Bene Lefi 18
18
Kukumana kutasuminishikwi kweelana aMilawo
1Mpeeke Mwaami Lesa wakaambila Mose ayi, 2“Lwiita bene Isilaeli ayi nebo ndime Mwaami Lesa wanu. 3Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya. 4Mulyeelete kukonkela milawo yangu akucita nshentoomwaambila. Nebo ndime Mwaami Lesa wanu. 5Amukonkele sheesho nshentoomulwiita amilawo njentoomupa. Pakunoocita boobo mulaakupulusha buumi bwanu. Nebo ndime Mwaami Lesa.#Neye 9:29; Ese 18:9; 20:11-13; Luka 10:28; Loma 10:5; Gala 3:12
6“Utakumani amukwanu mwanakashi uli woonse. Nebo ndime Mwaami Lesa.
7“Utasebaanyi baiso kwiinda mukukumana abanyoko. Mbanyoko, tooelete kukumanaabo.
8“Utasebaanyi baiso kwiinda mukukumana abakaabo bamwi.#Bene Lefi 20:11; Duto 22:30; 27:20
9“Utakumani anankashi yako nabi nankashi yako wakucanaamo, wakakulila muŋanda yomwi awebo nabi tau.#Bene Lefi 20:17; Duto 27:22
10“Utakumani amwishikulu wako mwanakashi, mukwiinga nkulisebanya omwiine.
11“Utakumani anankashi yako umwi uli woonse, nkokwaamba ayi mwanaabo bakwababo baiso, nabi banyoko bamwi ceebo alakwe ngunankashi yako.
12“Utakumani abaisonkashi ceebo mbakwababo baiso.
13“Utakumani amwanaabo bakwababo banyoko ceebo ngumukwanu.
14“Utakumani abamukashimishaanu ceebo abalo mbanyoko.#Bene Lefi 20:19-20
15“Utakumani amulokashi wako ceebo ngumuka mwanaako. Aboobo utakumani akwe.#Bene Lefi 20:12
16“Utakumani amulamu wako mwanakashi ceebo uko nkusebaanya mukwanu.#Bene Lefi 20:21
17“Utakumani amwaana wa mwanakashi uyo ngowakakumanaakwe nabi mwishikulu wakwe. Mpashi inga baba bamakwanu, aboobo kukumanaabo, ncimalwamalwa.#Bene Lefi 20:14; Duto 27:2
18“Utabwesi mukwabo mukaako ayi abe mukaako umwi na mukaako uyo kaacili muumi.
19“Utakumani amwanakashi na wakubala ceebo taasalalite kweelana aMilawo.#Bene Lefi 20:18
20“Utakumani amuka mwiine ceebo inga cakulengesha kutanoosalalite kweelana aMilawo.#Bene Lefi 20:10
21“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.#Bene Lefi 20:1-5
22“Taaku musankwa weelete kukumana amusankwanyina, ceebo Mwaami Lesa ulipatite micito iyo.#Bene Lefi 20:13
23“Taaku musankwa nabi mwanakashi weelete kukumana amunyama. Kucita boobo kulamulengesha kutanoosalalite kweelana aMilawo.#Kulo 22:19; Bene Lefi 20:15-16; Duto 27:21
24“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo. 25Micito ya mushobo uyo yakalengesha cishi ico citanoosalalite kweelana aMilawo. Paceebo ceeci, nebo neMwaami Lesa ndakacipa mulandu, akucilengesha ayi cikake bantu bakalinga kwikalaamo. 26Sombi mwebo mulyeelete kukonkela milasho alimwi amilawo yangu. Mwebo noonse, nkokwaamba ayi bene Isilaeli abaswamashi bekala pakati kanu, tamweelete kucita shintu shibiibi isho, 27mukwiinga bantu bakalinga kwikala mucishi ici bakashicita akucilengesha ayi citanoosalalite kweelana aMilawo. 28Ono na mucilengeshe kutanoosalalite kweelana aMilawo, amwebo cilaakumukaka bweenka mbocakakaka baabo bakalinga kwikalaamo. 29Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.
