto 5:12-14
4“Ono nshiku shakusekelela nsheshi mukaambilishe pashiindi sheelete, nsheeshi.
Bushiku bwa Pasika bwakwiibaluka kusotokela abwakulya Cimaande
(Shakube 28:16-25)
5“Kusekelela kwa bushiku bwa Pasika bwakwiibaluka kusotokela, uko kucitika mukulemeka Mwaami Lesa, kulatalika macolesha pabushiku bwalikumi ashone mumweenshi wakutaanguna.#Kulo 12:1-13; Duto 16:1-2 6Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa. 7Pabushiku butaanshi munshiku ishi, mulyeelete kubungana ayi munambile alimwi tamweelete kusebensa milimo yanu ya nshiku shoonse. 8Mukanoopa milambu yanu ya shakulya kuli ndime neMwaami Lesa kwanshiku shosanwe ashobilo. Pabushiku bwasanu ashobilo mulaakubungana alimwi ayi mulambile, sombi teshi mukasebense milimo yanu ya nshiku shoonse.”#Kulo 12:14-20; 23:15; 34:18; Duto 16:3-8
Insomo
9Mwaami Lesa wakaambila Mose ayi, 10“Na mukenjile mucishi ca Kenani ico ncentoomupa, ono na mukatebule shakulya shanu shili anga ngamaila, mukatole mule wakutaanguna kumupailishi. 11Lakwe ulaakuubenga kuMwaami Lesa ayi ncipo cakutambeeka kwaamba ayi mukatambulwe. Mupailishi uyo ulaakuubenga pabushiku buboolaawo na bushiku bwakookesha bwa Cibelu bweenda. 12Pabushiku ndyemupa cipo cakutambeeka ca fulaulo, munoobenga amwanaambelele musankwa ucite mwaaka womwi alimwi utacite kampenda ayi ngumulambu wakutenta. 13Mulaakupeta pantu pomwi amakilogilamu obilo a fulaulo usenkene amafuta a olifi ayi ncipo ca cakulya. Bweema bwa cipo ici bulasangalasha Mwaami Lesa. Mulaakubikaawo alita yomwi ya waini ayi ncipo ca cakunwa. 14Kuteelesha kulya shili anga ngamaila isho shaswabo mukutebulwa, shibishi, shakukanga nabi shakapangwa shinkwa na kamutana kuleta cipo ici kuli Lesa. Mulawo uyu bamulunyungu lwako boonse balyeelete kunooukonkela lyoonsebo koonse uko nkweenga kamushiite.
Kusekelela kwaKutebula
(Shakube 28:26-31)
15“Kuswa pabushiku bwakookesha bwa Cibelu ubo mbomuleta mule wa shili anga ngamaila ayi ncipo cakutambeeka kuli ndime neMwaami Lesa, ono pabushiku bwakuboolaawo mukabelenge nsondo shosanwe a shobilo shakabumbulu. 16Ingayi pabushiku bwa makumi osanwe, bushiku buboolaawo kuswa bushiku bwakookesha bwa Cibelu bwasanu ashobilo, mukape cipo cimwi ca fulaulo isho shaswabo mukutebulwa kuli ndime neMwaami Lesa. 17Bantu bamuŋanda yomwi balyeelete kuleta shinkwa wobilo akubenga kuli ndime neMwaami Lesa ayi ncipo cakutambeeka. Shinkwa womwi awomwi ulyeelete kupangwa kumakilogilamu obilo a fulaulo usenkene acimena, alimwi akubengwa kuli ndime neMwaami Lesa ayi ncipo ca fulaulo shataanguna kutebulwa. 18Ono pantu pomwi ashinkwa uyo, bene Isilaeli balyeelete kubenga mbelele shisankwa shosanwe ashobilo shicite mwaaka womwi womwi, mucende mwaana, alimwi ambelele shobilo shisankwa. Shoonse ishi tasheelete kuba akampenda nabi komwi. Shilaakubengwa ayi ngumulambu wakutenta kuli ndime neMwaami Lesa, pantu pomwi acipo ca fulaulo alimwi acipo ca cakunwa. Bweema bwa milambu iyi bulansangalasha neMwaami Lesa. 19Mulyeelete kubenga ampongo isankwa ayi ngumulambu wakulekelelwa shibiibi, alimwi abana ba mbelele bacende bobilo bacite mwaaka womwi womwi ayi ngumulambu wa bwanabwankashi. 20Lyalo mupailishi ulyeelete kubenga shinkwa alimwi abana bambelele bobilo abo ayi ngumulambu wakutambeeka wa bapailishi kuli ndime neMwaami Lesa. Mulambu uyu ulisalalite. 21Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.#Kulo 23:16; 34:22; Duto 16:6-12
22“Ono pakutebula myuunda yanu, mutakanoocesa shishango fulaulo shili mweela myuunda, alimwi tamweelete kuboolela mukucesa sheesho shakalinga kucaala. Mulyeelete kushishiila bakandu abaswamashi. Mwaami Lesa nguLesa wanu.”#Bene Lefi 19:9-10; Duto 24:19-22
Bushiku bwakusekelela bwaKulisha Mapeenga
(Shakube 29:1-6)
23Mpeeke Mwaami Lesa wakaambila Mose ayi, 24“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila. 25Tamweelete kusebensa milimo yanu ya nshiku shoonse, sombibo kupa Mwaami Lesa cipo ca cakulya.”
