Bene Lefi 17
17
Bulowa mbobusalalite
1Mwaami Lesa wakaambila Mose ayi, 2“Lwiita Aloni abana bakwe basankwa alimwi abene Isilaeli boonse ayi nebo neMwaami Lesa ndaamba ayi, 3‘Mwine Isilaeli uli woonse ubengela ŋombe, mbelele nabi mpongo mumisumba nabi pansengwe, 4mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu. 5Mulawo uyu utoosansulula ayi bene Isilaeli ono bananooletela ndime neMwaami Lesa milambu iyo njebakalinga kubenga muluundu. Bananooileta kumupailishi pamulyango wa Tente ya Cipangano, akwiibenga ayi njimilambu ya bwanabwankashi. 6Lakwe mupailishi ulaakunoosanseela bulowa mumbasu sha cipaililo pamulyango wa Tente ya Cipangano, akutenta mafuta kwaamba ayi mbweema busangalasha Mwaami Lesa. 7Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.
8“ ‘Mwine Isilaeli woonse nabi muswamashi woonse ushiite mulikoto lyabo ubengela mulambu wakutenta nabi mulambu umwi woonse 9kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.
10“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.#Mata 9:4; Bene Lefi 7:26-27; 19:26; Duto 12:16, 23; 15:23 11Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.#Ebulu 9:22 12Nceceeco nebo neMwaami Lesa ncendalwiitila bene Isilaeli ayi balo nabi muswamashi umwi woonse ushiite mulikoto lyabo, tabeelete kulya nyama icite abulowa.
13“ ‘Na mwine Isilaeli nabi muswamashi umwi woonse ushiite mulikoto lyabo wacaya munyama nabi muyuni usalalite kweelana amulawo, ulyeelete kutila bulowa bwa nguwe panshi akubooshaawo bulongo. 14Mukwiinga buumi bwa cintu cili coonse cuumi buli mubulowa, nceceeco nebo neMwaami Lesa ncendalwiitila bene Isilaeli boonse ayi tabeelete kulya nyama icite bulowa, alimwi ayi uyo woonse weenga weelya, teshi akanoociyeeyelwa kuba mulikoto lya bantu bangu.
15“ ‘Muntu uli woonse, mwine Isilaeli nabi muswamashi weenga walya nyama ya munyama wakalifwita nabi wakacaikwa kubanyama ba muluundu, ulyeelete kucapa shakufwala shakwe, kusamba pamubili akulindila kushikila macolesha ayi abe usalalite kweelana aMilawo. 16Ono na wabula kucita boobo, ulyeelete kupekwa mulandu weelete.’ ”
Currently Selected:
Bene Lefi 17: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 17
17
Bulowa mbobusalalite
1Mwaami Lesa wakaambila Mose ayi, 2“Lwiita Aloni abana bakwe basankwa alimwi abene Isilaeli boonse ayi nebo neMwaami Lesa ndaamba ayi, 3‘Mwine Isilaeli uli woonse ubengela ŋombe, mbelele nabi mpongo mumisumba nabi pansengwe, 4mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu. 5Mulawo uyu utoosansulula ayi bene Isilaeli ono bananooletela ndime neMwaami Lesa milambu iyo njebakalinga kubenga muluundu. Bananooileta kumupailishi pamulyango wa Tente ya Cipangano, akwiibenga ayi njimilambu ya bwanabwankashi. 6Lakwe mupailishi ulaakunoosanseela bulowa mumbasu sha cipaililo pamulyango wa Tente ya Cipangano, akutenta mafuta kwaamba ayi mbweema busangalasha Mwaami Lesa. 7Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.
8“ ‘Mwine Isilaeli woonse nabi muswamashi woonse ushiite mulikoto lyabo ubengela mulambu wakutenta nabi mulambu umwi woonse 9kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.
10“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.#Mata 9:4; Bene Lefi 7:26-27; 19:26; Duto 12:16, 23; 15:23 11Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.#Ebulu 9:22 12Nceceeco nebo neMwaami Lesa ncendalwiitila bene Isilaeli ayi balo nabi muswamashi umwi woonse ushiite mulikoto lyabo, tabeelete kulya nyama icite abulowa.
13“ ‘Na mwine Isilaeli nabi muswamashi umwi woonse ushiite mulikoto lyabo wacaya munyama nabi muyuni usalalite kweelana amulawo, ulyeelete kutila bulowa bwa nguwe panshi akubooshaawo bulongo. 14Mukwiinga buumi bwa cintu cili coonse cuumi buli mubulowa, nceceeco nebo neMwaami Lesa ncendalwiitila bene Isilaeli boonse ayi tabeelete kulya nyama icite bulowa, alimwi ayi uyo woonse weenga weelya, teshi akanoociyeeyelwa kuba mulikoto lya bantu bangu.
15“ ‘Muntu uli woonse, mwine Isilaeli nabi muswamashi weenga walya nyama ya munyama wakalifwita nabi wakacaikwa kubanyama ba muluundu, ulyeelete kucapa shakufwala shakwe, kusamba pamubili akulindila kushikila macolesha ayi abe usalalite kweelana aMilawo. 16Ono na wabula kucita boobo, ulyeelete kupekwa mulandu weelete.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.