30“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”
Currently Selected:
Bene Lefi 18: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 18
18
Kukumana kutasuminishikwi kweelana aMilawo
1Mpeeke Mwaami Lesa wakaambila Mose ayi, 2“Lwiita bene Isilaeli ayi nebo ndime Mwaami Lesa wanu. 3Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya. 4Mulyeelete kukonkela milawo yangu akucita nshentoomwaambila. Nebo ndime Mwaami Lesa wanu. 5Amukonkele sheesho nshentoomulwiita amilawo njentoomupa. Pakunoocita boobo mulaakupulusha buumi bwanu. Nebo ndime Mwaami Lesa.#Neye 9:29; Ese 18:9; 20:11-13; Luka 10:28; Loma 10:5; Gala 3:12
6“Utakumani amukwanu mwanakashi uli woonse. Nebo ndime Mwaami Lesa.
7“Utasebaanyi baiso kwiinda mukukumana abanyoko. Mbanyoko, tooelete kukumanaabo.
8“Utasebaanyi baiso kwiinda mukukumana abakaabo bamwi.#Bene Lefi 20:11; Duto 22:30; 27:20
9“Utakumani anankashi yako nabi nankashi yako wakucanaamo, wakakulila muŋanda yomwi awebo nabi tau.#Bene Lefi 20:17; Duto 27:22
10“Utakumani amwishikulu wako mwanakashi, mukwiinga nkulisebanya omwiine.
11“Utakumani anankashi yako umwi uli woonse, nkokwaamba ayi mwanaabo bakwababo baiso, nabi banyoko bamwi ceebo alakwe ngunankashi yako.
12“Utakumani abaisonkashi ceebo mbakwababo baiso.
13“Utakumani amwanaabo bakwababo banyoko ceebo ngumukwanu.
14“Utakumani abamukashimishaanu ceebo abalo mbanyoko.#Bene Lefi 20:19-20
15“Utakumani amulokashi wako ceebo ngumuka mwanaako. Aboobo utakumani akwe.#Bene Lefi 20:12
16“Utakumani amulamu wako mwanakashi ceebo uko nkusebaanya mukwanu.#Bene Lefi 20:21
17“Utakumani amwaana wa mwanakashi uyo ngowakakumanaakwe nabi mwishikulu wakwe. Mpashi inga baba bamakwanu, aboobo kukumanaabo, ncimalwamalwa.#Bene Lefi 20:14; Duto 27:2
18“Utabwesi mukwabo mukaako ayi abe mukaako umwi na mukaako uyo kaacili muumi.
19“Utakumani amwanakashi na wakubala ceebo taasalalite kweelana aMilawo.#Bene Lefi 20:18
20“Utakumani amuka mwiine ceebo inga cakulengesha kutanoosalalite kweelana aMilawo.#Bene Lefi 20:10
21“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.#Bene Lefi 20:1-5
22“Taaku musankwa weelete kukumana amusankwanyina, ceebo Mwaami Lesa ulipatite micito iyo.#Bene Lefi 20:13
23“Taaku musankwa nabi mwanakashi weelete kukumana amunyama. Kucita boobo kulamulengesha kutanoosalalite kweelana aMilawo.#Kulo 22:19; Bene Lefi 20:15-16; Duto 27:21
24“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo. 25Micito ya mushobo uyo yakalengesha cishi ico citanoosalalite kweelana aMilawo. Paceebo ceeci, nebo neMwaami Lesa ndakacipa mulandu, akucilengesha ayi cikake bantu bakalinga kwikalaamo. 26Sombi mwebo mulyeelete kukonkela milasho alimwi amilawo yangu. Mwebo noonse, nkokwaamba ayi bene Isilaeli abaswamashi bekala pakati kanu, tamweelete kucita shintu shibiibi isho, 27mukwiinga bantu bakalinga kwikala mucishi ici bakashicita akucilengesha ayi citanoosalalite kweelana aMilawo. 28Ono na mucilengeshe kutanoosalalite kweelana aMilawo, amwebo cilaakumukaka bweenka mbocakakaka baabo bakalinga kwikalaamo. 29Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.
30“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.