Bushiku bwaKusalashikwa kuswa kushibiibi
(Shakube 29:7-11)
26Mpeeke Mwaami Lesa wakaambila Mose ayi, 27“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa. 28Tamweelete kusebensa pabushiku ubu mukwiinga mbushiku bwakucita kweelana aMilawo ayi shibiibi sha bantu shilekelelwe pameenso angu neMwaami Lesa. 29Uyo woonse weenga walya cintu nabi comwi pabushiku ubo, teelete kunoociyeeyelwa kuba mulikoto lya bantu bangu. 30Na umwi wasebensa mulimo uli woonse pabushiku ubo, nebo neMwaami Lesa ndaakumucaya. 31Mulawo uyu ngwa bamulunyungu lwanu lyoonsebo, koonse uko nkweenga kabashiite. 32Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”#Bene Lefi 16:29-34
Kusekelela kwa Shimpaka
(Shakube 29:12-40)
33Mpeeke Mwaami Lesa wakaambila Mose ayi, 34“Lwiita bene Isilaeli ayi pabushiku bwalikumi ashosanwe mumweenshi wasanu ayobilo kusekelela kwa shimpaka ndikutalika, alimwi kulatola nshiku shosanwe ashobilo. 35Pabushiku butaanshi munshiku ishi, mukanoobungana ayi munambile alimwi tamweelete kusebensa milimo yanu ya nshiku shoonse. 36Panshiku shosanwe ashobilo shoonse ishi, lyoonse pabushiku mulaakunoopa cipo ca cakulya. Ono pabushiku bwasanu ashotatwe, mukabungane pantu pomwi alimwi, ayi munambile akumpa cipo ca cakulya. Ubu mbushiku bwakulambila, aboobo tamweelete kusebensa milimo yanu.#Duto 16:13-15
37“Anu sheenkabo isho nshemweelete kunoosekelela ayi mulemeke nebo neMwaami Lesa kwiinda mukubungana ayi munambile akupa shipo sha cakulya, milambu yakutenta, shipo sha fulaulo, milambu imwi yoonse alimwi ashipo sha cakunwa sheelete bushiku abushiku. 38Shakusekelela ishi sheelikwa panshiku shanu shoonse shakookesha sha Shibelu, ashalo shipo ishi sheelikwa pashipo shanu shanshiku shoonse, milambu ashipo isho nshemupa mukucita kweelana ambomwakashomesha cakulumbila alimwi amilambu yakulyaaba iyo njemumpa nebo neMwaami Lesa.
39“Ono na mwamanisha kutebula mumyuunda yanu, mulyeelete kusangalala pakusekelela uku kwa shimpaka inshiku shosanwe ashobilo, kutalikila pabushiku bwalikumi ashosanwe mumweenshi wasanu ayobilo. Bushiku butaanshi mbwakookesha abushiku bwasanu ashotatwe abwalo mbwakookesha. 40Pabushiku ubo, mukayape shisepo shimwi shibotu abuumbi kuswa kushisamu shanu, mukateme malala alimwi amisampi icite matewu aanji, akutalika kusekelela ayi mundemeke nebo neMwaami Lesa, Lesa wanu. 41Mwaaka amwaaka mulyeelete kutola nshiku shosanwe ashobilo kamusekelelabo. Boonse bamulunyungu lwanu balyeelete kunookonkela mulawo uyu lyoonsebo mumashalane anu oonse acisa. 42Bene Isilaeli boonse balyeelete kunookala mushimpaka kwanshiku shosanwe ashobilo, 43kwaamba ayi bamulunyungu lwanu beshibe ayi nebo neMwaami Lesa ndakalengesha bene Isilaeli kwikala mushimpaka ndindakabakusha mucishi ca Ijipiti. Nebo ndime Mwaami Lesa, Lesa wanu.”
44Anu mboboobo Mose mbwaakaambilisha milawo yakukonkela pakusekelela kubene Isilaeli ayi balemeke Mwaami Lesa.
Currently Selected:
Bene Lefi 23: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 23
23
Nshiku bene Isilaeli nshebakalinga kusekelela
1Mpeeke Mwaami Lesa wakaambila Mose ayi, 2“Lwiita bene Isilaeli ayi ishi nshenshiku shakusekelela nshendasala nebo neMwaami Lesa isho nshebeelete kubungana ayi banambile.
Bushiku bwakookesha bwa Cibelu
3“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.#Kulo 20:8-10; 23:12; 31:15; 34:21; 35:2; Duto 5:12-14
4“Ono nshiku shakusekelela nsheshi mukaambilishe pashiindi sheelete, nsheeshi.
Bushiku bwa Pasika bwakwiibaluka kusotokela abwakulya Cimaande
(Shakube 28:16-25)
5“Kusekelela kwa bushiku bwa Pasika bwakwiibaluka kusotokela, uko kucitika mukulemeka Mwaami Lesa, kulatalika macolesha pabushiku bwalikumi ashone mumweenshi wakutaanguna.#Kulo 12:1-13; Duto 16:1-2 6Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa. 7Pabushiku butaanshi munshiku ishi, mulyeelete kubungana ayi munambile alimwi tamweelete kusebensa milimo yanu ya nshiku shoonse. 8Mukanoopa milambu yanu ya shakulya kuli ndime neMwaami Lesa kwanshiku shosanwe ashobilo. Pabushiku bwasanu ashobilo mulaakubungana alimwi ayi mulambile, sombi teshi mukasebense milimo yanu ya nshiku shoonse.”#Kulo 12:14-20; 23:15; 34:18; Duto 16:3-8
Insomo
9Mwaami Lesa wakaambila Mose ayi, 10“Na mukenjile mucishi ca Kenani ico ncentoomupa, ono na mukatebule shakulya shanu shili anga ngamaila, mukatole mule wakutaanguna kumupailishi. 11Lakwe ulaakuubenga kuMwaami Lesa ayi ncipo cakutambeeka kwaamba ayi mukatambulwe. Mupailishi uyo ulaakuubenga pabushiku buboolaawo na bushiku bwakookesha bwa Cibelu bweenda. 12Pabushiku ndyemupa cipo cakutambeeka ca fulaulo, munoobenga amwanaambelele musankwa ucite mwaaka womwi alimwi utacite kampenda ayi ngumulambu wakutenta. 13Mulaakupeta pantu pomwi amakilogilamu obilo a fulaulo usenkene amafuta a olifi ayi ncipo ca cakulya. Bweema bwa cipo ici bulasangalasha Mwaami Lesa. Mulaakubikaawo alita yomwi ya waini ayi ncipo ca cakunwa. 14Kuteelesha kulya shili anga ngamaila isho shaswabo mukutebulwa, shibishi, shakukanga nabi shakapangwa shinkwa na kamutana kuleta cipo ici kuli Lesa. Mulawo uyu bamulunyungu lwako boonse balyeelete kunooukonkela lyoonsebo koonse uko nkweenga kamushiite.
Kusekelela kwaKutebula
(Shakube 28:26-31)
15“Kuswa pabushiku bwakookesha bwa Cibelu ubo mbomuleta mule wa shili anga ngamaila ayi ncipo cakutambeeka kuli ndime neMwaami Lesa, ono pabushiku bwakuboolaawo mukabelenge nsondo shosanwe a shobilo shakabumbulu. 16Ingayi pabushiku bwa makumi osanwe, bushiku buboolaawo kuswa bushiku bwakookesha bwa Cibelu bwasanu ashobilo, mukape cipo cimwi ca fulaulo isho shaswabo mukutebulwa kuli ndime neMwaami Lesa. 17Bantu bamuŋanda yomwi balyeelete kuleta shinkwa wobilo akubenga kuli ndime neMwaami Lesa ayi ncipo cakutambeeka. Shinkwa womwi awomwi ulyeelete kupangwa kumakilogilamu obilo a fulaulo usenkene acimena, alimwi akubengwa kuli ndime neMwaami Lesa ayi ncipo ca fulaulo shataanguna kutebulwa. 18Ono pantu pomwi ashinkwa uyo, bene Isilaeli balyeelete kubenga mbelele shisankwa shosanwe ashobilo shicite mwaaka womwi womwi, mucende mwaana, alimwi ambelele shobilo shisankwa. Shoonse ishi tasheelete kuba akampenda nabi komwi. Shilaakubengwa ayi ngumulambu wakutenta kuli ndime neMwaami Lesa, pantu pomwi acipo ca fulaulo alimwi acipo ca cakunwa. Bweema bwa milambu iyi bulansangalasha neMwaami Lesa. 19Mulyeelete kubenga ampongo isankwa ayi ngumulambu wakulekelelwa shibiibi, alimwi abana ba mbelele bacende bobilo bacite mwaaka womwi womwi ayi ngumulambu wa bwanabwankashi. 20Lyalo mupailishi ulyeelete kubenga shinkwa alimwi abana bambelele bobilo abo ayi ngumulambu wakutambeeka wa bapailishi kuli ndime neMwaami Lesa. Mulambu uyu ulisalalite. 21Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.#Kulo 23:16; 34:22; Duto 16:6-12
22“Ono pakutebula myuunda yanu, mutakanoocesa shishango fulaulo shili mweela myuunda, alimwi tamweelete kuboolela mukucesa sheesho shakalinga kucaala. Mulyeelete kushishiila bakandu abaswamashi. Mwaami Lesa nguLesa wanu.”#Bene Lefi 19:9-10; Duto 24:19-22
Bushiku bwakusekelela bwaKulisha Mapeenga
(Shakube 29:1-6)
23Mpeeke Mwaami Lesa wakaambila Mose ayi, 24“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila. 25Tamweelete kusebensa milimo yanu ya nshiku shoonse, sombibo kupa Mwaami Lesa cipo ca cakulya.”
Bushiku bwaKusalashikwa kuswa kushibiibi
(Shakube 29:7-11)
26Mpeeke Mwaami Lesa wakaambila Mose ayi, 27“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa. 28Tamweelete kusebensa pabushiku ubu mukwiinga mbushiku bwakucita kweelana aMilawo ayi shibiibi sha bantu shilekelelwe pameenso angu neMwaami Lesa. 29Uyo woonse weenga walya cintu nabi comwi pabushiku ubo, teelete kunoociyeeyelwa kuba mulikoto lya bantu bangu. 30Na umwi wasebensa mulimo uli woonse pabushiku ubo, nebo neMwaami Lesa ndaakumucaya. 31Mulawo uyu ngwa bamulunyungu lwanu lyoonsebo, koonse uko nkweenga kabashiite. 32Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”#Bene Lefi 16:29-34
Kusekelela kwa Shimpaka
(Shakube 29:12-40)
33Mpeeke Mwaami Lesa wakaambila Mose ayi, 34“Lwiita bene Isilaeli ayi pabushiku bwalikumi ashosanwe mumweenshi wasanu ayobilo kusekelela kwa shimpaka ndikutalika, alimwi kulatola nshiku shosanwe ashobilo. 35Pabushiku butaanshi munshiku ishi, mukanoobungana ayi munambile alimwi tamweelete kusebensa milimo yanu ya nshiku shoonse. 36Panshiku shosanwe ashobilo shoonse ishi, lyoonse pabushiku mulaakunoopa cipo ca cakulya. Ono pabushiku bwasanu ashotatwe, mukabungane pantu pomwi alimwi, ayi munambile akumpa cipo ca cakulya. Ubu mbushiku bwakulambila, aboobo tamweelete kusebensa milimo yanu.#Duto 16:13-15
37“Anu sheenkabo isho nshemweelete kunoosekelela ayi mulemeke nebo neMwaami Lesa kwiinda mukubungana ayi munambile akupa shipo sha cakulya, milambu yakutenta, shipo sha fulaulo, milambu imwi yoonse alimwi ashipo sha cakunwa sheelete bushiku abushiku. 38Shakusekelela ishi sheelikwa panshiku shanu shoonse shakookesha sha Shibelu, ashalo shipo ishi sheelikwa pashipo shanu shanshiku shoonse, milambu ashipo isho nshemupa mukucita kweelana ambomwakashomesha cakulumbila alimwi amilambu yakulyaaba iyo njemumpa nebo neMwaami Lesa.
39“Ono na mwamanisha kutebula mumyuunda yanu, mulyeelete kusangalala pakusekelela uku kwa shimpaka inshiku shosanwe ashobilo, kutalikila pabushiku bwalikumi ashosanwe mumweenshi wasanu ayobilo. Bushiku butaanshi mbwakookesha abushiku bwasanu ashotatwe abwalo mbwakookesha. 40Pabushiku ubo, mukayape shisepo shimwi shibotu abuumbi kuswa kushisamu shanu, mukateme malala alimwi amisampi icite matewu aanji, akutalika kusekelela ayi mundemeke nebo neMwaami Lesa, Lesa wanu. 41Mwaaka amwaaka mulyeelete kutola nshiku shosanwe ashobilo kamusekelelabo. Boonse bamulunyungu lwanu balyeelete kunookonkela mulawo uyu lyoonsebo mumashalane anu oonse acisa. 42Bene Isilaeli boonse balyeelete kunookala mushimpaka kwanshiku shosanwe ashobilo, 43kwaamba ayi bamulunyungu lwanu beshibe ayi nebo neMwaami Lesa ndakalengesha bene Isilaeli kwikala mushimpaka ndindakabakusha mucishi ca Ijipiti. Nebo ndime Mwaami Lesa, Lesa wanu.”
44Anu mboboobo Mose mbwaakaambilisha milawo yakukonkela pakusekelela kubene Isilaeli ayi balemeke Mwaami Lesa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.